ສູນກາງແນວລາວສ້າງຊາດ ໄດ້ຈັດກອງປະຊຸມປຶກສາຫາລື ເພື່ອກະກຽມຄວາມພ້ອມ ໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ໂດຍມີທ່ານ ສຈ. ດຣ. ພັນດວງຈິດ ວົງສາ ປະທານສູນກາງແນວລາວສ້າງຊາດ ແລະ ຜູ້ແທນຈາກບັນດາແຂວງ ໃນທົ່ວປະເທດເຂົ້າຮ່ວມ.
ກອງປະຊຸມດັ່ງກ່າວ, ໄດ້ປຶກສາຫາລື ແລະ ຄົ້ນຄວ້າປະກອບຄຳຄິດຄຳເຫັນ ໃສ່ເນື້ອໃນເອກະສານສຳຄັນຕ່າງໆ ຄືຮ່າງບົດລາຍງານການເມືອງ, ກົດລະບຽບຂອງແນວລາວສ້າງຊາດສະບັບປັບປຸງ ແລະ ບຸກຄະລາກອນ ຜູ້ຈະເປັນກຳມະການສູນກາງແນວລາວສ້າງຊາດ ຄັ້ງທີ X ແລະ ວຽກງານອື່ນໆທີ່ກ່ຽວຂ້ອງອື່ນໆອີກ ເຊິ່ງຜູ້ແທນກອງປະຊຸມ ຈະໄດ້ພ້ອມກັນຄົ້ນຄວ້າຕື່ມ ເນື້ອໃນທີ່ຍັງບໍ່ຄົບຖ້ວນ ແລະ ຕັດເນື້ອໃນບາງຕອນ ທີ່ເຫັນວ່າບໍ່ເໜາະສົມ ເພື່ອເຮັດໃຫ້ຮ່າງລາຍງານ, ກົດລະບຽບ ແລະ ບຸກຄະລາກອນ ໄດ້ມີຂໍ້ມູນທີ່ຄົບຖ້ວນສົມບູນ ເພື່ອກຽມໃຫ້ແກ່ກອງປະຊຸມດັ່ງ ກ່າວດຳເນີນໄປດ້ວຍຜົນສຳເລັດອັນຈົບງາມ.
ກອງຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງສູນກາງແນວລາວສ້າງຊາດ ຄາດວ່າຈະໄຂຂຶ້ນຢ່າງເປັນທາງການ ພາຍຫລັງການເລືອກຕັ້ງ ສະມາຊິກສະພາແຫ່ງຊາດສຳເລັດ.
ແຫລ່ງຂ່າວ:
