spot_img
Homeຂ່າວເຫດການພັກກອມມູນິດຫວຽດນາມ ອວຍພອນຜົນສຳເລັດ ກອງປະຊຸມໃຫຍ່ ຄັ້ງທີ X ຂອງພັກ!

ພັກກອມມູນິດຫວຽດນາມ ອວຍພອນຜົນສຳເລັດ ກອງປະຊຸມໃຫຍ່ ຄັ້ງທີ X ຂອງພັກ!

Published on

ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ຄະນະ​ບໍ​ລິຫານ​ງານ​ສູນ​ກາງ​ພັກ ​ປປ ລາວ ໄດ້​ຮັບ​ການ​ເຂົ້າ​ຢ້ຽມ​ຄຳນັບ​ຂອງສະຫາຍ ຮວ່າງ ບິງ​ກວັນ ກຳ​ມະການ​ສູນ​ກາງ​ພັກ ຫົວໜ້າ​ຄະນະພົວພັນ​ຕ່າງປະເທດ​ສູນ​ກາງ​ພັກ ກອມ​ມູ​ນິດ​ຫວຽດນາມ ໃນ​ນາມຜູ້ຕາງໜ້າ​ພິເສດ​ຂອງ​ສະຫາຍເລຂາທິການ​ໃຫຍ່​ພັກ​ກອມ​ມູ​ນິດຫວຽດນາມ ​ພ້ອມ​ດ້ວຍ​ຄະນະ ​ໃນອາທິດ​ຜ່ານ​ມາ ທີ່​ສູນ​ປະຊຸມ​ແຫ່ງຊາດ ທີ່​ເດີນທາງ​ມາ​ຢ້ຽມຢາມ ແລະ ຊົມເຊີຍ​ຜົນສຳເລັດ​ກອງປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ X ຂອງ​ພັກ​ປະຊາຊົນປະຕິວັດ​ລາວ.

ໃນ​ໂອກາດ​ນີ້ ສະຫາຍ​ເລຂາທິ​ການ​ໃຫຍ່ ບຸນ​ຍັງ ວໍລະ​ຈິດ ໄດ້ຕີ​ລາຄາ​ສູງ ແລະ ສະແດງຄວາມ​ຂອບ​ອົກ​ຂອບໃຈ​ຢ່າງ​ຈິງໃຈ​ຕໍ່​ພັກ​ກອມ​ມູ​ນິດຫວຽດນາມ ທີ່​ໄດ້​ແຕ່ງຕັ້ງຄະນະ​ມາ​ຊົມເຊີຍຜົນ​ກອງ​ປະຊຸມ​ໃຫຍ່ ​ຄັ້ງ​ທີ X ຂອງພັກ ​ປປ ລາວ ໃນ​ຄັ້ງ​ນີ້ ເຊິ່ງ​ເປັນການ​ໃຫ້​ກຳລັງ​ໃຈ​ອັນ​ແຮງ​ກ້າແກ່​ພັກ-ລັດຖະບານ ແລະ ປະຊາຊົນ​ລາວ​ບັນດາເຜົ່າ ເປັນ​ການ​ສະແດງ​ໃຫ້​ເຫັນ​ເຖິງ​ມິດ​ຈິດ​ມິດ​ໃຈຢ່າງ​ແທ້​ຈິງ​ ແຫ່ງ​ສາຍ​ພົວພັນມິດຕະພາບ​ທີ່​ຍິ່ງ​ໃຫຍ່ ຄວາມ​ສາມັກ​ຄີ​ພິເສດ ການ​ຮ່ວມ​ມື​ຮອບດ້ານ ລາວ-ຫວຽດນາມ.

ສະຫາຍເລຂາທິການ​ໃຫຍ່ ໄດ້​ສະແດງ​ຄວາມ​ພາກພູມ​ໃຈເປັນ​ຢ່າງ​ຍິ່ງ​ທີ່​ເຫັນ​ວ່າ ສາຍ​ພົວພັນ​ມິດຕະພາບ​ອັນ​ເປັນ​ມູນເຊື້ອຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານລະຫວ່າງ ລາວ-ຫວຽດນາມ ໂດຍ​ແມ່ນການ​ນຳ​ຮຸ່ນ​ກ່ອນ​ຂອງ​ສອງ​ປະເທດຄື: ປະທານ ໂຮ່​ຈິ​ມິງ ປະທານ ໄກສອນ ພົມວິຫານ ແລະ ປະທານ ສຸ​ພານຸ​ວົງ ທີ່​ເຄົາລົບຮັກ​ເປັນ​ຜູ້​ກໍ່​ຕັ້ງ ແລະ ບັນດາ​ຮຸ່ນການ​ນຳ​ຂອງ​ສອງ​ພັກ ສອງ​ລັດ ໄດ້​ພ້ອມ​ກັນ​ເພີ່ມ​ພູນ​ຄູນ​ສ້າງ​ນັ້ນ ໄດ້​ກາຍເປັນ​ມໍລະດົກ​ອັນ​ລ້ຳ​ຄ່າຂອງ​ປະຊາຊົນ​ສອງ​ຊາດ ເປັນກົດເກນ​ແຫ່ງ​ການ​ຄົງ​ຕົວ ແລະ ຂະຫຍາຍຕົວ​ຂອງ​ແຕ່​ລະ​ປະເທດ ປະກອບສ່ວນ​ຢ່າງ​ຕັ້ງໜ້າ ​ເຂົ້າ​ໃນພາລະກິດ​ແຫ່ງ​ສັນຕິພາບ ການຮ່ວມ​ມື ແລະ ພັດທະນາ​ຢູ່​ໃນພາກ​ພື້ນ ແລະ ໃນ​ໂລກ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...