spot_img
Homeຂ່າວທ້ອງຖິ່ນນາຍົກລັດຖະມົນຕີອອກຖະແຫລງການສຸກເສີນລະດັບຊາດເພື່ອຕອບໂຕ້ການລະບາດຂອງພະຍາດໂປລີໂອ

ນາຍົກລັດຖະມົນຕີອອກຖະແຫລງການສຸກເສີນລະດັບຊາດເພື່ອຕອບໂຕ້ການລະບາດຂອງພະຍາດໂປລີໂອ

Published on

ນາຍົກລັດຖະມົນຕີແຫ່ງ ສປປ ລາວ ໄດ້ອອກຖະແຫລງການສະພາວະສຸກເສີນດ້ານສາທາລະນະສຸກລະດັບຊາດກ່ຽວກັບການລະບາດຂອງພະຍາດໂປລີໂອ ແລະ ແຜນການຈັດຕັ້ງການປະຕິບັດການຢອດຢາເພື່ອຕອບໂຕ້ຕໍ່ການລະບາດຂອງພະຍາດດັ່ງກ່າວ, ພາຍຫລັງມີການຢັ້ງຢືນທາງດ້ານວິທະຍາສາດວ່າມີກໍລະນີພະຍາດລ່ອຍແຫລວກະທັນຫັນຍ້ອນພະຍາດໂປລີໂອ 5 ກໍລະນີ, ໃນນັ້ນ 2 ກໍລະນີແມ່ນເສຍຊີວິດແລ້ວ, ຈາກສະພາບດັ່ງກ່າວຈຶ່ງກໍານົດໃຫ້ການລະບາດຂອງພະຍາດດັ່ງກ່າວໃນເວລານີ້ເປັນສະຖານະການສຸກເສີນດ້ານສາທາລະນະສຸກລະດັບຊາດ.
ຖະແຫລງການດັ່ງກ່າວລະບຸວ່າ: ໃຫ້ທຸກຂະແໜງການ, ພາກສ່ວນລັດ ແລະ ເອກະຊົນລວມທັງປະຊາຊົນບັນດາເຜົ່າໃນທົ່ວປະເທດ ຈົ່ງສຸມທຸກກໍາລັງຈັດຕັ້ງປະຕິບັດວັນຢອດຢາກັນພະຍາດໂປລີໂອໃຫ້ສໍາເລັດຜົນ, ນອກຈາກນີ້ໃຫ້ສຸມທຸກກໍາລັງໂດຍອີງໃສ່ຄໍາສັ່ງແນະນໍາຂອງນາຍົກລັດຖະມົນຕີ, ພ້ອມກັນນັ້ນກໍໃຫ້ຈັດຕັ້ງປະຕິບັດຫລັກການຕອບໂຕ້ຕາມລະບຽບການສາທາລະນະສຸກສາກົນໃນການຕອບໂຕ້ຕໍ່ການລະບາດຂອງພະຍາດດັ່ງກ່າວ, ຄຽງຄູ່ກັນນັ້ນກໍຊຸກຍູ້ໃຫ້ປະຊາຊົນທຸກຄົນຜູ້ທີ່ມີແຜນຈະ​ເດີນທາງໄປຕ່າງປະເທດໃນລະຫວ່າງປີ 2016 ຄວນໄດ້ຮັບການຢອດວັກແຊັງໂປລີໂອ ແລະ ມີໃບຢັ້ງຢືນຈາກແພດກ່ອນຈະອອກເດີນທາງ 1 ເດືອນ, ຊຸກຍູ້ໃຫ້ຊາວຕ່າງດ້າວທຸກຄົນທີ່ຈະເດີນທາງເຂົ້າມາເຮັດວຽກຫລືຈຸດປະສົງໃດກໍຕາມໃນ ສປປ ລາວ ​ໃນ​ໄລຍະ​ເວລາຫລາຍກວ່າ 1 ເດືອນຄວນໄດ້ຮັບການຢອດຢາໂປລີໂອໃຫ້ຄົບກ່ອນເດີນທາງເພື່ອສະກັດກັ້ນການແຜ່ລາມຂອງການລະບາດພະຍາດໂປລີໂອ ແລະ ເຮັດໃຫ້ຂະບວນຢອດຢາ ແລະ ສັກວັກແຊງກັນພະຍາດທີ່ຈະມີຂຶ້ນທັງໝົດ 3 ຮອບໃນທຸກບ້ານທົ່ວປະເທດໃຫ້ບັນລຸຕາມຈຸດປະສົງແລະລະດັບຄາດໝາຍ 100%.

ທີ່ມາ http://laophatthananews.blogspot.com

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...