ບຸນ ຫຼື ບາບ ປ່ອຍເຕົ່າລົງບ່ອນມີກະແສນ້ຳໄຫລ...ຕາຍໝົດ! - ລາວໂພສຕ໌ Laopost

Click here - to use the wp menu builder

Homeຂ່າວສັ້ນບຸນ ຫຼື ບາບ ປ່ອຍເຕົ່າລົງບ່ອນມີກະແສນ້ຳໄຫລ...ຕາຍໝົດ!

ບຸນ ຫຼື ບາບ ປ່ອຍເຕົ່າລົງບ່ອນມີກະແສນ້ຳໄຫລ…ຕາຍໝົດ!

ຂ່າວສັ້ນ ຂ່າວເຫດການ

Published on

15/03/2016

By ບຸດສະດີ ສາຍນ້ຳມັດ

2441

o428utaxe3Aqj6FJw8W-o

ເຜີຍພາບສະຫຼົດ ຊາກເຕົ່າຕາຍ ຫຼັງຄົນມາເຮັດບຸນເອົາເຕົ່າໄປປ່ອຍລົງກະແສນ້ຳ ເຊິ່ງເຕົ່າແຕ່ລະຊະນິດບໍ່ຄືກັນມີທັງເຕົ່າບົກ ແລະ ເຕົ່ານ້ຳ ໃຫ້ສັງເກດກ່ອນປ່ອຍ.

ການປ່ອຍນົກ ປ່ອຍປາ ແລະ ສັດຕ່າງໆ ຖືເປັນວິທີການເຮັດບຸນທຳທານຕາມຄວາມເຊື່ອ ແຕ່ໃນການປ່ອຍສັດນັ້ນອາດຈະຕ້ອງສຶກສາກ່ອນ ແລະ ຄິດໃຫ້ຮອບຄອບເຖິງສະພາບແວດລ້ອມບ່ອນຈະໄປປ່ອຍ ວ່າມັນເໝາະສົມຕໍ່ການດຳເນີນຊີວິດຂອງມັນ ຫຼື ບໍ່ ເພາະບໍ່ດັ່ງນັ້ນອາດຈະກາຍເປັນຄວາມປາຖະໜາດີທີ່ສົ່ງຜົນຮ້າຍຕາມມາ.

ເຊັ່ນກໍລະນີວັນທີ 12 ມີນາ 2016ທີ່ຜ່ານມາ ໄດ້ມີການເປີດເຜີນຈາກເຟສບຸ໊ກຊື່ Suvinit Aum Pornnavalai ໄດ້ໂພສຕ໌ພາບຊາກເຕົ່າຈຳນວນຫຼາຍທີ່ຖືກນຳໄປປ່ອຍໃນກະແສນ້ຳທີ່ ວັດໃຫຍ່ສຸວະທາຣາມ ຈັງຫວັງເພດບູລີ ໂດຍຊາກເຕົ່າທັງໝົດ ເປັນເຕົ່າທີ່ອາໃສເທິງບົກຫຼາຍກ່ວາໃນນ້ຳ.

ວັນນີ້ລາວໂພສຕ໌ມີພາບຊະນິດຂອງເຕົ່າມາແນະນຳໃຫ້ຮູ້ ເພື່ອເປັນຂໍ້ມູນດີໆໃນເວລາທີ່ທ່ານໄປຊື້ເຕົ່າເພື່ອໄປປ່ອຍ

ລັກສະນະເຕົ່າບົກ:

ຮູບຊົງກະດອງສ່ວນຫຼາຍຈະເປັນໂຄມນູນສູງ ຂອບມີຄວາມໜາ ນ້ຳໜັກຫຼາຍກ່ວາເຕົ່ານ້ຳ ຂາມີເກັດໃຫຍ່ໄວ້ໃຊ້ຂຸດດິນ ຕີນມີລັກສະນະກົມ ແລະ ມີເລັບທີ່ແຂງແຮງ.

ລັກສະນະເຕົ່ານ້ຳ:

ກະດອງລຽບ ຮູບຊົງແບນຕ່ຳ ນູນຕ່ຳ ຂອບກະດອງບາງ ມີນ້ຳໜັກເບົາກ່ວາເຕົາບົກ

ດັ່ງນັ້ນກ່ອນທີ່ທ່ານຈະຊື້ເຕົ່າໄປປ່ອຍທຸກຄັ້ງໃຫ້ທ່ານສຶກສາຂໍ້ມູນກ່ອນ ແລະ ສັງເກດເບິ່ງລັກສະນະຂອງເຕົ່າກ່ອນທີ່ຈະນຳມັນໄປປ່ອຍ ເພື່ອເຮັດໃຫ້ທ່ານໄດ້ບຸນຕາມທີ່ທ່ານປາຖະໜາໄວ້.

ແຫລ່ງຂ່າວຈາກເວັບ: ພັນທິບດັອດຄອມ.

ບົດຄວາມຫຼ້າສຸດ