ເພື່ອປະຕິບັດຕາມແນວທາງຂອງພັກ-ລັດຖະບານກໍຄືການຫັນເອົາປະເທດເປັນປະເທດພະລັງງານແຫ່ງອາຊຽນໃນການຜະລິດກະແສໄຟຟ້າ, ທີ່ພະແນກແຜນການ ແລະ ການ ລົງທຶນແຂວງຊຽງຂວາງໄດ້ຈັດພິທີເຊັນສັນຍາວ່າດ້ວຍການພັດທະນາເຂື່ອນໄຟຟ້ານ້ຳຕົກຂະໜາດນ້ອຍນ້ຳກຶນເມືອງ ແປກ ແລະນ້ຳໂສ້ເມືອງຄູນ.
ພິທີລົງນາມພັດທະນາເຂື່ອນໄຟຟ້າ ນ້ຳຕົກຂະໜາດນ້ອຍ ນ້ຳກຶນ ມີຂຶ້ນໃນຕອນແລງວັນທີ 11 ກຸມພາ 2016 ລະຫ່ວາງອຳນາດການປົກຄອງແຂວງຕາງໜ້າເຊັນໂດຍທ່ານ ວັນໄຊຢ່າເບຣຍເກົ້າ ຮອງຫົວໜ້າພະແນກແຜນການ ແລະການລົງທຶນແຂວງ, ແລະທ່ານ ນາງ ຄຳປານ ດວງພະຈັນ ອຳນວຍ ການບໍລິສັດ ສົມພູກໍ່ສ້າງຂົວທາງ ຈຳກັດ ເປັນກຽດເຂົ້າຮ່ວມຂອງທ່ານ ດຣ. ຄຳປາວ ມົວ ຄະນະປະຈຳພັກແຂວງຮອງ ເຈົ້າແຂວງໆຊຽງຂວາງຜູ້ຊີ້ນຳວຽກງານເສດຖະກິດ, ມີບັນ ດາຫົວໜ້າ, ຮອງຫົວໜ້າ, ພ້ອມດ້ວຍພາກສ່ວນທີ່ກ່ຽວຂ້ອງ ທັງສອງຝ່າຍເຂົ້າຮ່ວມ.
ເຂື່ອນໄຟຟ້ານ້ຳຕົກຂະໜາດນ້ອຍ ນ້ຳກຶນ ຢູ່ບ້ານນາຫອຍເມືອງແປກມີກຳລັງການຜະລິດໄຟຟ້າ0,64 ເມກາວັດ (MW) ມູນຄ່າການກໍ່ສ້າງ 1,2 ລ້ານໂດລາສະຫະລັດ ໄລຍະເວລາການກໍ່ສ້າງ 2 ປີ, ພາຍຫຼັງເຊັນສັນ ຍາແລ້ວຈະເລີ່ມລົງມືກໍ່ສ້າງທັນທີ.
ສ່ວນພິທີເຊັນສັນຍາການພັດທະນາ ເຂື່ອນໄຟຟ້ານ້ຳຕົກຂະໜາດນ້ອຍນ້ຳ ໂສ້ເມືອງຄູນ ແມ່ນຈັດຂຶ້ນໃນຕອນແລງ ວັນທີ 10 ກຸມພາ 2016 ໂດຍລົງນາມ ລະຫ່ວາງທ່ານ ວັນໄຊ ຢ່າເບຣຍເກົ້າ ຮອງຫົວໜ້າພະແນກແຜນການ ແລະການລົງ ທຶນແຂວງກັບ ທ່ານ ສົມລັດ ແສງສະຫວັດຜູ້ອຳນວຍການບໍລິສັດພົງຊັບທະວີກໍ່ສ້າງຂົວທາງຈຳກັດ ໂດຍຊ່ອງໜ້າ ທ່ານ ວຽງ ທອງ ບຸນທະພອນ ຮອງຫົວໜ້າຫ້ອງວ່າ ການປົກຄອງແຂວງ, ມີຮອງຫົວໜ້າພະແນກການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ຈຸດປະສົງຂອງການສ້າງເຂື່ອນໄຟ ຟ້ານຳໂສ້ ແມ່ນເພື່ອສ້າງພະລັງງານໄຟ ຟ້າ ແລະເພື່ອປ່ຽນທາງນ້ຳໃຫ້ໄຫຼເຂົ້າ ຊ່ວຍເຂື່ອນໄຟຟ້າ 3D ນ້ຳຊັນ ຈິ່ງສ້າງ ເປັນເຂື່ອນໄຟຟ້າຂະໜາດນ້ອຍທີ່ມີກຳ ລັງການຜະລິດ 7,5 ເມກາວັດ, ມູນຄ່າ ການກໍ່ສ້າງ 12,4 ລ້ານໂດລາສະຫະລັດ, ຄາດວ່າຈະສຳເລັດຕາມສັນຍາກໍ່ສ້າງ ໃນໄລຍະເວລາ 2 ປີ.
ທີ່ມາ: