ວັນທີ 1 ມີນາ 2016 ນີ້, ຢູ່ຫ້ອງວ່າການປົກຄອງແຂວງຫົວພັນໄດ້ຈັດພິທີມອບ-ຮັບຫົວໜ້າຫ້ອງວ່າການປົກຄອງແຂວງລະວ່າງຜູ້ເກົ່າແລະຜູ້ໃໝ່ໂດຍການເຂົ້າຮ່ວມຂອງທ່ານນາງແພງກັນຍາພິມກຳມະການປະຈຳພັກແຂວງ, ຮອງເລຂາພັກແຂວງ, ຮອງເຈົ້າແຂວງໆຫົວພັນ, ມີບັນດາທ່ານການນຳຂັ້ນແຂວງ, ຫົວໜ້າຫ້ອງການທີ່ກ່ຽວຂ້ອງອ້ອມຂ້າງແຂວງພ້ອມດ້ວຍພະນັກງານວິຊາການຢູ່ພາຍໃນຫ້ອງວ່າການເຂົ້າຮ່ວມເປັນສັກຂີພິຍານ.
ໂດຍປະຕິບັດຕາມຂໍ້ຕົກລົງເລກທີ 167 ລົງວັນທີ 19 ກຸມພາ 2016 ຂອງທ່ານເຈົ້າແຂວງຫົວພັນວ່າດ້ວຍການແຕ່ງຕັ້ງຜູ້ຮັກສາການຫົວໜ້າຫ້ອງວ່າການປົກຄອງແຂວງ, ມະຕິຕົກລົງເລກທີ 94 ລົງວັນທີ 26 ກຸມພາ 2016 ຂອງຄະນະປະຈຳພັກແຂວງວ່າດ້ວຍການບົ່ງຕົວແຕ່ງຕັ້ງຜູ້ຮັກສາເລຂາຄະນະພັກຮາກຖານຫ້ອງວ່າການປົກຄອງແຂວງ, ຄຳສັ່ງເລກທີ 08 ລົງວັນທີ 19 ກຸມພາ 2016 ຂອງທ່ານເຈົ້າແຂວງວ່າດ້ວຍການຍົກຍ້າຍພະນັກງານໄປຮັບໜ້າທີ່ຢູ່ບ່ອນໃໝ່ແລະຄຳສັ່ງເລກທີ 56 ລົງວັນທີ 19 ກຸມພາ 2016 ຂອງຄະນະປະຈຳພັກແຂວງວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ດັ່ງນັ້ນຈິ່ງຈັດພິທີມອບ-ຮັບລະຫວ່າງທ່ານພູວົງສີສົມຮັກກຳມະການພັກແຂວງ, ຫົວໜ້າຫ້ອງວ່າການປົກຄອງແຂວງຜູ້ເກົ່າໄດ້ຖືກການສັບຊ້ອນໄປຮັບໜ້າທີ່ໃໝ່ໄປເປັນຫົວໜ້າພະແນກແຜນການແລະການລົງທຶນແຂວງແລະໄດ້ຜັດປ່ຽນເອົາທ່ານວົງເພັດບຸນມະນີມາຮັບຕຳແໜ່ງເປັນຮັກສາການຫົວໜ້າຫ້ອງວ່າການປົກຄອງແຂວງຜູ້ໃໝ່.
ທີ່ມາ: