spot_img
Homeສຸຂະພາບ ແລະ ສີ່ງແວດລ້ອມກິ່ນເໝັນໃນອະໄວຍະວະເພດຂອງແມ່ຍິງ! ຈະຮັກສາໄດ້ແນວໃດ?

ກິ່ນເໝັນໃນອະໄວຍະວະເພດຂອງແມ່ຍິງ! ຈະຮັກສາໄດ້ແນວໃດ?

Published on

ການມີກິ່ນບໍ່ເພິ່ງປະສົງຢູ່ທີ່ອະໄວຍະວະເພດຍິງ ມີສິດເກີດຂຶ້ນໄດ້ທຸກຄົນຕັ້ງແຕ່ເດັກນ້ອຍໄປຈົນຮອດຜູ້ເຖົ້າ ສາເຫດຫຼັກໆກໍແມ່ນເປັນເພາະຊ່ອງຄອດມີເຊື້ອລາ ຫຼື ແບັກທີເຣຍ ຈິ່ງເຮັດໃຫ້ເກີດມີອາການລົງຂາວ ແລະ ມີກິ່ນຄາວ, ກິ່ນຄືປາເຄັມ, ກິ່ນຄືນ້ຳປາ, ກິ່ນສາລະພັດ ແຕ່ທີ່ສຳຄັນກິ່ນເຫຼົ່ານັ້ນເຮັດໃຫ້ສາວໆເສຍຄວາມໝັ້ນໃຈສຸດໆ

ແລ້ວເຊື້ອລາເກີດມາຈາກໃສ?

  • ສຳລັບຜູ້ທີ່ເຄີຍມີເພດສຳພັນ ຫຼືແຕ່ງງານແລ້ວແມ່ນເພາະອະໄວຍະວະເພດຊາຍຄູ່ນອນນັ້ນບໍ່ສະອາດ ຫຼືບາງຄົນທີ່ອໍລັສເຊັກ (ໃຊ້ປາກ make love) ແຕ່ປາກບໍ່ສະອາດກໍເປັນອີກໜຶ່ງຊ່ອງທາງໃນການສ້າງເຊື້ອ
  • ມັກນຸ່ງສະລີບ ຫຼືໂສ້ງຮັດໆຈົນອັບເອົ້າ, ໃຊ້ຜ້າອະນາໄມແລ້ວບໍ່ໝັ່ນປ່ຽນ ເກີດການໝັກໝົ່ມຂອງແບັກທີເລຍ.

ນອກຈາກນັ້ນ, ສາເຫດຂອງການມີກິ່ນອື່ນໆກໍຄືການກິນອາຫານ ເຊັ່ນ: ຂອງດອງ, ເຄື່ອງເທດກິ່ນແຮງ,…. ເຮັດໃຫ້ເມືອກໃນຊ່ອງຄອດມີກິ່ນທີ່ບໍ່ເພິ່ງປະສົງເຊັ່ນດຽວກັບກິ່ນໂຕນັ້ນເອງ.

ຖ້າຫາກເກີດອາການນີ້ຂຶ້ນມາຢ່າງຮຸນແຮງຕິດຕໍ່ກັນຫຼາຍວັນໃຫ້ຮີບໄປພົບໝໍພະຍາດຍິງເລີຍດີກວ່າ ເພິ່ນຈະມີຢາສອດຂ້າເຊື້ອລາ ແລະຢາກິນ. ຢ່າໄດ້ອາຍ ຫຼືພະຍາຍາມປິ່ນປົວເອງແບບສຸມສີ່ສຸມຫ້າ. ຢ່າເດັດຂາດ! ຢ່າສີດນ້ຳຫອມໃສ່ອະໄວຍະວະເພດ ຫຼືລ້າງດ້ວຍສະບູແຫຼວເລື່ອຍໆເພື່ອຊຳລະກິ່ນ ເພາະນັ້ນເປັນວິທີທີ່ຜິດພາດ ທັງສົ່ງຜົນສະທ້ອນໃນໄລຍະຍາວ.

ຄຳແນະນຳຈາກໝໍພະຍາດຍິງ:

  1. ຢ່າໃຊ້ສະບູແຫຼວລ້າງອະໄວຍະວະເພດ ຫຼືສະບູຫອມອີ່ຫຍັງກໍຕາມລ້າງເພາະມັນຈະທຳລາຍຄ່າຄວາມເປັນກົດ-ດ່າງທີ່ສົມດຸນຕາມທຳມະຊາດ, ຍິ່ງອຸປະກອນສວນລ້າງຊ່ອງຄອດຍິ່ງບໍ່ຈຳເປັນເລີຍ.
  2. ໃຊ້ນ້ຳສະອາດລ້າງກໍພຽງພໍແລ້ວ ເພາະຊ່ອງຄອດມີແບັກທີເລຍທີ່ເປັນປະໂຫຍດທຳຄວາມສະອາດດ້ວຍໂຕເອງ ຖ້າຫາກເຮົາໄປໃຊ້ນ້ຳຢາຈະທຳຮ້າຍແບັກທີເລຍທີ່ເປັນປະໂຫຍດອອກໄປຈົນໝົດເຮັດໃຫ້ຊ່ອງຄອດບອບບາງ.
  3. ຢ່າໃສ່ໂສ້ງຮັດ, ເລືອກໃສ່ສະລິບທີ່ເປັນຜ້າຝ້າຍ ແລະບໍ່ຄັບເກີນໄປ ເພື່ອໃຫ້ນ້ອງສາວໄດ້ຫາຍໃຈສະດວກ
  4. ແຜ່ນອະນາໄມລາຍວັນບໍ່ຈຳເປັນດອກ! ສິ້ນເປື້ອງ ແລະ ສ້າງຄວາມອັບຊຸ່ມລ້າໆ
  5. ຖ້າເປັນປະຈຳເດືອນໃຫ້ໝັ່ນປ່ຽນຜ້າອະນາໄມທຸກໆ 2-3ຊົ່ວໂມງ ຢ່າປ່ອຍໃຫ້ເລືອດລົ້ນຄ່ອຍໄປປ່ຽນ.
  6. ຮັກສາຄວາມສະອາດໃນຂະນະມີເພດສຳພັນ ທັງຕົນເອງ ແລະ ຄູ່ນອນ.
  7. ກິນໂຢເກິດ ແລະ ໝາກນັດເປັນປະຈຳ ເພາະຈະຊ່ວຍສ້າງແບັກທີເລຍທີ່ເປັນປະໂຫຍດໃຫ້ແກ່ຊ່ອງຄອດ ທັງກຳຈັດກິ່ນອັນບໍ່ເພິ່ງປະສົງ.
  8. ຖ້າຍິງຄົນໃດທີ່ເຄີຍມີເພດສຳພັນແລ້ວ ຄວນໄປກວດພາຍໃນຢ່າງຕ່ຳປີລະສອງຄັ້ງ ເພື່ອປ້ອງກັນມະເຮັງປາກມົດລູກ  ໂລກຍອດຮິດທີ່ສັງຫານຊີວິດຂອງແມ່ຍິງເປັນອັນດັບຕົ້ນໆ.

 

 

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...