spot_img
Homeຂ່າວພາຍ​ໃນສະຫາຍເລຂາທິການໃຫຍ່ ພັກປະຊາຊົນປະຕິວັດລາວ ເຄື່ອນໄຫວຢ້ຽມຢາມແຂວງວຽງຈັນ!

ສະຫາຍເລຂາທິການໃຫຍ່ ພັກປະຊາຊົນປະຕິວັດລາວ ເຄື່ອນໄຫວຢ້ຽມຢາມແຂວງວຽງຈັນ!

Published on

ຂປລ. ​ໃນວັນທີ 17 ກຸມພານີ້, ສະຫາຍ ບຸນຍັງ ວໍລະຈິດ ເລຂາທິການໃຫຍ່ ພັກປະຊາຊົນປະຕິວັດລາວ ໄດ້ລົງ​​ເຄື່ອນ​ໄຫວຢ້ຽມ​ຢາມ ​ແລະ ​ພົບປະຄະນະພັກ ແລະ ອຳນາດການປົກຄອງແຂວງວຽງຈັນ, ໂດຍ​ໃຫ້​ກຽດ​ຕ້ອນຮັບ ຈາກສະຫາຍ ວິ​​ດົງໄຊຍະສອນເລຂາພັກແຂວງ, ​ເຈົ້າແຂວງໆວຽງຈັນພ້ອມດ້ວຍຄະນະ.

ສະຫາຍ ວິດົງ ໄຊຍະສອນ, ໄດ້ລາຍງານສະພາບການພັດທະນາເສດຖະກິດສັງຄົມ​ 1 ຜ່ານມາ​ໂດຍ​ຫຍໍ້​ວ່າ: ​​ເສດຖະກິດ​ພາຍ​ໃນ​ແຂວງ​ຂອງ​ຕົນ ​ສືບ​ຕໍ່​​ໄດ້​ຮັບ​ການ​ຂະ​ຫຍາ​ຍຕົວ​​ຢ່າງ​ຕໍ່​ເນື່ອງ ​ໃນ​ນັ້ນລວມຍອດຜະລິດຕະພັນພາຍ​ໃນ​ GDP ບັນລຸເຖິງ 5.318 ຕື້ກວ່າກີບ ຫລື ປະມານ 8,02% ຕໍ່ປີ; ລາຍຮັບສະເລ່ຍຕໍ່ຫົວຄົນໄດ້ 12.008.000 ກີບຕໍ່ຄົນ​, ໂຄງປະກອບເສດຖະກິດ ມີການປ່ຽນແປງໄປຕາມທິດການຜະລິດກະສິກຳຕິດພັນກັບອຸດສາຫະກຳແລະ ການບໍລິການເທື່ອລະກ້າວ. ດ້ານງົບປະມານການເກັບລາຍຮັບໄດ້ 207 ຕື້ກວ່າກີບ, ລາຍຈ່າຍປະຕິບັດໄດ້ 571 ຕື້ກວ່າກີບ, ການສົ່ງເສີມການຜະລິດເປັນສິນຄ້າ 1 ​ເມືອງ 1 ຜະລິດຕະພັນ ຫລື ODOP ມີເຖິງ 10 ຜະລິດຕະພັນ ເປັນອັນດັບທີ 3 ຂອງບັນດາແຂວງໃນທົ່ວປະເທດ, ການກໍ່ສ້າງພື້ນຖານໂຄ່ງລ່າງເດັ່ນ ແມ່ນການກໍ່ສ້າງເທສະບານແຂວງ, ຂົວຂ້າມນ້ຳງື່ມ ແລະ ເສັ້ນທາງສາຍຍຸດທະສາດຈຳນວນໜຶ່ງ; ປັດຈຸບັນ ທົ່ວແຂວງສ້າງບ້ານພັດທະນາໄດ້ 190 ບ້ານເທົ່າກັບ 43,77% ຂອງບ້ານທົ່ວແຂວງ,​​ ອັດ​ຕາເຂົ້າຮຽນສຸດທິບັນລຸ 99,34% , ອັດຕານຳໃຊ້ນໍ້າສະອາດ ​83.5% ​ແລະ ມີລາຍຮັບຈາກນັກທ່ອງທ່ຽວ 190 ຕື້ກວ່າກີບ.

DSC_0997 b .nhang 2

ໃນໂອກາດດັ່ງກ່າວ, ສະຫາຍ ບຸນຍັງ ວໍລະຈິດ, ໄດ້​ໂອ້​ລົມ ແລະ ເນັ້ນໜັກໃຫ້ຄະນະພັກ, ອຳນາດການປົກຄອງແຂວງວຽງຈັນ ​ແລະ ພະນັກງານ​ຫລັກ​ແຫ​ລ່ງ​ ໃຫ້ເອົາໃຈໃສ່ໃນຫລາຍບັນຫາເປັນຕົ້ນການແກ້ໄຂໜີ້ສີນການລົງທຶນ, ການຄຸ້ມຄອງ ການລົງທຶນ, ການເກັບລາຍຮັບໃຫ້ສົມຄູ່ກັບທ່າແຮງຂອງ​ແຂວງ, ຍູ້ແຮງການຜະລິດເປັນສິນຄ້າ​​ໃຫ້ຫລາຍໂດຍຕິດພັນກັບຕະຫລາດຈຳໜ່າຍ, ຍົກສູງຄຸນນະພາບ ຂອງການສຶກສາ, ສາທາລະນະສຸກ ທັງຂະຫຍາຍຕາໜ່າງດັ່ງກ່າວລົງສູ່ເຂດຊົນນະບົດ, ຂະຫຍາຍສູນຝຶກວິຊາຊີບ​, ຄູ​ຝຶກວິຊາຊີບເພື່ອສະໜອງສີມືແຮງງານ​ໃຫ້ມີຄຸນນະພາ​ໃນ​ຍຸກ​ເຊື່ອມ​ໂຍງ AEC,​ ເອົາໃຈໃສ່ວຽກງານປ້ອງກັນຊາ-ປ້ອງ​ກັນຄວາມສະຫງົບທົ່ວປວງຊົນ​, ສ້າງພື້ນຖານປະຖົມປັດ​ໄຈທີ່​​ດີ ເພື່ອກຽມຄວາມພ້ອມເຂົ້າສູ່ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ VIII ​ແລະ ສະມາຊິກສະພາຂັ້ນແຂວງ​​​ໃຫ້​ຮັບປະກັນ, ສ້າງສະຕິຊາດ​, ສະຕິເປັນເຈົ້າໃຫ້ແກ່ປະຊາຊົນ​ ໂດຍເຊີດຊູນ້ຳໃຈຮັກຊາດຮັກບ້ານເກີດເມືອງນອນແກ່ປະຊາຊົນບັນດາເຜົ່າ ແລະ ອື່ນໆ​ ເພື່ອ​ນຳພາແຂວງວຽງຈັນ ກ້າວຂຶ້ນສູ່ຄວາມຮຸ່ງເຮືອງສີວິໄລຂຶ້ນ​ເປັນ​ກ້າວໆ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...