ວັນທີ 22 ກຸມພາ ຜ່ານມາເຈົ້າໜ້າທີ່ເມືອງຈັນທະບູລີ ນະຄອນຫຼວງວຽງຈັນ ສາມາດຈັບຕົວໄວໜຸ່ມ ອາຍຸ 20 ປີ ຢູ່ບ້ານທາດຫຼວງ ເມືອງໄຊເຊດຖາ ນະຄອນຫຼວງວຽງຈັນ ພາຍຫຼັງກໍ່ເຫດຊີງຊັບ ແລະ ລັກຊັບຂອງປະຊາຊົນມາຫຼາຍຄັ້ງ.
ໂດຍຜ່ານການສືບສວນ-ສອບສວນຮູ້ວ່າ: ໃນວັນທີ 19 ກຸມພາຜ່ານມາຜູ້ກ່ຽວໄດ້ກໍ່ເຫດດຶງສາຍຄໍຄຳຂອງແມ່ຄ້າຢູ່ເຂດຕະຫຼາດວັງທອງເມືອງຈັນທະບູລີ ນະຄອນຫຼວງວຽງຈັນ ໄດ້ສາຍຄໍຄຳໜັກ 1 ບາດ ກ່ອນຫຼົບໜີ, ແລະກ່ອນໜ້າຜູ້ກ່ຽວຍັງໄດ້ກໍ່ເຫດຊິງຊັບດຶງກະເປົ໋າຂອງປະຊາຊົນຢູ່ເຂດບ້ານສີເມືອງ ເມືອງສີສັດຕະນາກ ນະຄອນຫຼວງວຽງຈັນ ກ່ອນຈະມາຖືກເຈົ້າໜ້າທີ່ຈັບຕົວດຳເນີນຄະດີຕາມລະບຽບກົດໝາຍ.
ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ນັບແຕ່ວັນທີ 15 ຫາ 22 ກຸມພານີ້, ຢູ່ນະຄອນຫຼວງວຽງຈັນປາກົດການຫຍໍ້ໍທໍ້ເກີດຂຶ້ນ 69 ເລື່ອງ, ພົ້ນເດັ່ນແມ່ນສະພາບຊີງຊັບ ແລະລັກຊັບພົນລະເມືອງເກີດຂຶ້ນກວ່າ 30 ເລື່ອງ, ຜົນເສຍຫາຍລວມມີສາຍຄໍຄຳໜັກ 4 ບາດ, ລົດຈັກ 22 ຄັນແລະຊັບສິນອື່ນໆລວມມູນຄ່າຫຼາຍລ້ານກີບ.
ທີ່ມາ: 