Homeຂ່າວພາຍ​ໃນການແຂ່ງຂັນກີລາຕີດອກປີກໄກ່ ສໍາລັບພະນັກງານລັດຖະກອນ ເພື່ອຊີງຂັນເຈົ້າຄອງນະຄອນຫຼວງວຽງຈັນ

ການແຂ່ງຂັນກີລາຕີດອກປີກໄກ່ ສໍາລັບພະນັກງານລັດຖະກອນ ເພື່ອຊີງຂັນເຈົ້າຄອງນະຄອນຫຼວງວຽງຈັນ

Published on

ເພື່ອຕ້ອນຮັບວັນສໍາຄັນຕ່າງໆຂອງຊາດ-ຂອງພັກ ໂດຍສະເພາະແມ່ນຄໍານັບຮັບຕ້ອນວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 61 ປີ ແລະ ຄໍານັບຊົມເຊີຍຜົນສໍາເລັດການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ VIII ແລະ ສະມາຊິກສະພາປະຊາຊົນຂັ້ນແຂວງ ນະຄອນຫຼວງວຽງຈັນ ໃຫ້ມີບັດຍາກາດເປັນຂະບວນຟົດຟື້ນ ດັ່ງນັ້ນ ອົງການປົກຄອງນະຄອນຫຼວງວຽງຈັນ ມອບໃຫ້ສະຫະພັນດອກປີກໄກ່ນະຄອນຫຼວງວຽງຈັນ ຮ່ວມກັບ ບັນດາອົງການຈັດຕັ້ງທາງສັງຄົມທັງພາກລັດ ແລະ ເອກະຊົນ ຈັດກິດຈະກໍາແຂ່ງຂັນກີລາຕີດອກປີກໄກ່ ປະຈໍາ 2016 ຊີງຂັນທ່ານເຈົ້າຄອງນະຄອນຫຼວງວຽງຈັນ ຂຶ້ນໃນວັນທີ 24-25 ມີນາ 2016 ທີ່ສະໂມສອນດອກປີກໄກ່ບຶງຂະຫຽອງ ເມືອງສີສັດຕະນາກ ນະຄອນຫຼວງວຽງຈັນ.

ເປັນກຽດເຂົ້າຮ່ວມໃນພິທີມີ ທ່ານ ຄໍາສະຫວັນ ໂຄດໄຊ ຮອງຫົວໜ້າພະແນກສຶກສາທິການ ແລະ ກີລານະຄອນ ຫຼວງວຽງຈັນ ທັງເປັນຮອງປະທານສະມາຄົມກີລາ-ກາຍະກໍາ ນະຄອນຫຼວງ ມີຜູ້ຕາງໜ້າກົມກີລາລະດັບສູງ ກະຊວງສຶກສາທິການ ແລະ ກີລາ ບັນດາຄະນະສະຫະພັນ ຄະນະກໍາມະການຮັບຜິດຊອບການຈັດງານແຂ່ງຂັນ ບັນດາຄູເຝິກ ແລະ ນັກກີລາທີ່ເປັນພະນັກງານ ລັດຖະກອນສັງກັດພະແນກການ ອົງການຈັດຕັ້ງທາງສັງຄົມຕ່າງໆພາຍໃນ 9 ໂຕເມືອງອ້ອມຂ້າງນະຄອນຫຼວງວຽງຈັນ ພ້ອມດ້ວຍກອງເຊຍເຂົ້າຮ່ວມຢ່າງຫຼວງຫຼາຍ.

ໃນພິທີ ທ່ານຫົວໜ້າສະຫະພັນດອກປີກໄກ່ນະຄອນຫຼວງວຽງຈັນ ໄດ້ໃຫ້ຮູ້ວ່າ ການຈັດການແຂ່ງຂັນໃນຄັ້ງນີ້ ນອກ ຈາກເປັນການຄໍານັບຮັບຕ້ອນວັນສໍາຄັນຕ່າງໆຂອງຊາດ ຂອງພັກແລ້ວ ຍັງເປັນການສ້າງໂອກາດໃຫ້ທຸກພາກ ສ່ວນມີຄວາມສາມັກຄີຮັກແພງ ແລກປ່ຽນ ຖອດຖອນບົດຮຽນເຊິ່ງກັນແລະກັນ ພາຍໃນພະນັກງານ ລັດຖະກອນທີ່ສັງກັດອົງການຈັດຕັ້ງຕ່າງໆ ແລະ ເປັນການຫຼິ້ນກີລາເຮັດໃຫ້ສຸຂະພາບແຂງແຮງ ເຊິ່ງການແຂ່ງຂັນດັ່ງກ່າວປະກອບມີ 59 ທີມ ແບ່ງອອກເປັນ 4 ສາຍຄື ສາຍ VIP ອາຍຸ 40 ປີຂຶ້ນໄປ ຊາຍ-ຍິງ ສາຍຄູ່ປະສົມຍິງ-ຊາຍ ສາຍຍິງດ່ຽວທົ່ວໄປ ແລະ ສາຍຊາຍດ່ຽວທົ່ວໄປ ສໍາລັບ ລາງວັນອັນດັບທີ 1 ຂອງແຕ່ລະສາຍຈະໄດ້ຮັບຂັນເງິນນໍ້າໜັກ 1 ກິໂລກຣາມ 1 ໜ່ວຍ ແລະ ເງິນສົດ 2 ລ້ານກີບ ອັນດັບທີ 2 ຈະໄດ້ຮັບຂັນເງິນນໍ້າໜັກ 0,5 ກິໂລກຣາມ ແລະ ເງິນສົດ 1 ລ້ານກີບ ອັນດັບ 3 ຈະໄດ້ຮັບຂັນເງິນນໍ້າໜັກ 300 ກຣາມ ແລະ ເງິນສົດ 8 ແສນກີບ ແລະ ອັນດັບທີ 4 ເງິນສົດ 5 ແສນກີບ.
ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...