spot_img
Homeຂ່າວພາຍ​ໃນເປີດຂະບວນລົດໂຄສະນາ ຂັບຂີ່ປອດໄພ ຕ້ອນຮັບປີໃໝ່ລາວ ພສ 2557

ເປີດຂະບວນລົດໂຄສະນາ ຂັບຂີ່ປອດໄພ ຕ້ອນຮັບປີໃໝ່ລາວ ພສ 2557

Published on

ພະແນກຕຳຫລວດຈະລາຈອນນະຄອນຫລວງວຽງຈັນ ຮ່ວມກັບ ບໍລິສັດ
ເອເຊຍປາຊີຟິກບຣີເວີຣີຈຳກັດ ໄດ້ຈັດກິດຈະກຳຂະບວນລົດຄາລາວານ
ເພື່ອໂຄສະນາເຊີນຊວນມວນຊົນ ຂັບຂີ່ລົດຢ່າງປອດໄພ ຕ້ອນຮັບ
ບຸນປີໃໝ່ລາວ ພສ 2557 ຂຶ້ນໃນຕອນເຊົ້າວັນທີ 11 ເມສາ 2014
ທີ່ປະຕູໄຊ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ
ເດດສົງຄາມ ທໍາມະວົງ ຫົວໜ້າພະແນກໂຍທາທິການ ແລະຂົນສົ່ງ
ນະຄອນຫລວງວຽງຈັນ ມີຫົວໜ້າພະແນກຕຳຫລວດຈະລາຈອນ
ນະຄອນຫລວງວຽງຈັນ ທ່ານຮອງອຳນວຍການບໍລິສັດ ລາວເອເຊຍ
ປາຊີຟິກເບເວີຣີຈຳກັດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີເປີດຂະບວນລົດດັ່ງກ່າວ ທ່ານພັນໂທ ພົມມະຈັກ ສວນບຸນມາ
ຫົວໜ້າພະແນກຈະລາຈອນນະຄອນຫລວງວຽງຈັນໄດ້ກ່າວວ່າ ການຈັດ
ກິດຈະກຳໃນຄັ້ງນີ້ ເພື່ອເປັນການໂຄສະນາປຸກລະດົມເຊີນຊວນໃຫ້
ມວນຊົນປະຕິບັດກົດຈະລາຈອນຢ່າງເຂັ້ມງວດ ສ້າງຈິດສຳນຶກໃນການ
ຂັບຂີ່ປອດໄພ ແລະ ເຮັດໃຫ້ການສັນຈອນຕາມເສັ້ນທາງຕ່າງໆມີ
ຄວາມສະດວກ ຫລຸດຜ່ອນອຸປະຕິເຫດ ໃນໄລຍະ ບຸນປີໃໝ່ລາວ
ພສ 2557 ແລະ ເນັ້ນໃສ່ການດຶ່ມສິ່ງມືນເມົາແລ້ວຫ້າມຂັບລົດ
ເນື່ອງຈາກບຸນປີໃໝ່ລາວ ພສ 2556 ຜ່ານມາ ທົ່ວນະຄອນຫລວງ
ວຽງຈັນມີອຸປະຕິເຫດເກີດຂຶ້ນທັງໝົດ 60 ຄັ້ງ ເປັນເຫດໃຫ້ພາຫະນະ
ເປ່ເພ 149 ຄັນ ຄົນໄດ້ຮັບບາດເຈັບ 79 ຄົນ ແລະ ເສຍຊີວິດ
5 ຄົນ ສະເພາະປີໃໝ່ປີນີ້ ໄດ້ເນັ້ນໃຫ້ຕົວເລກດັ້ງກ່າວໃຫ້ເປັນສູນ
ໂດຍການຖອດຖອນຈາກປີຜ່ານມາ.

ບໍລິສັດ ເອເຊຍປາຊີຟິກບີເວີຣີຈຳກັດ ມອບຈວຍສະທ້ອນແສງຈຳນວນ
100 ອັນ ໃຫ້ແກ່ພະແນກຕຳຫລວດນະຄອນຫລວງວຽງຈັນ ເພື່ອນຳໃຊ້ເຂົ້າ ໃນໜ້າທີ່ວຽກງານວິຊາສະເພາະ ໃນມູນຄ່າ 12 ລ້ານກວ່າກີບ

ໃນໂອກາດນີ້ ທາງບໍລິສັດ ເອເຊຍປາຊີຟິກບີເວີຣີຈຳກັດ ຍັງໄດ້
ມອບຈວຍສະທ້ອນແສງຈຳນວນ 100 ອັນ ໃຫ້ແກ່ພະແນກ
ຕຳຫລວດນະຄອນຫລວງວຽງຈັນ ເພື່ອນຳໃຊ້ເຂົ້າໃນໜ້າທີ່ວຽກງານ
ວິຊາສະເພາະ ຮວມມູນຄ່າ 12 ລ້ານກວ່າກີບ.

ຂ່າວ/ພາບ ເທບພະວົງ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...