ການລ້າງໜ້າແບບຖືກວິທີ ຈະຊ່ວຍຮັກສາ ແລະປ້ອງກັນສິວ ດັ່ງນັ້ນ ຈຶ່ງຄວນໃຫ້ຄວາມສຳຄັນກັບການລ້າງໜ້າ ແລະມື້ນີ້ເຮົາມີວິທີມາຝາກ…
ຫຼາຍຄົນອາດຈະສົງໃສວ່າ ໃນແຕ່ລະມື້ຈະລ້າງໜ້າຈັກເທື່ອ ແລະຄວນຮັກສາຄວາມສະອາດ ໃບໜ້າຫຼາຍປານໃດ? ຄຳຕອບຄື ລ້າງໜ້າວັນລະ 2 ເທື່ອກໍ່ພໍ ບໍ່ຄວນລ້າ່ງໜ້າຫຼາຍເກິນໄປ ເພາະຈະເຮັດໃຫ້ຜິວແຫ້ງ ນອກຈາກກໍລະນີໜ້າສົກກະປົກແທ້ໆ ໂດຍສະເພາະເຮັດກິດຈະກຳຮ້ອນໆ ເຊັ່ນ ຫຼັງຫຼີ້ນກິລາ ເຮັດສວນ ເປັນຕົ້ນ ອາດຈະເພີ່ມການລ້າງໜ້າໃດ້ .
ຂໍ້ສຳຄັນຕໍ່ມາ ທີ່ຫຼາຍຄົນຍັງບໍ່ຮູ້ຄື ບໍ່ຄວນໃຊ້ນ້ຳອຸ່ນ ຫຼື ນ້ຳຮ້ອນລ້າງໜ້າ ເພາະຈະເຮັດໃຫ້ຜິວແຫ້ງ ແລະເຮັດໃຫ້ຜິວຫ່ຽວໄວຍິ່ງຂື້ນ.
ສ່ວນການໃຊ້ຜະລິດຕະພັນ ເຮັດຄວາມສະອາດຜິວໜ້ານັ້ນ ຄວນລ້າງດ້ວຍສະບູອ່ອນ ຫຼືຜະລິດຕະພັນທີ່ເໝາະສົມກັບ ສະພາບຜິວ ຂະນະລ້າງໃຫ້ລູບໄລ້ຢ່າງເບົາມື ໂດຍລ້າງຕັ້ງແຕ່ຄາງ ໄປຮອດຕີນຜົມທີ່ໜ້າຜາກ .
ຈາກນັ້ນໃຫ້ລ້າງສະບູອອກ ດ້ວຍນ້ຳສະອາດ ແລ້ວເຊັດໜ້າໃຫ້ແຫ້ງດ້ວຍຜ້າແພ ຢ່າງເບົາມື ເພາະການເຊັດໃບໜ້າແີຮງ ຈະເຮັດໃຫ້ຜິວໜ້າຍາບກ້ານ .
ພຽງລ້າງໜ້າໃຫ້ຖືກວິທີ ແລະປ້ອງກັນສິວ ແຖມຍັງຊ່ວຍໃຫ້ໃບໜ້າງາມໃສ ບາດນີ້ຈະແຕ່ງເຕີມສີສັນແບບໃດເທີງໃບໜ້າ ກໍ່ບໍ່ມີປັນຫາແລ້ວ .
ຂ່າວ : ກຸ້ງຄຳ ແສນມະນີ