spot_img
Homeປະເພນີ-ວັດທະນະທຳຄົ້ນ​ພົບ​ວັດ­ຖຸ­ບູ­ຮານ ອາ­ຍຸ 3.000 ປີ

ຄົ້ນ​ພົບ​ວັດ­ຖຸ­ບູ­ຮານ ອາ­ຍຸ 3.000 ປີ

Published on

ນັບ​ເປັນ​ປີ​ທີ​ສອງ​ທີ່​ທີມ​ນັກ​ບູ­ຮານ ວິ­ທະ­ຍາ​ຂອງ​ລາວ ແລະ​ສາ­ກົນ​ໄດ້​ດຳ ເນີນ​ການ​ຂຸດ​ຄົ້ນ​ວັດ­ຖຸ­ບູ­ຮານ​ຢູ່​ບ້ານວຽງ ແຂວງ​ຊຽງ​ຂວາງ ແລະ​ໄດ້​ຄົ້ນ​ພົບ​ຫຼັກ​ຖານ​ຂອງ​ການ​ຕັ້ງ​ຖິ່ນ​ຖານ​ຂອງ​ມະ­ນຸດ​ບູ­ຮານ ຊຶ່ງ​ມີ​ອາ­ຍຸ​ເຖິງ 3.000 ປີ ຫຼື ຫຼາຍ​ກວ່າ​ນັ້ນ.

ທີມ​ນັກ​ບູ­ຮານ​ວິ­ທະ­ຍາ​ຈາກ​ກົມ ມໍ­ລະ­ດົກ​ແຫ່ງ​ຊາດ, ກະ­ຊວງ​ຖະ­ແຫຼງ ຂ່າວ, ວັດ­ທະ­ນະ­ທຳ ແລະ​ການ­ທ່ອງ­ທ່ຽວ ແລະ​ນັກ​ສຶກ​ສາ​ຈາກ​ມະ­ຫາ­ວິ­ທະ­ຍາ­ໄລ ແຫ່ງ​ຊາດ ແລະ​ມະ​ຫະ​ວິ­ທະ­ຍາ­ໄລ​ເຈັມສ໌ ຄຸກ​ແຫ່ງ​ປະ­ເທດ​ອົດ​ສະ​ຕຣາ​ລີ ໄດ້​ຄົ້ນ​ພົບ ວັດ­ຖຸ­ບູ­ຮານ​ພິ­ເສດ​ຈຳ­ນວນ 41 ຢ່າງ ຈາກ​ວັດ­ຖຸ­ບູ­ຮານ​ທັງ​ໝົດ​ທີ່​ຄົ້ນ​ພົບ​ວັດ ຖຸ​ບູ­ຮານ​ເຫຼົ່າ​ນີ້​ປະ­ກອບ​ດ້ວຍ​ຊິ້ນ​ສ່ວນ ເຄື່ອງ​ເຄືອບ​ລາຍ​ຄາມ ແລະ​ກອກ­ສູບ­ຢາ ຊຶ່ງ​ເປັນ​ຫຼັກ​ຖານ​ບົ່ງ​ບອກ​ໃຫ້​ພວກ​ເຮົາ​ຮູ້​ກ່ຽວ​ກັບ​ການ​ພົວ­ພັນ​ທາງ​ດ້ານ​ການ​ຄ້າ ແລະ​ວັດ­ທະ­ນະ­ທຳ​ຂອງ​ປະ­ຊາ­ຊົນ​ແຂວງ ຊຽງ​ຂວາງ​ໃນ​ປາງ​ກ່ອນ ວັດ­ຖຸ­ບູ­ຮານ ດັ່ງ­ກ່າວ​ຖືກ​ຂຸດ​ຄົ້ນ​ໄດ້​ໃນ​ຫຼຸມ​ຂຸດ​ຄົ້ນ​ຂະ­ໜາດ 2×2 ແມັດ ຈຳ­ນວນ 9 ຫຼຸມ (ຫຼື ເທົ່າ​ກັບ​ເນື້ອ­ທີ່ 36 ຕາ​ແມັດ) ໃນ​ລະ­ດັບ ຄວາມ​ເລິກ​ປະ­ມານ 1,5 ແມັດ.

ທ່ານ ດຣ. ໄນ​ໂຈ ຈາງ ຈາກ​ມະ­ຫາ ວິ­ທະ­ຍາ­ໄລ​ເຈັມສ໌​ຄຸກ ກ່າວ​ວ່າ: “ປະ­ຈຸບັນ ພວກ​ເຮົາ​ຄິດ​ວ່າ​ວັດ­ຖຸ­ບູ­ຮານ​ທີ່​ພົບ ເຫັນ​ສ່ວນ​ໃຫຍ່​ແມ່ນ​ຄາດ​ວ່າ​ເກດ​ໃນ ສະ­ໄໝ​ລ້ານ​ຊ້າງ ຊຶ່ງ​ເປັນ​ໄປ​ໄດ້​ແມ່ນ ໃນ​ສະ­ຕະ­ວັດ​ທີ 17 ເຖິງ​ຢ່າງ­ໃດ​ກໍ​ຕາມ ວັດ­ຖຸ​ບາງ​ຈຳ­ນວນ​ບົ່ງ​ບອກ​ເຖິງ​ການ​ດຳ ລົງ​ຊີ­ວິດ​ໃນ​ເຂດ​ດັ່ງ­ກ່າວ​ທີ່​ມີ​ອາ­ຍຸ​ຫຼາຍ ກວ່າ​ນັ້ນ​ນັບ​ທັງ​ເຄື່ອງ​ປັ້ນ­ດິນ­ເຜົາ ຊຶ່ງ ອາດ​ເກີດ​ໃນ​ຍຸກ​ເຫຼັກ (ປະ­ມານ 2.000 ປີ­ຜ່ານ­ມາ) ແລະ​ຮ່ອງ­ຮອຍ​ຫີນ​ຂະ­ໜາດ ໃຫຍ່ ຊຶ່ງ​ອາດ​ມີ​ອາ­ຍຸ​ເຖິງ 3.000 ປີ ຫຼື ຫຼາຍ​ກວ່າ​ນັ້ນ.”

ວັດ­ຖຸ​ປະ­ສົງ​ຫຼັກ​ຂອງ​ໂຄງ­ການ​ແມ່ນ ເພື່ອ​ຄົ້ນ​ຫາ​ຫຼັກ​ຖານ​ການ​ດຳ­ລົງ​ຊີ­ວິດ ຂອງ​ຄົນ​ບູ­ຮານ​ໃນ​ຍຸກ​ເຫຼັກ ຊຶ່ງ​ຢູ່​ໃນ​ສະ ໄໝ​ດຽວ​ກັນ​ກັບ​ບັນ­ດາ​ແຫຼ່ງ​ໄຫ​ຫີນ​ທີ່​ມີ ຊື່​ສຽງ ແລະ​ສ່ອງ​ແສງ​ໃຫ້​ຮູ້​ວ່າ​ບັນ​ພະ​ບຸ ລຸດ​ຜູ້​ສ້າງ​ໄຫ​ຫີນ​ມີ​ຊີ­ວິດ​ການ​ເປັນ​ຢູ່​ຄື ແນວ­ໃດ, ທ່ານ ດຣ. ຈາງ ແຈ້ງ ໃຫ້​ຊາບ ວ່າ ທີມ​ງານ​ມີ​ຄວາມ​ປິ​ຕິ​ຍິນ​ດີ​ຫຼາຍ​ທີ່​ໄດ້ ປະ­ຕິ­ບັດ​ໂຄງ­ການ​ຮ່ວມ​ກັບ​ຊຸມ​ຊົນ​ຢູ່ ບ້ານ​ວຽງ​ອີກ​ຄັ້ງ ແລະ​ໄດ້​ຮັບ​ການ​ຮ່ວມ ມື​ຈາກ​ອຳ­ນາດ​ການ​ປົກ­ຄອງ​ຂັ້ນ​ຕ່າງໆ ທັງ​ສູນ​ກາງ ແລະ​ທ້ອງ­ຖິ່ນ​ອີກ​ດ້ວຍ ການ​ຄົ້ນ­ຄວ້າ​ຄັ້ງ​ນີ້​ເປັນ​ສ່ວນ​ໜຶ່ງ​ຂອງໂຄງ­ການ​ໂຮງ­ຮຽນ​ພາກ​ສະ­ໜາມ​ທາງ ດ້ານ​ບູ­ຮານ​ວິ­ທະ­ຍາ​ຢູ່​ວັດ​ບ້ານ​ວຽງ, ແຂວງ​ຊຽງ​ຂວາງ ພາຍ​ໃຕ້​ການ​ຊີ້​ນຳ ຂອງ​ກະ­ຊວງ​ຖະ­ແຫຼງ​ຂ່າວ, ວັດ­ທະ­ນະ ທຳ ແລະ​ການ­ທ່ອງ­ທ່ຽວ ແລະ​ມະ­ຫາ​ວິທະ​ຍາ​ໄລ​ເຈັມສ໌​ຄຸກ.

ທີມ​ງານ​ປະ­ກອບ​ດ້ວຍ​ນັກ​ບູ­ຮານ​ວິ ທະ​ຍາ​ຂອງ​ລາວ​ປະ­ຈຳ​ກະ­ຊວງ, ລັດ​ຖະ ກອນ​ທ້ອງ­ຖິ່ນ ແລະ​ນັກ​ສຶກ​ສາ​ຈາກ​ມະ ຫາ​ວິ­ທະ­ຍາ­ໄລ​ເຈັມສ໌​ຄຸກ ພ້ອມ​ທັງ​ຄະ­ນະ ທີມ​ງານ​ຈາກ​ມະ­ຫາ­ວິ­ທະ­ຍາ­ໄລ​ແຫ່ງ ຊາດ ຊຶ່ງ​ໄດ້​ອາ­ສາ​ສະ­ຫຼະ​ເວ­ລາ​ຂອງ ເຂົາ­ເຈົ້າ​ເຂົ້າ​ໃນ​ການ​ຝຶກ​ຫັດ​ສິດ­ສອນ ແລະ​ການ​ຮ່ວມ​ມື​ສາ­ກົນ ໂຄງ­ການ​ໂຮງ ຮຽນ​ພາກ​ສະ­ໜາມ​ໄດ້​ຮັບ​ການ​ອຸ­ປະ­ຖຳ ຈາກ​ລັດ­ຖະ­ບານ​ອົດ​ສະ​ຕຣາ​ລີ​ພາຍ​ໃຕ້ ໂຄງ­ການ​ນິວ​ໂຄ​ລົມ​ໂບ ບໍ­ລິ­ສັດ​ພູ​ເບ້ຍ ມາຍ​ນິງ ຍັງ​ໄດ້​ໃຫ້­ການ​ສະ­ໜັບ­ສະ­ໜູນ ທາງ​ດ້ານ​ທຶນ­ຮອນ ແລະ​ການ​ອຳ­ນວຍ ຄວາມ​ສະ­ດວກ​ທີ່​ຈຳ­ເປັນ ຊຶ່ງ​ເປັນ​ການ ປະ­ກອບ­ສ່ວນ​ຕໍ່​ແຂວງ​ຊຽງ​ຂວາງ ໂຄງ ການ​ນິວ​ໂຄ​ລົມ​ໂບ​ມີ​ເປົ້າ​ໝາຍ​ສົ່ງ­ເສີມ ຄວາມ​ເຂົ້າ​ອົກ​ເຂົ້າ­ໃຈ​ຫຼາຍ​ຂຶ້ນ​ລະ­ຫວ່າງ ປະ­ເທດ​ອົດ​ສະ​ຕຣາ​ລີ ແລະ​ປະ­ເທດ​ລາວ ໂດຍ​ສະ­ເພາະ​ແມ່ນ​ນັກ​ສຶກ​ສາ​ລາວ ແລະ ນັກ​ສຶກ​ສາ​ອົດ​ສະ​ຕຣາ​ລີ (ພ້ອມ​ດ້ວຍ​ກົມ ມໍ­ລະ­ດົກ ແລະ​ນັກ​ບູ­ຮານ​ນະ​ຄະ­ດີ​ທ່ານ ອື່ນໆ) ໄດ້​ສາ­ມາດ​ຮຽນ​ຮູ້​ຮ່່ວມ​ກັນ​ບໍ່​ສະ ເພາະ​ແຕ່​ບູ­ຮານ​ວິ­ທະ­ຍາ ແລະ​ສະ­ໄໝ ກ່ອນ​ປະ­ຫວັດ­ສາດ​ເທົ່າ​ນັ້ນ ແຕ່​ຍັງ​ລວມ ທັງ​ວັດ­ທະ­ນະ­ທຳ ແລະ​ພາ­ສາ​ຂອງ​ສອງ ປະ­ເທດ​ອີກ​ດ້ວຍ.

ມະ­ຫາ­ວິ­ທະ­ຍາ­ໄລ​ເຈັມສ໌​ຄຸກ ແມ່ນມີ​ທີ່​ຕັ້ງ​ທັງ​ທາງ​ດ້ານ​ກາ​ຍະ​ພາບ ແລະ ປັດ​ຊະ​ຍາ​ຢູ່​ໃນ​ເຂດ​ຮ້ອນ​ຊຸ່ມ ແລະ​ມີ​ຍຸດ ທະ​ສາດ​ອັນ​ໜຶ່ງ​ໃນ​ການ “ສ້າງ​ອະ​ນາ ຄົດ​ທີ່​ສົດ­ໃສ​ແກ່​ຊີ­ວິດ​ໃນ​ເຂດ​ຮ້ອນ​ຊຸ່ມ ທົ່ວ​ໂລກ​ຜ່ານ​ການ​ຮ່ວມ​ມື​ລະ­ຫວ່າງ​ນັກ ສຶກ​ສາ ແລະ​ການ​ຄົ້ນ​ພົບ ເພື່ອ​ສ້າງ​ການ ປ່ຽນ­ແປງ.”

ທີ່ມາ:logo

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...