spot_img
Homeຂ່າວເຫດການແຂກກອງປະຊຸມໃຫຍ່ ຄັ້ງທີ X ຢ້ຽມຢາມສູນຄວບຄຸມ ດາວທຽມລາວ-ເຂດເສດຖະກິດສະເພາະ

ແຂກກອງປະຊຸມໃຫຍ່ ຄັ້ງທີ X ຢ້ຽມຢາມສູນຄວບຄຸມ ດາວທຽມລາວ-ເຂດເສດຖະກິດສະເພາະ

Published on

ບັນດາ​ແຂກ​ຖືກ​ເຊີນ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ X ຂອງ​ພັກ​ປະຊາຊົນປະຕິວັດລາວ ເກືອບ 200 ສະຫາຍ ໄດ້​ໄປຢ້ຽມຢາມ​ສູນ​ຄວບ​ຄຸມ​ດາວ​ທຽມລາວ (ລາວ​ແຊັດ-1) ເມືອງ​ຫາດຊາຍ​ຟອງ ແລະ ເຂດ​ເສດຖະກິດສະເພາະ ບຶງ​ທາດຫຼວງ ເມືອງໄຊ​ເຊດ​ຖາ ນະຄອນຫຼວງ​ວຽງ​ຈັນ ໃນ​ວັນ​ທີ 21 ມັງກອນ 2016 ເຊິ່ງ 2 ໂຄງການ​ດັ່ງກ່າວ ເປັນ​ໝາກຜົນ​ອັນ​ໃຫຍ່​ຫຼວງ​ຂອງ​ການ​ຊີ້​ນຳ-ນຳພາ​ຂອງ​ພັກ​ປະຊາຊົນ​ປະຕິວັດລາວ ຕະຫຼອດ​ໄລຍະ 40 ປີ​ຜ່ານມາ.

ໂຄງການ​ດາວ​ທຽມ​ລາວ (ລາວ​ແຊັດ-1) ມີ​ບົດບາດ​ໃນການ​ພັດທະນາ​ເສດຖະກິດ-ສັງຄົມ ແລະ ອຸດສາຫະກຳ ເຕັກ​ໂນໂລ​ຊີ ໃຫ້​ເຕີບ​ໃຫຍ່​ຢູ່ ​ສປປ ລາວ ລາວ​ແຊັດ-1 ປະກອບ​ມີ 22 ຊ່ອງ​ສັນຍານ ໃນ​ນີ້​ມີ​ຄື້ນ​ຮັບ​ໃຊ້ໂທລະ​ຄົມມະນາຄົມ 14 ຊ່ອງ ຮັບ​ໃຊ້​ການ​ກະຈາຍ​ໂທລະພາບ 8 ຊ່ອງ ເຊິ່ງ​ປະຈຳ​ຢູ່​ຕຳແໜ່ງ​ວົງໂຄຈອນ 218,5 ອົງສາ​ຕາເວັນອອກ ມີ​ພື້ນ​ທີ່​ຄວບ​ຄຸມ ​ສປປ ລາວ ແລະ 15 ປະເທດ​ອ້ອມ​ຂ້າງ ມີ​ອາຍຸ​ການ​ໃຊ້​ງານ 15 ປີ ປັດ​ຈຸບັນ ໄດ້​ມີ​ການ​ປັບປຸງ​ໂຄງ​ລ່າງການ​ສື່ສານ​ໂທລະ​ຄົມມະນາຄົມ ໃຫ້​ທັນ​ສະໄໝ​ໃນ​ການ​ກະຈາຍຄື້ນ​ວິທະຍຸ ໂທລະພາບ​ທົ່ວ​ປະເທດ ການ​ບໍລິການ​ໂທລະ​ຄົມ​ມະນາ​ຄົມ ແລະ ການ​ສື່ສານ​ຂໍ້​ມູນລະຫວ່າງ ​ສປປ ລາວ ກັບ​ປະເທດ​ອ້ອມ​ຂ້າງ.

ສ່ວນ​ເຂດ​ເສດຖະກິດ​ສະເພາະ ບຶງ​ທາດຫຼວງ ໄດ້​ມີ​ການພັດທະນາ​ດ້ານ​ພື້ນຖານ​ໂຄງ​ລ່າງ ຕຶກ​ອາຄານ​ຕ່າງໆ​ແບບ​ຄົບ​ວົງຈອນ ​ສຳເລັດ​ເປັນ​ສ່ວນ​ໃຫຍ່ ປັດຈຸ​ບັນ ສາມາດ​ດຶງ​ດູດ​ການ​ລົງທຶນຈາກ​ຕ່າງປະເທດ​ຫຼາຍ​ກວ່າ 76 ລ້ານ​ໂດ​ລາ​ສະຫະລັດ ນັກ​ລົງທຶນພາຍ​ໃນ ແລະ ຕ່າງປະເທດ​ສາມາດ​ຈັບຈອງ​ເພື່ອ​ດຳເນີນ​ທຸລະກິດ ປັດຈຸບັນ ​ສປປ ລາວ ມີ​ເຂດເສດຖະກິດ​ພິເສດ ແລະ ເຂດ​ເສດຖະ​ກິດ​ສະເພາະ 13 ແຫ່ງ ມີ​ເນື້ອທີ່​ທີ່​ເປັນ​ຊັບພະຍາກອນ​ທຳ​ມະຊາດ ປະມານ 22.000 ເຮັກຕາ ເຊິ່ງ​ໄດ້​ມີ​ການ​ສ້າງ​ພື້ນຖານ​ໂຄງລ່າງ​ຢ່າງ​ມີ​ຈຸດ​ສຸມ ແລະ ສາມາດ​ຮອງ​ຮັບ​ການ​ລົງທຶນ​ທັງພາຍ​ໃນ ແລະ ຕ່າງປະເທດ​ໄດ້ຫຼາຍ​ກວ່າ 500 ບໍລິສັດ-ຫ້າງຮ້ານ ແລະ ສາມາດ​ສ້າງ​ວຽກເຮັດ​ງານ​ທຳໄດ້​ຫຼາຍ​ກວ່າ 22.000 ຕຳແໜ່ງ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...