ສຳນັກຂ່າວຕ່າງປະເທດ ລາຍງານໃນວັນທີ 5 ກຸມພານີ້ວ່າ ເກີດເຫດສຸດຕະລຶງ ເມື່ອຊາຍຊະລາຊາວຈີນທ່ານໜຶ່ງ ເສຍຊີວິດກະທັນຫັນ ໃນລະຫວ່າງມີເພດສຳພັນກັບຍິງສາວ ດ້ວຍອາການຫົວໃຈວາຍ ແລະ ຍິ່ງກວ່ານັ້ນອີກ ອະໄວຍະວະເພດຂອງຊາຍຊະລາດັ່ງກ່າວ ເກີດອາການລ໊ອກ ຈົນເຮັດໃຫ້ອະໄວຍະວະເພດຂອງທັງຄູ່ ຕິດແໜ້ນບໍ່ສາມາດຖອດອອກຈາກກັນໄດ້.
ເຫດການດັ່ງກ່າວນີ້ ຖືກເຜີຍແຜ່ເປັນວີດີໂອ ລາຍງານຜ່ານເວັບໄຊ Miaopai ຂອງຈີນ ກ່ອນທີ່ຈະມີການເຜີຍແຜ່ຕໍ່ໃນທົ່ວໂລກ ຊຶ່ງສະແດງໃຫ້ເຫັນຊາຍ 3 ຄົນ ຊຶ່ງເປັນບຸກຄະລາກອນການແພດ ກຳລັງຍູ້ລໍ້ຄົນເຈັບຄັນໜຶ່ງ ເພື່ອໄປຍັງໂຮງໝໍ ຊຶ່ງເທິງລໍ້ດັ່ງກ່າວມີຮ່າງຂອງຊາຍຊະລານອນຢຽດຢູ່ ແລະ ມີຍິງສາວຄົນໜຶ່ງ ນອນຂວ້ຳຢູ່ເທິງລຳຕົວຂອງຊາຍຄົນດັ່ງກ່າວ ຊຶ່ງໄດ້ໝົດລົມຫາຍໃຈໄປແລ້ວ ໂດຍມີການໃຊ້ຜ້າຫົ່ມປິດ ແລະ ປົກຄຸມລຳຕົວຂອງຜູ້ຍິງໄວ້ ທ່າມກາງສາຍຕາຂອງຜູ້ຄົນທີ່ເຫັນເຫດການ ທີ່ຕ່າງວິພາກວິຈານກັນຢ່າງເນືອງນັນ.
ຂ່າວແຈ້ງວ່າ ທັງຄູ່ໄດ້ຖືກນຳຕົວສົ່ງໄປໂຮງໝໍ ເພື່ອເຂົ້າຫ້ອງຜ່າຕັດແຍກອະໄວຍະວະເພດອອກ ກ່ອນທີ່ຝ່າຍຊາຍ ຈະຖືກນຳສົ່ງຮ່າງໄປຫ້ອງເຢັນ ຊຶ່ງການເສຍຊີວິດລະຫວ່າງການມີເພດສຳພັນນັ້ນ ເຖິງແມ່ນເປັນເຫດການທີ່ບໍ່ປົກກະຕິກໍຕາມ ແຕ່ກໍສາມາດເກີດຂຶ້ນໄດ້ ຈາກອາການຫົວໃຈວາຍ ຊຶ່ງສ່ວນໃຫຍ່ຈະເກີດກັບຜູ້ຊາຍ.
https://www.youtube.com/watch?v=45dWjixTUPI