Homeຂ່າວການສຶກສາຕົວແທນນັກຮຽນເກັ່ງທົ່ວນະຄອນຫລວງຈະເຂົ້າຮ່ວມການສອບເສັງລະດັບຊາດ ໃນທ້າຍເດືອນເມສານີ້

ຕົວແທນນັກຮຽນເກັ່ງທົ່ວນະຄອນຫລວງຈະເຂົ້າຮ່ວມການສອບເສັງລະດັບຊາດ ໃນທ້າຍເດືອນເມສານີ້

Published on

ເຊົ້າວັນທີ 15 ມີນານີ້, ພະແນກສຶກສາທິການ ແລະ ກິລາ ນະຄອນຫລວງວຽງຈັນ, ໄດ້ຈັດການສອບເສັງນັກຮຽນເກັ່ງທົ່ວນະຄອນຫລວງວຽງຈັນ ຂຶ້ນທີ່ສູນສອບເສັງ ມ.ສ ວຽງຈັນ, ໂດຍມີນັກຮຽນເກັ່ງໃນຊັ້ນປ5, ມ4 ແລະ ມ7 ເຂົ້າຮ່ວມທັງໝົດ 618 ຄົນ, ໃນນັ້ນ ຊັ້ນປ 5 ມີ 150 ຄົນ, ຍິງ 114 ຄົນ, ຊັ້ນມ4 ມີ 209 ຄົນ, ຍິງ 144 ຄົນ ແລະ ມ7 ມີ 259 ຄົນ, ຍິງ 153 ຄົນ,ຊຶ່ງຊັ້ນປ5 ມີວິຊາຄື: ຄະນິດສາດ, ພາສາລາວ ແລະ ໂລກອ້ອມຕົວ, ຊັ້ນມ4 ແລະ ມ7 ມີວິຊາຄື: ຄະນິດສາດ, ພາສາລາວ-ວັນນະຄະດີ, ຟີຊິກສາດ ແລະ ວິຊາເຄມີສາດ.

ທ່ານຫົວໜ້າພະແນກສຶກສາທິການ ແລະ ກິລາ ນະຄອນຫລວງວຽງຈັນ ໃຫ້ຮູ້ວ່າ: ການສອບເສັງດັ່ງກ່າວ ກໍເພື່ອກະຕຸກຊຸກຍູ້ຂະບວນການຮຽນ-ການສອນໃນໂຮງຮຽນສາມັນສຶກສາທົ່ວນະຄອນຫລວງ

ວຽງຈັນ ມີບັນຍາກາດຟົດຟື້ນເຂັ້ມແຂງ, ມີລັກສະນະແຂ່ງຂັນຢ່າງຕັ້ງໜ້າໃນການພັດທະນການສຶກສາໃຫ້ມີຄຸນນະພາບ ແລະ ສາມາດເຊື່ອມໂຍງເຂົ້າກັບສາກົນຫລາຍຂຶ້ນ, ຊຶ່ງການສອບເສັງນັກຮຽນເກັ່ງດັ່ງກ່າວ ຕ້ອງໄດ້ຜ່ານ 3 ຂັ້ນຕອນຄື: ສອບເສັງຄັດເລືອກໃນໂຮງຮຽນ ເຊິ່ງໄດ້ມີຂຶ້ນເມື່ອເດືອນຕຸລາ 2015 ຜ່ານມາ, ສອບເສັງຄັດເລືອກໃນຂັ້ນເມືອງ,ຊຶ່ງໄດ້ມີຂຶ້ນໃນວັນທີ 15 ກຸມພາຜ່ານມານີ້ ແລະ ສຸດທ້າຍແມ່ນຮອບທົ່ວນະຄອນຫລວງ, ເພື່ອຈະໄດ້ຄັດເລືອກເອົາຕົວແທນນັກຮຽນເກັ່ງຂອງແຕ່ລະວິຊາໃນແຕ່ລະຊັ້ນ, ວິຊາລະໜຶ່ງຄົນ, ເພື່ອໄປເຂົ້າຮ່ວມສອບເສັງນັກຮຽນເກັ່ງລະດັບຊາດ ທີ່ຈະໄດ້ຈັດຂຶ້ນໃນທ້າຍເດືອນເມສານີ້.

 

ແຫລ່ງຂ່າວຈາກ laophatthananewspaper

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...