ສະ­ຫາຍ ສີ​ແພງ ດວງ​ບຸດ​ດີ ຮອງ​ປະທານ​ກວດ­ກາ​ພັກ-ລັດ​ແຂວງ​ໄດ້​ຜ່ານ​ບົດສະ­ຫຼຸບ​ການ­ເຄື່ອນ­ໄຫວ​ວຽກ​ງານ​ກວດ­ກາ​ທົ່ວ​ແຂວງ​ຫົວ­ພັນ​ປະ­ຈຳ​ປີ 2015 ແລະ​ທິດ​ທາງ​ແຜນ­ການ​ປີ 2016 ຊຶ່ງ 1 ປີ­ຜ່ານ­ມາ​ໄດ້​ຍົກ​ໃຫ້​ເຫັນ​ດ້ານ​ດີ​ຜົນ­ງານ ແລະ​ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ພ້ອມ​ກັນປັບ­ປຸງ​ແກ້​ໄຂ​ໃນ­ຕໍ່­ໜ້າ​ປະ­ຈຸ​ບັນ​ທົ່ວ​ແຂວງ ຫົວ­ພັນ​ມີ 124 ຄະ­ນະ​ພັກ​ຮາກ​ຖານ, ມີ 946 ໜ່ວຍ​ພັກ, ເພີ່ມ​ຂຶ້ນ 12 ຄະ­ນະ​ພັກ ຮາກ​ຖານ ແລະ 26 ໜ່ວຍ, ໃນ​ນີ້​ເປັນ​ໜ່ວຍ​ພັກ​ແຂງ​ຮູ້​ນຳ­ພາ​ຮອບ­ດ້ານ 392 ໜ່ວຍ, ໜ່ວຍ​ພັກ​ແຂງ 140 ໜ່ວຍ, ກາງ 58 ໜ່ວຍ, ບໍ່​ໄດ້​ຈັດ​ປະ­ເພດ 356 ໜ່ວຍ, ທົ່ວ​ແຂວງ​ມີ​ສະ­ມາ­ຊິກ​ພັກ​ທັງ​ໝົດ 13 ພັນ ກວ່າ​ສະ­ຫາຍ, ຍິງ 2 ພັນ​ກວ່າ​ສະ­ຫາຍ,ເພີ່ມ​ຂຶ້ນ 114 ສະ­ຫາຍ, ຍິງ 84 ສະ­ຫາຍ, ໃນ​ນີ້​ສະ­ມາ­ຊິກ​ພັກ​ສຳ­ຮອງ 561 ສະ­ຫາຍ, ຍິງ 96 ສະ­ຫາຍ, ໄດ້​ຕີ​ລາ­ຄາ​ແບ່ງ​ປະ ເພດ​ໃນ​ປີ 2015 ແລ້ວ 9,7 ພັນ​ກວ່າ ສະ ຫາຍ, ໃນ​ນີ້​ມີ​ສະ­ມາ­ຊິກ​ພັກ​ແຂງ​ຮອບ ດ້ານ 6,6 ພັນ​ກວ່າ​ສະ­ຫາຍ, ປະ­ເພດ​ແຂງ 2,5 ພັນ​ກວ່າ​ສະ­ຫາຍ, ກາງ 600 ສະຫາຍ, ອ່ອນ 37 ສະ­ຫາຍ ແລະ​ບໍ່​ໄດ້​ຈັດ ປະ­ເພດ 4,2 ພັນ​ກວ່າ​ສະ­ຫາຍ.

ນອກ​ນັ້ນ​ໃນ 1 ປີ­ຜ່ານ­ມາ​ໄດ້​ສຸມ​ໃສ່ ຮັບ​ເອ­ກະ­ສານ​ແຈ້ງ​ຊັບ​ສິນ​ພະ­ນັກ­ງານ-ລັດ­ຖະ­ກອນ ຊຶ່ງ​ມີ​ພະ­ນັກ­ງານ​ແຈ້ງ​ຊັບ ສິນ​ທັງ​ໝົດ 7 ພັນ​ກວ່າ​ຄົນ, ໃນ​ນີ້​ຂັ້ນ​ສູນ ກາງ​ຄຸ້ມ​ຄອງ 38 ຄົນ, ຂັ້ນ​ແຂວງ​ຄຸ້ມຄອງ 305 ຄົນ, ຂັ້ນ​ພະ­ແນກ­ການ​ຄຸ້ມ​ຄອງ 1,3 ພັນ​ກວ່າ​ຄົນ, ຂັ້ນ​ເມືອງ​ຄຸ້ມ​ຄອງ 5,3 ພັນ​ກວ່າ​ຄົນ, ເອົາ­ໃຈ­ໃສ່​ໃຫ້​ຄຳ​ປຶກ ສາ​ແກ່​ສະ­ມາ­ຊິກ​ພັກ, ພະ­ນັກ­ງານ ແລະ​ປະ ຊາ​ຊົນ​ບັນ­ດາ­ເຜົ່າ​ທັງ​ໝົດ 12 ເທື່ອ​ຄົນ,ໄດ້​ຮັບ​ຄຳ​ຮ້ອງ, ຄຳ​ສະ­ເໜີ​ທັງ​ໝົດ 23 ສະ­ບັບ, ໃນ​ນີ້​ແກ້​ໄຂ​ແລ້ວ 11 ສະ­ບັບ, ໃຫ້ ພາກ­ສ່ວນ​ກ່ຽວ­ຂ້ອງ​ແກ້​ໄຂ 6 ສະ­ບັບ, ແຈ້ງ​ຕອບ 3 ສະ­ບັບ, ພວມ​ສືບ­ຕໍ່​ຕິດ­ຕາມ ພາກ­ສ່ວນ​ກ່ຽວ­ຂ້ອງ​ແກ້​ໄຂ 2 ສະ­ບັບ ແລະ​ຊັດ​ມ້ຽນ 1 ສະ­ບັບ.

ສຳ­ລັບ​ທິດ​ທາງ​ແຜນ­ການ​ປີ 2016 ຈະ​ສືບ­ຕໍ່​ຊຸກ­ຍູ້​ໃຫ້​ບັນ­ດາ​ຄະ­ນະ​ກວດ­ກາ ເມືອງ ແລະ​ພະ­ແນກ­ການ​ອ້ອມ​ຂ້າງ​ແຂວງ ສ້າງ­ຕັ້ງ​ອົງ­ການ​ກວດ­ກາ​ລັດ​ຂັ້ນ​ຂອງ ຕົນ, ເອົາ­ໃຈ­ໃສ່​ເຜີຍ­ແຜ່​ກົດ­ໝາຍ​ວ່າ​ດ້ວຍ ການ​ຕ້ານ​ການ​ສໍ້​ລາດ​ບັງ​ຫຼວງ, ສືບ­ຕໍ່​ດຳ ເນີນ​ການ​ຮັບ​ແຈ້ງ​ຊັບ​ສິນ ແລະ​ຄຸ້ມ​ຄອງ ເອ­ກະ­ສານ​ແຈ້ງ​ຊັບ​ສິນ​ຂອງ​ພະ­ນັກ­ງານ, ດຳ­ເນີນ​ການ​ສືບ­ສວນ-ສອບ​ສວນ​ບຸກ­ຄົນ ທີ່​ມີ​ພຶດ­ຕິ​ກຳ​ສໍ້​ລາດ​ບັງ​ຫຼວງ​ເພື່ອ​ປະ­ກອບ ສຳ­ນວນ​ຄະ­ດີ​ໃຫ້​ອົງ­ການ​ໄອ​ຍາ​ການ ສານ​ປະ­ຊາ­ຊົນ​ດຳ­ເນີນ​ຕາມ​ກົດ­ໝາຍຕ້ານ​ການ​ສໍ້​ລາດ​ບັງ​ຫຼວງ​ທີ່​ໄດ້​ກຳ­ນົດ​ໄວ້.

ໂອ­ກາດ​ນີ້​ຍັງ​ໄດ້​ຈັດ​ພິ­ທີ​ມອບ-ຮັບ ໜ້າ­ທີ່​ລະ­ຫວ່າງ​ສະ­ຫາຍ ຄຳ​ຜິວ ວົງ​ສະຫວັນ ປະ­ທານ​ກວດ­ກາ​ພັກ​ຜູ້​ເກົ່າ ແລະ ທ່ານ ຄຳ​ສອນ ເທບ​ວົງ​ຊຳ ປະ­ທານ​ກວດ ກາ​ພັກ​ຜູ້​ໃໝ່​ໂດຍ​ການ​ເຂົ້າ​ຮ່ວມ​ເປັນ​ສັກຂີ​ພິ­ຍານ​ຂອງ​ສະ­ຫາຍ ວັນ​ໄຊ ແພງ​ຊຸມ ມາ ກຳ­ມະ­ການ​ສູນ​ກາງ​ພັກ, ເລ­ຂາ​ຄະ­ນະບໍ­ລິ­ຫານ​ງານ​ພັກ​ແຂວງ, ເຈົ້າ­ແຂວງໆ ຫົວ­ພັນ, ມີ​ບັນ­ດາ​ສະ­ຫາຍ​ໃນ​ຄະ­ນະ​ປະ ຈຳ​ພັກ​ແຂວງ, ກຳ­ມະ­ການ​ພັກ​ແຂວງ, ເຈົ້າ­ເມືອງ, ຮອງ​ເຈົ້າ­ເມືອງ ແລະ​ຜູ້​ເຮັດວຽກ​ງານ​ກວດ­ກາ​ຂັ້ນ​ແຂວງ ແລະ​ຂັ້ນ ເມືອງ​ເຂົ້າ​ຮ່ວມ.

ທີ່ມາ: