Homeອຸບັດເຫດແລະປາກົດການຫຍໍ້ທໍ້ຄົນຮ້າຍລັດຍິງລົດເພື່ອຫຍັງ?

ຄົນຮ້າຍລັດຍິງລົດເພື່ອຫຍັງ?

Published on

ອີງຕາມການລາຍງານຂອງເຟສບຸກເພຈ ປະເທດລາວ ໃຫ້ຮູ້ວ່າ ໃນຕອນກາງຄືນປະມານ 21:00 ຂອງວັນທີ 23 ມີນາ 2016 ທີ່ຜ່ານມາ ໄດ້ເກີດເຫດຄົນຮ້າຍລັດຍິງລົດກະບະໂຕໂຍຕ້າລຸ້ນໄທເກີ ແລະລົດໂດຍສານ ຄຸນໝິງ-ວຽງຈັນ ເຫດດັ່ງກ່າວ ເຮັດໃຫ້ຄົນຂັບລົດກະບະເສຍຊີວິດ ແລະລົດເມຖືກຍິງຈຳນວນ 70 ກວ່າລູກ ເຮັດໃຫ້ມີຜູ້ບາດເຈັບຈຳນວນໜຶ່ງ ໃນຂະນະທີ່ຄົນຂັບລົດເມພະຍາຍາມບັງຄັບລົດໜີໄກອອກໄປ 20 ກິໂລແມັດ ດ້ວຍອາການບາດເຈັບ.

ໃນຂະນະທີ່ຜ່ານມາ ໃນວັນທີ 1 ມິນາ ຢູ່ບ້ານວຽງຄໍາ ເມືອງພູຄູນ ແຂວງ ຫຼວງພະບາງ ກໍເກີດ ເຫດການ ລັດຍິງລົດເມ ໂດຍສານ ເຮັດໃຫ້ ຜູ້ໂດຍສານ ຊາວລາວ ໄດ້ຮັບບາດເຈັບ 5 ຄົນ ແລະ ໃນມື້ດຽວກັນ ກໍໍເກີດມີ ເຫດການ ລັດຍິງ ກຳມະກອນ ຊາວຈີນ ເຮັດໃຫ້ມີ ຜູ້ເສຍຊີວິດ 1 ຄົນ ແລະ ບາດເຈັບ 3 ຄົນ.

ຕໍ່ສະພາບການຄືດັ່ງກ່າວ, ຝ່າຍກອງທັບປະຊາຊົນລາວກໍໄດ້ເພິ່ມຄວາມເຂັ້ມງວດໃນການກວດກາເວນຍາມໃນເຂດດັ່ງກ່າວ ຕະຫຼອດ 24 ຊົ່ວໂມງ ແລະບາງໄລຍະກໍໄດ້ຫ້າມບໍ່ໃຫ້ລົດແລ່ນຜ່ານໃນຕອນກາງຄືນ ເພາະເຫດການສ່ວນຫຼາຍແມ່ນເກີດຂຶ້ນໃນຕອນກາງຄືນ.

ພ້ອມດຽວກັນນີ້, ກໍເກີດຄຳຖາມຂຶ້ນມາວ່າ ພວກຄົນຮ້າຍທີ່ລັດຍິງລົດດັ່ງກ່າວນັ້ນແມ່ນຕ້ອງການຫຍັງກັນແທ້? ເພາະຈະວ່າການປຸ້ນເອົາຊັບກໍພັດບໍ່ມີລັກສະນະແບບນັ້ນ ຄື ແຕ່ລະຄັ້ງທີ່ເກີດເຫດພວກຄົນຮ້າຍກໍບໍ່ໄດ້ເຂົ້າມາຄົ້ນເອົາຊັບສິນຂອງຜູ້ຄົນໃນລົດແຕ່ຢ່າງໃດ ແລ້ວພວກກ່ຽວຕ້ອງການຫຍັງກັນແທ້?

ຈະແມ່ນເພື່ອເປົ້າໝາຍໃດກໍຕາມ ການກະທຳຄືດັ່ງກ່າວນັ້ນຈະສ້າງຜົນເສຍຕໍ່ທັງກຸ່ມຕົນເອງແລະປະເທດຊາດ ເນື່ອງຈາກວ່າການກະທຳດັ່ງກ່າວເປັນການກະທຳທີ່ໂຫດຮ້າຍປ່າເຖື່ອນຕໍ່ມວນມະນຸດຜູ້ບໍລິສຸດ ເຮັດໃຫ້ຜູ້ບໍລິສຸດທີ່ເປັນເພື່ອນຮ່ວມຊາດ, ເປັນເຄືອຍາດໃນຊາດດຽວກັນໄດ້ຮັບບາດເຈັບ ຫຼືເສຍຊີວິດ ຈຶ່ງມີແຕ່ຈະສ້າງໃຫ້ຜູ້ຄົນກຽດຊັງຕໍ່ຕົນເອງ, ໃນຂະນະທີ່ເມື່ອປະເທດຊາດບໍ່ສະຫງົບ ປະຊາຊົນບໍ່ອຸ່ນອຽນທຸ່ນທ່ຽງໃນການໄປ-ມາ ເພື່ອຕິດຕໍ່ພົວພັນຊື້-ຂາຍ ສ້າງເສດຖະກິດຄອບຄົວ, ນັກລົງທຶນກໍມີຄວາມຢ້ານກົວຕໍ່ເຫດຮ້າຍດັ່ງກ່າວ ເຊິ່ງມັນຈະສົ່ງຜົນເສຍໂດຍລວມແກ່ປະເທດຊາດແລະປະຊາຊົນ ແລະພັກພວກຍາດພີ່ນ້ອງຂອງຕົນ.

ການອອກມາຫຼອນໂຈມຕີຜູ້ບໍລິສຸດ ໂດຍບໍ່ມີເຫດຜົນ ຫຼືບໍ່ສົ່ງຂ່າວໃຫ້ຮູ້ເຫດຜົນຫຍັງນັ້ນ ຈະບໍ່ມີໃຜສາມາດຮູ້ໄດ້ເຖິງຄວາມຕ້ອງການຂອງຕົນເອງ ດີແທ້ຖ້າຕ້ອງການຫຍັງກໍຄວນບອກໃຫ້ສັງຄົມຮູ້ ຖ້າມີບັນຫາໃດກໍຈະໄດ້ປັບປຸງແກ້ໄຂໃຫ້ມັນດີຂຶ້ນ ເພື່ອພ້ອມພຽງຮຽງໜ້າກັນປົກປັກຮັກສາ ແລະສ້າງສາພັດທະນາປະເທດຊາດຂອງພວກເຮົາ ໃຫ້ມີຄວາມຈະເລີນກ້າວໜ້າທຽບທັນກັບບັນດາປະເທດອື່ນໆ ໃນໂລກ.
21cd1d0d-b1b2-4aa0-abe1-29ef4ec68e28

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...