Homeຂ່າວທ້ອງຖິ່ນຜູ້​ສະ­ໝັກ​ຮັບ​ເລືອກ​ຕັ້ງ ເຂດ 14 ລົງ​ຫາ​ສຽງ​ຢູ່​ຕຸ້ມ​ລານ

ຜູ້​ສະ­ໝັກ​ຮັບ​ເລືອກ​ຕັ້ງ ເຂດ 14 ລົງ​ຫາ​ສຽງ​ຢູ່​ຕຸ້ມ​ລານ

Published on

 

ໃນ​ວັນ​ທີ 29 ກຸມ­ພາ​ຜ່ານ​ມາ ຜູ້​ສະ­ໝັກ​ຮັບ​ເລືອກ​ຕັ້ງ​ສະ­ມາ­ຊິກ​ສະພາ​ແຫ່ງ​ຊາດ​ຊຸດ​ທີ 8 ເຂດ 14 ໄດ້​ເລີ່ມລົງ​ຫາ​ສຽງ​ການ​ເລຶອກ​ຕັ້ງ ຊຶ່ງ​ເປັນ​ຈຸດ 3 ຂອງ​ແຂວງ​ສາ­ລະ​ວັນ​ຢູ່​ໂມ​ສອນ​ໃຫ່​ຍຂອງ ເມືອງ​ຕຸ້ມ​ລານ, ໃຫ້​ກຽດ​ຕ້ອນ­ຮັບ ໂດຍທ່ານ ຈັນ​ສະ­ໝອນ ພົມ​ມະ​ແສງ ເຈົ້າ­ເມືອງໆ​ຕຸ້ມ​ລານ ແລະ​ນຳ​ທີມ​ງານ​ລົງ​ໂຄ­ສະ­ນາ​ຫາ​ສຽງໂດຍ ທ່ານ ບຸນ​ທຽມ ພົມ​ມະ​ສະ­ຖິດ ຮອງ​ເລ­ຂາ​ພັກ​ແຂວງ​ສະ­ມາ­ຊິກ​ສະ­ພາແຫ່ງ​ຊາດ​ຊຸດ​ທີ 7, ພ້ອມ​ນີ້​ກໍ​ມີພະ­ນັກງານ​ລັດ­ຖະ­ກອນ​ສະ­ມາ­ຊິກ​ພັກ, ພະ­ນັກງານ​ທະ­ຫານ​ຕຳ­ຫຼວດ, ພໍ່​ແມ່​ປະ­ຊາ­ຊົນ, ອາ­ຈານ ແລະ​ນັກ­ຮຽນ​ເຂົ້າ​ຮ່ວມ​ຮັບ​ຟັງ.

ທ່ານ ຈັນ​ສະ­ໝອນ ພົມ​ມະ​ແສງ ໄດ້ລາຍ​ງານ​ໂດຍ​ຫຍໍ້​ກ່ຽວ​ກັບ​ການ​ກະ­ກຽມເລືອກ​ຕັ້ງ​ສະ­ມາ­ຊິກ​ສະ­ພາ​ຊຸດ​ທີ 8 ຊຶ່ງທົ່ວ​ເມືອງ​ມີ​ຄະ­ນະ​ກຳ­ມະ­ການ​ເລືອກ​ຕັ້ງ​ຂັ້ນ​ເມືອງ 13 ທ່ານ, ຍິງ 1 ທ່ານ ແລະ​ໄດ້ແບ່ງ​ຄວາມ​ຮັບ­ຜິດ­ຊອບ​ຕາມ​ແຕ່​ລະ​ໜ້າ​ວຽກ​ຕາມ​ຄວາມ​ເໜາະ​ສົມ, ຢູ່​ໃນ​ເມືອງ​ຕຸ້ມ​ລານ​ມີ​ພົນ­ລະ­ເມືອງ​ທັງ​ໝົດ 28.892 ຄົນ, ຍິງ 14.790 ຄົນ, ມີ 3.595 ຫຼັງຄາ​ເຮືອນ, ມີ 5.610 ຄອບ­ຄົວ, ມີ 37 ບ້ານ, ໃນ​ນັ້ນ​ມີ​ຜູ້​ມີ​ສິດ​ປ່ອນ​ບັດ​ເລຶອກ​ຕັ້ງ​ທັງ​ໝົດ 14.128 ຄົນ, ຍິງ 7.256 ຄົນ, ທົ່ວ​ເມືອງ​ໄດ້​ກຳ­ນົດ​ຈຸດ​ເລື້ອກ​ຕັ້ງມີ 20 ຈຸດ.

ຈາກ​ນັ້ນ​ຜູ້​ສະ​ໜັກ​ເລຶອກ​ຕັ້ງ​ກໍ​ໄດ້​ແນະນຳ​ຕົນ​ເອງ​ໃຫ້​ພໍ່​ແມ່​ປະ­ຊາ­ຊົນ​ກໍ​ຄື​ຊາວ ເມືອງ​ຕຸ້ມ​ລານ​ຮັບ​ຮູ້​ຊື່​ສຽງ ແລະ​ປະ­ຫວັດຫຍໍ້​ຂອງ​ຕົນ​ເອງ​ໄລ­ຍະ​ການ​ເຮັດ​ວຽກ ຜ່ານ​ມາ​ແຕ່​ນຳ​ເບີ້​ທີ 1-11 ເພື່ອ​ເລືອກ​ເອົາເປັນ​ຕົວ​ແທນ​ຂອງ​ຕົນ​ເອງ​ກໍ​ຄື​ຂອງ​ພໍ່ແມ່​ປະ­ຊາ­ຊົນ​ເຂົ້າ​ໄປ​ນັ່ງ​ໃນ​ສະ­ພາ​ແຫ່ງຊາດ, ໃນ​ຈຳ­ນວນ 11 ທ່ານ, ຍິງ 2 ທ່ານ, ມາ​ຈາກ​ສູນ​ກາງ 3 ທ່ານ, ຍິງ 1 ທ່ານ, ນີ້​ແມ່ນ​ເລຶອກ​ເອົາ 8 ທ່ານ.

ໂດຍ​ການ​ລົງ​ເທື່ອ​ນີ້​ຜູ້​ສະ­ໝັກ​ຮັບເລືອກ​ຕັ້ງ​ໄດ້​ລົງ​ເຄື່ອນ​ໄຫວ​ຫາ​ສຽງ​ຢູ່ 3 ຈຸດ​ຄື: ຈຸດ​ເທ­ສະ​ບານ​ເມືອງ​ຕຸ້ມ​ລານ, ຈຸດ​ກຸ່ມ​ບ້ານ​ນາ​ດູ ແລະ​ຈຸດ​ກຸ່ມ​ຕຸ້ມ​ລານ.

ທີ່ມາ: logo

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...