spot_img
Homeຂ່າວພາຍ​ໃນພົນຕີ ທອງລອຍ ສິລິວົງ ເຂົ້າຮັບໜ້າທີ່ ເລຂາພັກແຂວງ-ເຈົ້າແຂວງໄຊສົມບູນ ຜູ້ໃໝ່!

ພົນຕີ ທອງລອຍ ສິລິວົງ ເຂົ້າຮັບໜ້າທີ່ ເລຂາພັກແຂວງ-ເຈົ້າແຂວງໄຊສົມບູນ ຜູ້ໃໝ່!

Published on

ພິທີມອບ-ຮັບໜ້າທີ່ ເລຂາພັກແຂວງ ເຈົ້າແຂວງໄຊສົມບູນ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນຢ່າງເປັນທາງການຢູ່ ສະໂມສອນເມືອງອະນຸວົງ ໃນວັນທີ 16 ກຸມພານີ້ ໂດຍການເປັນປະທານຂອງ ທ່ານ ດຣ. ພັນຄຳ ວິພາວັນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ມີບັນດາການນຳຂັ້ນແຂວງ ແລະ ເມືອງ, ພະນັກ ງານອາວຸໂສບຳນານເຂົ້າຮ່ວມ.

ໃນພິທີ ທ່ານ ສົມນຶກ ສາຍນາທີ ກຳມະການພັກແຂວງ, ຫົວໜ້າຫ້ອງວ່າການປົກຄອງແຂວງໄຊສົມບູນ ໄດ້ ຂຶ້ນຜ່ານບົດບັນທຶກມອບ-ຮັບໜ້າທີ່ ເລຂາພັກແຂວງ ເຈົ້າແຂວງໄຊສົມບູນຜູ້ເກົ່າ ແລະ ຜູ້ໃໝ່ລະຫວ່າງ ທ່ານ ດຣ. ສົມບັດ ເຢຍລີເຮີ ເລຂາພັກແຂວງ ເຈົ້າແຂວງໄຊສົມບູນຜູ້ເກົ່າໃຫ້ ທ່ານ ພົນຕີ ທອງລອຍ ສິລິວົງ ກຳມະການສູນກາງພັກ ເປັນເລຂາພັກແຂວງ ເຈົ້າແຂວງໄຊສົມບູນຜູ້ໃໝ່.

ແຂວງໄຊສົມບູນ ມີເນື້ອທີ່ທັງໝົດ 8.300 ກິໂລຕາແມັດ, ປະກອບມີ 5 ເມືອງຄື: ເມືອງອະນຸວົງ, ທ່າໂທມ, ລ້ອງ ຊານ, ເມືອງຮົ່ມ ແລະ ລ້ອງແຈ້ງ, ມີ 96 ບ້ານ, ມີພົນລະເມືອງທັງໝົດ 85.200 ຄົນ, ມີ 16 ພະແນກການ, 2 ກົມກອງ, 16 ອົງການທຽບເທົ່າ.

ທົ່ວແຂວງມີພະນັກງານ-ລັດຖະກອນທັງໝົດ 2.638 ຄົນ, ຍິງ 718 ຄົນ, ໃນນັ້ນປະລິນຍາເອກມີ 4 ຄົນ, ປະລິນຍາ ໂທ 32 ຄົນ, ປະລິນຍາຕີ 843 ຄົນ, ຊັ້ນກາງ 714 ຄົນ, ຍິງ 50 ຄົນ, ຊັ້ນຕົ້ນ 183 ຄົນ, ຍິງ 10 ຄົນ ໄດ້ຮັບອະນຸມັດການລົງທຶນທັງໝົດ 182 ໂຄງການ, ລວມ ມູນຄ່າ 2.706,06 ຕື້ກີບ.

 

ແຫລ່ງຂ່າວ:

ປຊຊ

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...