Final Fantasy IX ຖືວ່າເປັນເກມ RPG ທີ່ໂດ່ງດັງອີກພາກໜຶ່ງກໍເວົ້າໄດ້ໃນບັັນດາບັນດາຊີຣີ Final Fantasy I-VI ພາກນີ້ເປັັນພາກທຳອິດທີ່ເຮັດໃຫ້ຄວາມຄິດຮອດລະບົບແບບເກົົ່າໆກັບມາອີກເທື່ອໜຶ່ງຫຼັງຈາກທີ່ພາກ VII ໄດ້ມີການປ່ຽນແປງຫຼາຍໆຢ່າງແລະການກ້າວເຂົ້າສູ່ໂລກແບບຫຸ່ນຍົນເຕັມໂຕ ແລະອີກຢ່າງ Final Fantasy IX ແມ່ນໄດ້ຮັບຄວາມນິຍົມຈາກແຟນໆເກມຫຼາຍກວ່າພາກອື່ນໆ ແລະຫຼາຍຄົນກໍບອກວ່າພາກນີ້ເປັນພາກທີ່ດີທີ່ສຸດຂອງ Final Fantasy ທີ່ເຄີຍປ່ອຍອອກມາອີກນຳ
ຫຼ້າສຸດນີ້ເອງທາງຄ່າຍເກມ Square Enix ກໍໄດ້ປ່ອຍລົງຮ້ານຄ້າທັງ 2 ລະບົບກັນແລ້ວຄື iOS ແລະ Android, ເຊິ່ງ Final Fantasy IX ນີ້ເປັນພາກທີ່ຖືກນຳເອົາມາປັບປຸງຕໍ່ຈາກເວີຊັ່ນດັ້ງເດີມຈາກ Sony PlayStation ໃນປີ 2000, ແລະໃນຕອນນີ້ພ້ອມໃຫ້ທຸກຄົນໄດ້ສຳຜັດປະສົົບການກັນໄດ້ອີກແລ້ວໃນ iPhone, iPad, ແລະ Android. ສຳລັບຕອນນີ້ແມ່ນຢູ່ໃນຊ່ວງຫຼຸດລາຄາ 20℅ ຈົນເຖິງວັນທີ 21 ກຸມພານີ້ໃຜທີ່ສົນໃນກໍຮີບຟ້າວຊື້ຫຼິ້ນໄດ້ເລີຍ (ແອັດມິນຊື້ໄປແລ້ວ ^^) ສະເປັກທີ່ຕ້ອງການແມ່ນໃຊ້ງານ iOS 7 ຂຶ້ນໄປ ແລະ Android 4.1 ຂຶ້ນໄປ, ສ່ວນຂະໜາດຂອງໂຕເກມແມ່ນ 1.8GB
– ສຳລັບ Android ກົດທີ່ລິ້ງນີ້ເລີຍ FINAL FANTASY IX For Android $17 (ຫຼຸດ 20℅)
– ສຳລັບ iOS ກົດທີ່ລິ້ງນີ້ເລີຍ FINAL FANTASY IX For iOS $17 (ຫຼຸດ 20℅)
ໃນສ່ວນຂອງໂຕເກມທີ່ປັບປຸງຈາກເວີຊັ່ນດັ້ງເດີມແມ່ນປັບປຸງຄຸນນະພາບກຣາບຟິກ, ເພີ່ມຄຸນສົມບັດຄວາມສຳເລັດ ແລະລະບົບ Auto Save. ໃນເກມ Final Fantasy IX ຍັງມີໂໝດໂກງເກມລວມໃນໂຕນຳບໍ່ວ່າຈະເປັນໂໝດຄວາມໄວສູງ, ໂໝດບໍ່ພົບສັດຕູແລະໂໝດເພີ່ມແຮງຕີໂຕຄອນ
ທີ່ມາ:Phonearena