Homeຂ່າວການພັດທະນາການຮ່ວມມືດ້ານແຮງງານລາວ-ໄທ ຍັງຂາດການພັດທະນາສີມືແຮງງານ

ການຮ່ວມມືດ້ານແຮງງານລາວ-ໄທ ຍັງຂາດການພັດທະນາສີມືແຮງງານ

Published on

ໃນວັນທີ 18 ມີນາຜ່ານມານີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຈັດກອງປະຊຸມພົບປະກັບກະຊວງແຮງງງານ ແຫ່ງປະເທດໄທ ຂຶ້ນທີ່ໂຮງແຮມລາວ ພລາຊາ, ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ດຣ. ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ພົນເອກ ສີຣິໄຊ ດິດຖະກຸນ ລັດຖະມົນຕີວ່າການກະຊວງແຮງງານ ຂອງປະເທດໄທ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານລັດຖະມົນຕີວ່າການກະຊວງແຮງງານ ແລະ ສະຫວັດດີການສັງຄົມ ໄດ້ກ່າວສະແດງຄວາມຍິນດີຕ້ອນຮັບລັດຖະມົນຕີວ່າການກະຊວງແຮງງານ ຂອງໄທ ທີ່ໄດ້ເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຮ່ວມ, ຖືໄດ້ວ່າເປັນການປະກອບສ່ວນສຳຄັນເຂົ້າໃນການຮັດແໜ້ນຄວາມສາມັກຄີ

ມິດຕະພາບ ແລະ ການເສີມຂະຫຍາຍການພົວພັນຮ່ວມມືລະຫວ່າງສອງປະເທດ ລາວ-ໄທ ເພື່ອເຮັດໃຫ້ການຮ່ວມມືມີຄວາມແໜ້ນແຟ້ນຂຶ້ນຕື່ມ. ໃນກອງປະຊຸມລັດຖະມົນຕີ ຍັງໄດ້ລາຍງານສະພາບການພັດທະນາເສດຖະກິດ-ສັງຄົມ, ວຽກງານແຮງງານ ແລະ ສະຫວັດດີການສັງຄົມຂອງລາວ ແລະ ການຮ່ວມມື 2 ກະຊວງ ຕໍ່ລັດຖະມົນຕີແຮງງານຂອງໄທ, ພ້ອມນັ້ນ ການລົງນາມໃນສັນຍາ MOU ກ່ຽວກັບການຮ່ວມມືດ້ານການຈ້າງງານລາວ-ໄທ ແລະ ໄທ-ລາວ ທີ່ 2 ລັດຖະບານໄດ້ລົງນາມໃນປີ 2002 ຜ່ານມາ, ມັນໄດ້ເຮັດໃຫ້ການສົ່ງ ແລະ ການຮັບແຮງງານທັງສອງປະເທດ ນັບມື້ໄດ້ຮັບການສົ່ງເສີມຫລາຍຂຶ້ນໃນແຕ່ລະປີ, ແຕ່ເມື່ອທຽບໃສ່ກັບຄວາມຮຽກຮ້ອງຕ້ອງການແລ້ວ ເຫັນວ່າຍັງບໍ່ທັນສາມາດຕອບສະໜອງໄດ້ເທື່ອ,ຍ້ອນການລົງນາມດັ່ງກ່າວ ບໍ່ໄດ້ກວມເອົາການຮ່ວມມືດ້ານການພັດທະນາສີມືແຮງງານ ແລະ ການຝຶກວິຊາອາຊີບ,ການຄຸ້ມຄອງ, ການປົກປ້ອງສິດທິ ແລະ ຜົນປະໂຫຍດຂອງຜູ້ອອກແຮງງານ, ຜູ້ໃຊ້ແຮງງານ. ດັ່ງນັ້ນ ຈຶ່ງມີຄວາມຈຳເປັນໃຫ້ປັບປຸງສັນຍາຄືນໃໝ່ໃຫ້ມີຄວາມສອດຄ່ອງກັບສະພາບປັດຈຸບັນຫລາຍກວ່າເກົ່າ.

ແຫລ່ງຂ່າວຈາກ: ໜັງສືພິມລາວພັດທະນາ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...