spot_img
Homeຂ່າວຕ່າງປະເທດເກີດ​ເຫດ​ຈະລາຈົນ​ໃນ​ຄຸກ​ເມັກ​ຊິ​ໂກ ​ເສຍ​ຊີວິດ​ຢ່າງ​ໜ້ອຍ 52 ຄົນ

ເກີດ​ເຫດ​ຈະລາຈົນ​ໃນ​ຄຸກ​ເມັກ​ຊິ​ໂກ ​ເສຍ​ຊີວິດ​ຢ່າງ​ໜ້ອຍ 52 ຄົນ

Published on

​ຕອນ​ເຊົ້າ​ມື້​ວັນ​ພະຫັດ 11 ກຸມພາ​ໄດ້ເກີດ​ເຫດ​ຈະລາຈົນ​ໃນ​ຄຸກ​ທີ່​ເມືອງ​ມອນ​ເທີ​ເຣ ທາງ​ເໝືອຂອງ​ເມັກ​ຊິກ​ໂກ ​ເຈົ້າ​ໜ້າ​ທີ່​ຕ້ອງ​ໃຊ້​ເວລາ​ດົນ​ກວ່າຊົ່ວ​ໂມງ​ກ່ອນ​ຄວບ​ຄຸມ​ສະຖານະ​ການ​ໄວ້​​ໄດ້ ​ໂດຍ​ມີ​ຜູ້​ເສຍ​ຊີວິດ​ຢ່າງ​ໜ້ອຍ 52 ຄົນ ຕາມ​ລາຍ​ງານຂອງ​ສື່​ມວນຊົນ​ທ້ອງ​ຖິ່ນ.

ຕຳຫຼວດ​ປາບ​ຈະລາຈົນ​ແລະ​ລົດ​ສຸກ​ເສີນ​ຖືກ​ສົ່ງ​ເຂົ້າ​ປະ​ຈຳ​ການ​ທີ່​ຄຸກ​ທາ​ໂປ​ຊິ​ໂຄ ​ເນື່ອງ​ຈາກ​ບັນດາ​ຄອບຄົວ​ຜູ້​ຖືກ​ກັກ​ຂັງ​ທີ່​ຕ່າງ​ຢູ່​ໃນ​ອາ​ລຸນ​ຮຸນ​ແຮງ ພະ​ຍາ​ຍາມ​ບຸກ​ເຂົ້າ​ໄປ​ໃນ​ສະຖານ​ທີ່​ດັ່ງກ່າວ ​ໂດຍ​ພົບ​ເຫັນ​ບາງ​ສ່ວນ​ດຶກ​ກ້ອນ​ຫີນ​ໃສ່​ປະຕູ.

​ເບື້ອງ​ຕົ້ນ​ຍອດ​ຜູ້​ບັດ​ເຈັບ​ຈາກ​ເຫດການ​ນີ້​ຍັງ​ບໍ່​ແມ່ນ​ນອນ ​ໂດຍ​ສະຖານ​ນີ​​ໂທລະ​ພາບ​ເທ​​ເລ​ວິຊາ ລາຍ​ງານ​ວ່າ​ມີ​ຜູ້​ເສຍ​ຊີວິດ 30 ຄົນ ​ແຕ່​ສະຖານີ​ໂທລະພາບ​ມິ​ລິ​ນີ​ໂອ ລະບຸ​ວ່າ​ມີ​ຜູ້​ໄດ້​ຮັບ​ຜົນ​ກະທົບ 50 ຄົນ ຊຶ່ງ​ໃນ​ນັ້ນ​ມີ​ທັງ​ນັກ​ໂທດ​ແລະ​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພ​ຂອງ​ຄຸກ ຂະນະ​ທີ່​ທາງ​ການ​ຍັງ​ບໍ່​ອອກ​ມາ​ຖະ​ແຫຼ​ງຢ່າງ​ເປັນ​ທາງ​ການ​ໃດໆ ກ່ຽວ​ກັບ​ຈຳນວນ​ຜູ້​ເສຍ​ຊີວິດ ​ແລະ​ໄດ້​ຮັບ​ບາດ​ເຈັບ.

​ແນ​ວ​ໃດ​ກໍ​ຕາມ ​ໃນ​ເວລາ​ຕໍ່​ມາ ​​ໄນ​ເນ ​ໂຣດຣິ​ເກດ ຜູ້​ວ່າການ​ລັດ​ນອຍ​ໂວ​ເລີ​ອົງ ລະບຸ​ວ່າ​ ມີ​ຜູ້​ເສຍ​ຊີວິດ​ຢ່າງ​ໜ້ອຍ 52 ຄົນ ​ແລະ​ບາດ​ເຈັບ 12 ຄົນ ​ເຮົາ​ໄດ້​ຮັບພົບ​ກັບ​ເຫດ​ທີ່​ໜ້າ​ເສົ້າ.

ມິ​ເລ​ນິ​ໂອ​ທີ​ວີ ​ແລະ​ໜັງສື​ພິມ​ເນ​ຟໍມາລາ​ຍງານ​ວ່າ ​ເຫດ​ຈະລາຈົນ​​​ເກີດ​ຂຶ້ນ​ຈາກ​ຄວາມ​ພະຍາຍາມ​ຫຼົບໜີ​ອອກ​ຈາກ​ຄຸກ​ຂອງ​ພວກ​ຜູ້​ຕ້ອງ​ຂັງ

ກ່ອນ​ໜ້າ​ນີ້​ອັນ​ໂຕ​ນິ​ໂອ ອາ​ກູ​ເອລ​ໂລ ​ໂຄສົກ​ສຳນັກງານ​ຄວາມ​ໝັ້ນຄົງ​ແຫ່ງ​ລັດ​ນອຍ​ໂອ​ເລີ​ອົງ ​ເຜີຍ​ວ່າ ​ເຫດ​ຈະລາຈົນ​ເລີ່​ມຕົ້ນ​ຂຶ້ນ​ຕອນ​ປະມານ​ທ່ຽງ​ຄືນ “​ເຈົ້າ​ໜ້າ​ທີ່​ຕັ້ງວົງ​ລ້ອມ​ຮັກສາ​ຄວາມ​ປອດ​ໄພ​ແລະ​ບໍ່​ມີ​ໃຜ​ຫຼົບໜີ​ໄດ້ ທຸກ​ຢ່າງ​ຢູ່​ພາຍ​ໃຕ້​ການ​ຄວບ​ຄຸມ​ຕອນ​ເວລາ 01:30 ​ໂມງ” ​ເຂົາບອກ​ກັບ​ເອ​ເອຟພີ “​ເຮົາ​ບໍ່ສາມາດ​ບອກ​ເຖິງ​ຈຳນວນ​ຜູ້​ເສຍ​ຊີວິດ​ໄດ້​ຈົນ​ກວ່າ​ໜ່ວຍ​ນິຕິ​ເວດ​​ສາດ​ຈະ​ມອບ​ລາຍ​ງານ​​ໃຫ້​ເຮົາ ​ແລະ ຫຼັງ​ຈາກ​ເຈົ້າ​ໜ້າ​ທີ່​ນັບ​ຈຳນວນ​ຜູ້​ຕ້ອງ​ຂັງ​ສຳ​ເລັດ​ແລ້ວ”.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...