ສຳນັກຂ່າວຕ່າງປະເທດ ລາຍງານໃນວັນທີ 25 ມັງກອນນີ້ວ່າ ຈາກຄື້ນຄວາມເຢັນພັດຜ່ານປະເທດເກົາຫລີໃຕ້ ໄດ້ເຮັດໃຫ້ເກີດອາກາດໜາວເຢັນ ຢູ່ນະຄອນຫລວງເຊອູນ ຢ່າງກະທັນຫັນ ເຮັດໃຫ້ສຳນັກອຸຕຸນິຍົມວິທະຍາ ຂອງປະເທດເກົາຫລີໃຕ້ ໄດ້ອອກມາປະກາດເຕືອນໄພອາກາດໜາວ ຢູ່ເມືອງຫລວງຂອງປະເທດ ຊຶ່ງນັບເປັນເທື່ອຄຳອິດ ໃນຮອບ 5 ປີຜ່ານມາ.

ທັງນີ້ ອິດທິພົນຂອງຄື້ນຄວາມເຢັນດັ່ງກ່າວ ຈະເຮັດໃຫ້ອຸນຫະພູມໃນນະຄອນຫລວງເຊອູນ ຕິດລົບເຖິງ -16 ອົງສາ ໂດຍສະເພາະແຕ່ໃນວັນທີ 24 ມັງກອນຜ່ານມານີ້ ວັດແທກອຸນຫະພູມໄດ້ເຖິງ -18 ອົງສາ ຊຶ່ງສຳນັກງານອຸຕຸນິຍົມວິທະຍາ ຂອງເກົາຫລີໄດ້ໄດ້ຄາດກະວ່າ ອຸນຫະພູມຈະສືບຕໍ່ໜາວເຢັນ ແລະ ຈະຢູ່ໃນລະດັບ -15 ອົງສາ ໃນອີກ 2-3 ມື້ຂ້າງໜ້ານີ້.