ອີງຕາມຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່ໃນຫວ່າງບໍ່ດົນຜ່ານມານີ້ທີ່ຫ້ອງປະຊຸມຊັ້ນ 2 ຂອງຫ້ອງ ວ່າການປົກຄອງເມືອງໄຊພູທອງ ແຂວງສະຫວັນນະເຂດໄດ້ຈັດຕັ້ງພິທີມອບ-ຮັບໜ້າທີ່ລະຫວ່າງຜູ້ຮັກສາການວ່າການເຈົ້າເມືອງໄຊພູທອງຜູ້ເກົ່າແລະເລຂາຄະນະບໍລິຫານງານພັກເມືອງເຈົ້າເມືອງຜູ້ໃໝ່, ປະກາດການແຕ່ງຕັ້ງເລຂາຄະນະບໍລິຫານງານພັກເມືອງ,ໂດຍການໃຫ້ກຽດເຂົ້າຮ່ວມເປັນປະທານຂອງສະຫາຍ ທອງທ່ຽງ ສີດາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງສະ ຫວັນນະເຂດ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການຄະນະຫ້ອງການອ້ອມຂ້າງເມືອງໄຊພູທອງ ເຂົ້າຮ່ວມຢ່າງພ້ອມພຽງ.
ໃນພິທີໄດ້ມີການຜ່ານຂໍ້ຕົກລົງຂອງທ່ານເຈົ້າແຂວງໆສະຫວັນນະເຂດສະບັບເລກທີ 013/ຄປຈ ລົງວັນທີ 17 ກຸມພາ 2016 ແລະ ເລກທີ 29 /ນຍ ລົງວັນທີ 25 ມັງກອນ 2016 ວ່າດ້ວຍການແຕ່ງຕັ້ງ, ສະຫາຍ ຄຳວິໃສ ຜຸຍຍະວົງ ກຳມະການພັກແຂວງ ປະທານສານແຂວງສະຫວັນນະເຂດ ໄປເປັນເລຂາພັກເມືອງ ເຈົ້າເມືອງໄຊພູທອງຄົນໃໝ່.
ການມອບ-ຮັບຄັ້ງນີ້ແມ່ນການມອບໜ້າທີ່ລະຫວ່າງສະຫາຍຫ່ວນຮັງບົວສອນຄະນະປະຈຳພັກເມືອງຜູ້ວ່າການເລຂາຄະນະບໍລິຫານງານພັກເມືອງຜູ້ເກົ່າ ແລະ ສະຫາຍ ຄຳວິໃສ ຜຸຍຍະວົງ ກຳມະການພັກແຂວງ ເລຂາຄະນະບໍລິຫານງານເມືອງເຈົ້າເມືອງຜູ້ໃໝ່.
ທີ່ມາ: