spot_img
Homeຂ່າວການສຶກສາບໍລິສັດອີຊູຊຸລາວ ວີເອັສເອ ຈຳກັດ ໄດ້ເອົາໃຈໃສ່ຊຸກຍູ້ວັດຖຸ ປັດໄຈ ເຂົ້າໃນວຽກງານການສຶກສາ

ບໍລິສັດອີຊູຊຸລາວ ວີເອັສເອ ຈຳກັດ ໄດ້ເອົາໃຈໃສ່ຊຸກຍູ້ວັດຖຸ ປັດໄຈ ເຂົ້າໃນວຽກງານການສຶກສາ

Published on

ບໍລິສັດອີຊູຊຸລາວ ວີເອັສເອ ຈຳກັດ ໄດ້ເອົາໃຈໃສ່ຊຸກຍູ້ວັດຖຸ ປັດໄຈ ເຂົ້າໃນວຽກງານການສຶກສາ

ບໍລິສັດອີຊູຊຸລາວ ວີເອັສເອ ຈຳກັດ ໄດ້ເອົາໃຈໃສ່ຊຸກຍູ້ວັດຖຸ ປັດໄຈ ເຂົ້າໃນວຽກງານການສຶກສາ

ການພັດທະນາຊັບພະຍາກອນມະນຸດ ແມ່ນວຽກງານນຶ່ງທີ່ລັດຖະບານໄດ້ທຸມເທທຶນຮອນເຂົ້າໃສ່ຢ່າງມະຫາສານ ໃນການສ້າງບຸກຄາລະກອນໃຫ້ມີຄວາມຮູ້ ຄວາມສາມາດ ພຽບພ້ອມໄປດ້ວຍຄຸນສົມບັດສິນທຳປະຕິວັດ ເພື່ອປະກອບສວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມກ້າວໜ້າໄປເລື້ອຍໆ ໃນນັ້ນ ບັນດາບໍລິສັດ ອົງການຈັດຕັ້ງທັງພາກລັດ ແລະ ເອກະຊົນ ກໍໄດ້ເອົາໃຈໃສ່ປະກອບສ່ວນເຂົ້າໃນການພັດທະນາຊັບພະຍາກອນມະນຸດຕາມເງື່ອນໄຂຂອງແຕ່ລະພາກສ່ວນ ເຊິ່ງບໍລິສັດອີຊູຊຸລາວວີເອັສເອຈັດກັດ ກໍແມ່ນບໍລິສັດນຶ່ງທີ່ໄດ້ເອົາໃຈໃສ່ປະກອບສ່ວນດ້ານວັດຖຸ ປັດໄຈຊຸກຍູ້ຊ່ອຍເຫຼືອເຂົ້າໃນວຽກງານການສຶກສາ ໂດຍໄດ້ຊ່ອຍບັນດາໂຮງຮຽນ ກໍຄືນ້ອງນ້ອຍນັກຮຽນຜູ້ທຸກຍາກໃນເຂດຊົນນະບົດ ເພື່ອຊ່ອຍປັບປຸງຊີວິດການເປັນຢູ່ຂອງເຂົາເຈົ້າໃຫ້ດີຂຶ້ນ.

…….ທ່ານ ແສງທອງ ນໍລະສິງ ປະທານບໍລິສັດອີຊູຊຸລາວວີເອັສເອຈຳກັດ ໄດ້ໃຫ້ສໍາພາດຕໍ່ຜູ່ສື່ຂ່າວໃນວັນທີ 24 ກຸມພາ 2016 ວ່າ ນອກຈາກການດຳເນີນທຸລະກິດແລ້ວ ບໍລິສັດຂອງພວກເຮົາກໍໄດ້ເອົາໃຈໃສ່ໃນການປະກອບສ່ວນຊຸກຍູ້ຊ່ອຍເຫຼືອສັງຄົມຕະຫຼອດມາຕາມຄວາມສາມາດ ແລະ ເງື່ອນໄຂໂຕຈິງ ຖືວ່າໄດ້ຊ່ອຍເຫຼືອສັງຄົມຫຼາຍພໍສົມຄວນ ເຊິ່ງໃນນັ້ນຊ່ອຍເຫຼືອວຽກງານສຶກສາ ໂດຍສະເພາະແມ່ນບັນດາໂຮງຮຽນ ກໍຄືນ້ອງນ້ອຍນັກຮຽນຜູ້ທຸກຍາກ ໂດຍທາງບໍລິສັດຂອງພວກເຮົາກໍໄດ້ມອບອຸປະກອນການສຶກສາ ເຄື່ອງນຸ່ງຫົ່ມ ເຄື່ອງກີລາ ແລະ ອື່ນໆເຊັ່ນວ່າ ຊ່ອຍໂຮງຮຽນມັດທະຍົມໜອງເປັດ ເມືອງແປກ ແຂວງຊຽງຂວາງ ຮວມມູນຄ່າ 10 ລ້ານກີບ ໂດຍຜ່ານສູນກາງສະຫະພັນກຳມະບານລາວ ພະແນກສຶກສາແຂວງຫຼວງພະບາງ 7.500.000 ກີບ ເພື່ອນຳໃຊ້ເຂົ້າໃນພິທີປະກາດລຶບລ້າງຊັ້ນປະຖົມບຳລຸງ ຊ່ອຍມະຫາວິທະໄລແຫ່ງຊາດໃນການສະຫຼຸບວຽກງານການຮຽນ-ການສອນ ປະຈຳປີ 2014-0215 ມູນຄ່າ 5.000.000 ກີບ ແລະ ຊ່ອຍພາກສ່ວນອື່ນໆ.

…….ສຳລັບປີ 2016 ບໍລິສັດອີຊູຊຸລາວວີເອັສເອຈຳກັດ ກໍໄດ້ມອບໃຫ້ນາງ ວັນເພັງ ນໍລະສິງ ຕາງໜ້າບໍລິສັດ ພ້ອມຄະນະ ນຳເອົາເຄື່ອງນຸ່ງຫົ່ມ ອຸປະກອນການສຶກສາ ແລະ ເຄື່ອງກີລາ ຮວມມູນຄ່າ 97 ລ້ານກີບ ໄປມອບໃຫ້ນ້ອງນ້ອຍນັກຮຽນຢູ່ໂຮງຮຽນປະຖົມບ້ານຫໍສິມ ບ້ານທາງ ບ້ານນ້ຳກະ ບ້ານຫໍກາງ ແລະ ໂຮງຮຽນປະຖົມບ້ານໜອງ ເມືອງຜາໄຊ ແຂວງຊຽງຂວາງ ໃນວັນທີ 06 ກຸມພາ 2016 ຜ່ານມາ ໂດຍມີທ່ານ ບຸນມີ ນັນທະພອນ ຕາງໜ້າພະແນກສຶກສາແຂວງ ບັນດາຄູ ອາຈານ ພ້ອມດ້ວຍນ້ອງນ້ອຍນັກຮຽນແຕ່ລະໂຮງຮຽນເຂົ້າຮ່ວມຢ່າງຫຼວງຫຼາຍ ເຊິ່ງເຄື່ອງວັດຖຸ ປັດໄຈ ທີ່ນຳມາມອບໃນຄັ້ງນີ້ ແມ່ນເປັນການປະກອບສ່ວນຈາກບັນດາເພື່ອນຮ່ວມງານ ບໍລິສັດຫ້າງຮ້ານຕ່າງໆຮ່ວມນຳບໍລິສັດອີຊູຊຸລາວ ວີເອັສເອ ຈຳກັດ ແລະ ອົງການບ້ານຈຸດສຸມ.

…….ທ່ານ ແສງທອງ ນໍລະສິງ ຍັງໃຫ້ຮູ້ຕື່ມວ່າ ຕົນກໍແມ່ນຜູ້ນຶ່ງທີ່ໄດ້ກຳເນີດຈາກຊົນຊັ້ນກຳມະກອນຊາວຜູ້ອອກແຮງງານ ເຄີຍໄດ້ຜ່ານທຸກຜ່ານຍາກມາຫຼາຍສົມຄວນ ມາຮອດປັດຈຸບັນ ໄດ້ເປັນປະທານບໍລິສັດ ດັ່ງນັ້ນ ຈິ່ງຂໍສະແດງຄວາມຮູ້ບຸນຄຸນນຳພັກ ນຳລັດ ກໍຄືພໍ່ແມ່ປະຊາຊົນ ຕະຫຼອດຮອດບັນດາລູກຄ້າທີ່ໄດ້ໃຫ້ການສະໜັບສະໜູນບໍລິສັດຕະຫຼອດມາ ເພ່ື່ອຕອບບຸນແທນຄຸນ ບໍລິສັດ ກໍໄດ້ຖືສຳຄັນເອົາການປະກອບສ່ວນຊ່ອຍເຫຼືອສັງຄົມ ກໍຄືຊ່ອຍປະຊາຊົນຜູ້ທຸກຍາກ ນ້ອງໆນັກຮຽນໃນເຂດຊົນນະບົດ ເພື່ອສ້າງເງື່ອນໄຂໃຫ້ເຂົາເຈົ້າໄດ້ມີການສຶກສາທີ່ດີ ມີອານາຄົດທີ່ສົດໃສ ເພື່ອກຽມພ້ອມປະກອບສ່ວນສ້າງສາພັດທະນາປະເທດຊາດໃຫ້ກ້າວໜ້າສີວິໄລໄປເລື້ອຍໆ.

 

ຂໍ້ມູນຈາກ http://www.vtetoday.la/

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...