ຈາກຂ່າວຫຼຸດກ່ອນໜ້ານີ້ກ່ຽວກັບ ພາບເຣນເດີ້ໃໝ່ຂອງ Lumia 650 ດ້ວຍຮູບຊົງທີ່ສວຍງາມ ແລະມີການຄາດການວ່າຈະມີການເປີດໂຕສະມາດໂຟນລຸ້ນດັ່ງກ່າວໃນຊ່ວງກາງເດືອນນີ້ ແລະມື້ນີ້ເອງ Microsoft ກໍໄດ້ເປິດໂຕ Lumia 650 ສະມາດໂຟນ Windows 10 Mobile ຢ່າງເປັນທາງການແລ້ວ!!
ຈຸດເດັ່ນກ່ຽວກັບສະມາດໂຟນ Lumia 650 ກໍຄືໃນດ້ານຂອງການອອກແບບ. ໂຕເຄື່ອງຖືກອອກແບບມາດ້ວຍຮູບຊົງທີ່ສວຍງາມ, ບາງແລະເບົາ ດ້ວຍຄວາມໜາ 6.9 ມມ ແລະ ນ້ຳໜັກພຽງແຕ່ 122 ກຣາມ ອີກທັງຍັງລວມໄປເຖິງຂອບທີ່ເປັນອະລູມິນ້ຽມເຮັດໃຫ້ມີຄວາມຮູ້ສຶກຄ້າຍໆກັບສະມາດໂຟນລະດັບພຣີມ້ຽມກໍເວົ້າໄດ້. ເຮົາມາສະຫຼຸບສະເປັກທັງໝົດຂອງສະມາດໂຟນລຸ້ນດັ່ງກ່າວນຳກັນເລີຍ
ສະຫຼຸບສະເປັກຢ່າງເປັນທາງການຂອງ Lumia 650 ມີດັ່ງນີ້:
– ໜ້າຈໍຂະໜາດ 5 ນິ້ວ ຄວາມລະອຽດ HD (1280 x 720 ພິກເຊວ, 297ppi, AMOLED, ClearBlack, Gorilla Glass 3)
– ກ້ອງຫຼັງຄວາມລະອຽດ 8 ລ້ານພິກເຊວ (ຮູຮັບແສງ f/2.2), ກ້ອງໜ້າຄວາມລະອຽດ 5 ລ້ານພິກເຊວ (ຮູຮັບແສງ f/2.2)
– ໃຊ້ຊິບປະມວນຜົນ Qualcomm Snapdragon 212 (Quad core, ຄວາມໄວທີ່ 1.3 GHz)
– ພື້ນທີ່ຈັດເກັບ 16GB (ສາມາດເພີ່ມ microSD ໄດ້)
– RAM 1GB
– ແບັດເເຕີຣີ 2000 mAh
– Bluetooth 4.1
– ຮອງຮັບ GSM, WCDMA, LTE
– ຮອງຮັບໜ້າຈໍແບບ Glance screens
– ເປີດໂຕມາດ້ວຍ 2 ສີຄື: ສີຂາວ ແລະ ສີດຳ ດ້ວຍລາຄາ $200 (1.625.000 ກີບ)