ຂ່າວກ່ອນນອນມື້ນີ້ກັບຂ່າວຫຼຸດຂອງ HP Elite X3 ແຟລັບເລັດລະບົບປະຕິບັດການ Windows 10 Mobile ກ່ອນທີ່ຈະເປີດໂຕຢ່າງເປັນທາງການໃນງານ MWC2016 ອາທິດໜ້ານີ້. ນີ້ເປັນຂ່າວອີກຂ່າວໜຶ່ງທີ່ສະແດງໃຫ້ເຫັນເຖິງຄວາມເຄື່ອນໄຫວຂອງທາງດ້ານລະບົບ Windows 10 Mobile ທີ່ມີຫຼາຍໆບໍລິສັດເຂົ້າມາຮ່ວມກັນເຮັດໂທລະສັບມືຖືອອກມາເລື້ອຍໆ
ຫຼ້າສຸດເອງກໍເປັນທາງ HP ທີ່ມິຂ່າວຫຼຸດຂອງແຟລັບເລັດໂຕໃໝ່ຂອງທາງບໍລິສັດນັ້ນກໍຄື: Elite X3. ສຳລັບແຟລັບເລັດລຸ້ນດັ່ງກ່າວນີ້ ມີໜ້າຈໍຂະໜາດ 5.96 ນິ້ວ ຄວາມລະອຽດ QHD. ໃຊ້ງານຊິບປະມວນຜົນຄອດຄໍ Snapdragon 820, RAM 4GB, ພື້ນທີ່ຈັດເກັບ 32GB, ກ້ອງຫຼັງຄວາມລະອຽດ 16 ລ້ານພິກເຊວ ແລະກ້ອງໜ້າຄວາມລະອຽດ 8 ລ້ານພິກເຊວ. ໂຕເຄື່ອງຍັງມາພ້ອມກັບລະບົບສະແກນມ່ານຕາແລະລະບົບສະແກນລາຍນິ້ວມືສຳລັບ Windows Hello. ລວມທັງມາດຕະຖານກັນນ້ຳແລະຝຸ່ນ IP67
ສຳລັບສະເປັກທີ່ຫຼຸດອອກມາຂອງ HP Elite X3 ມີດັ່ງນີ້:
– ໜ້າຈໍຂະໜາດ 5.96 ນິ້ວ ຄວາມລະອຽດ QHD
– ໃຊ້ງານຊິບປະມວນຜົນຄອດຄໍ Qualcomm Snapdragon 820
– RAM 4 GB
– ພື້ນທີ່ຈັດເກັບ 32GB, ສາມາດເພີ່ມ microSD (ສູງສຸດ 200 GB)
– ພອຣດ USB 3.0 Type-C (USB-C)
– ຮອງຮັບການສາກແບັດໄຮ້ສາຍ
– ລະບົບສະແກນມ່ານຕາ (Windows Hello)
– ລະບົບສະແກນລາຍນິ້ວມື
– ຮອງຮັບ Continuum
– ກ້ອງຫຼັງຄວາມລະອຽດ 16 ລ້ານພິກເຊວ
– ກ້ອງໜ້າຄວາມລະອຽດ 8 ລ້ານພິກເຊວ
– ໃຊ້ງານລະບົບປະຕິບັດການ Windows 10 Mobile
– ຮອງຮັບມາດຕະຖານກັນນ້ຳກັນຝຸ່ນ IP67
– ຮອງຮັບ MIL-STD 810 ມາດຕະຖານການສັ່ນສະເທືອນ (ປົກປ້ອງການຕົົກ 1 ຟຸດ)
ສຳລັບແຟລັບເລັດ Elite X3 ລຸ້ນດັ່ງກ່າວນີ້ຈະເປີດໂຕຢ່າງເປັນທາງການໃນງານ MWC2016 ທີ່ຈະຈັດຂຶ້ນໃນອາທິດໜ້ານີ້ ຈັ່ງໃດກະຖ້າສະຫຼຸບຂ່າວໃນມື້ນັ້ນເລີຍເນາະ ^^
ທີ່ມາ:wmpoweruser