spot_img
Homeຂ່າວຕ່າງປະເທດໄຂ້ຫວັດ​ໝູລະບາດ ຢູ່ຣັດ​ເຊຍ​ເສຍ​ຊີວິດ 17 ຄົນ

ໄຂ້ຫວັດ​ໝູລະບາດ ຢູ່ຣັດ​ເຊຍ​ເສຍ​ຊີວິດ 17 ຄົນ

Published on

     ຜູ້​ເສຍ​ຊີວິດ​ຈາກ​ພະຍາດ​ໄຂ້ຫວັດ​ໝູ (H1N1)​ ຢູ່ຣັດ​ເຊຍ​ເພີ່ມ​ຂຶ້ນ​ເປັນ 17 ຄົນ​ແລ້ວ ​ໃນ​ຂະນະ​ນີ້​ພະຍາດ​ຊະນິດ​ນີ້​ເລີ່​ມກັບ​ມາ​ປະກົດ​ໃຫ້​ເຫັນ​ໃນ​ຫຼາຍ​ປະ​ເທດ​ອີກ​ເທື່ອ​ໜຶ່ງ.

    ສຳນັກ​ຂ່າວ ​ເອ​ເອຟພີລາ​ຍງານ​ວ່າ ມີຜູ້​ເສຍ​ຊີວິດ​ຈາກ​ພະຍາດ​ໄຂ້ຫວັດ​ໝູ (H1N1) ຢູ່ຣັດ​ເຊຍ​ແລ້ວ 17 ຄົນ ນັບ​ຕັ້ງ​ແຕ່​ເດືອນ​ທັນວາ​ປີ 2015 ທີ່​ຜ່ານ​ມາ ​ຂະນະ​ທີ່​ພະຍາດ​ນີ້​ເລີ່ມຂະຫຍາຍ​ພື້ນ​ທີ່​ແພ່​ລະບາດ​ໃນຣັດ​ເຊຍ ​ແລະ ​ເລີ່ມກັບ​ມາ​ປະກົດ​ໃຫ້​ເຫັນ​ໃນ​ຫຼາຍ​ປະ​ເທດ​ໃນ​ໄລຍະ​ຫຼາຍ​ເດືອນ​ທີ່​ຜ່ານ​ມາ, ທ່ານ ນາງ ມາຣີ ຄິຕາຣິວິ​ລີ ​ໂຄສົກ​ສຳນັກງານ​ສາທາລະນະ​ສຸກ​ນະຄອນ​ເຊ​ນປີ​ເຕີ​ສະເບີກ​ເປີດ​ເຜີຍ​​ໃນ​ວັນ​ທີ 19 ມັງກອນ​ທີ່​ຜ່ານ​ມາ​ວ່າ ພົ​ບຜູ້​ເສຍ​ຊີວິດ​ຈາກ​ພະຍາດH1N1 ​ໃນ​ເມືອງ​ແຫ່ງ​ນີ້​ແລ້ວ 5 ຄົນ ​ແລະ ​​ໃນ​ໄລ​ຍະ​ເວລາ 10 ມື້​ທີ່​ຜ່ານ​ມາ ມີ​ຄົນ​ເຈັບຈາ​ກພະ​ຍາດດັ່ງ ກ່າວ​ເຖິງ 313 ຄົນ. ຂະນະ​ທີ່​ພາກ​ໃຕ້​ຂອງຣັດ​ເຊຍ​ພົບ​ຜູ້​ເສຍ​ຊີວິດ​ຈາກ​ໄຂ້ຫວັດ​ໝູ 4 ຄົນ ​ແລະ ພົບ​ຄົນ​ເຈັບ 120 ຄົນ, ທັງ​ນີ້​ໃນ​ອາທິດ​ທີ່​ຜ່ານ​ມາ​ມີ​ລາຍ​ງານ​ວ່າ​ພົບ​ຜູ້​ໃຫຍ່ 4 ຄົນ ​ແລະ ​ເດັກນ້ອຍອີກ 1 ຄົນ​ເສຍ​ຊີວິດຍ້ອນ H1N1 ​ແລະ ພົບ​ເດັກນ້ອຍ​ເກີດ​ໃໝ່​ເສຍ​ຊີວິດ​ຍ້ອນ H1N1 ອີກ 2 ຄົນ​ໃນ​ເມືອງ​ເຢດາ​ຕຽນ​ບຸກທາງ​ພາກ​ຕາ​ເວັນ​ຕົກ​ຂອງຣັດ​ເຊຍ ນອກຈາກນີ້​ໃນ​ເດືອນ​ທັນວາ​ພົບ​ຜູ້​ເສຍ​ຊີວິດ 1 ຄົນ​ທາງ​ພາກ​ເໜືອ​ຂອງ​ປະ​ເທດ.

ນອກຈາກ H1N1 ລະບາດ​ຢູ່​ໃນຣັດ​ເຊຍ​ແລ້ວ ຍັງ​ມີ​ການ​ລາຍ​ງານ​ການ​ພົບ​ຜູ້​ເສຍ​ຊີວິດ​ຈາກ​ໄຂ້ຫວັດ​ໝູ​ໃນ​ຫຼາຍປະ​ເທດ​ເຊັ່ນ: ອາກ​ເມ​ນີພົບ​ຜູ້​ເສຍ​ຊີວິດ 3 ຄົນ​ນັບ​ຕັ້ງ​ແຕ່​ຕົ້ນ​ປີ​ນີ້​, ສ່ວນ​ອີຣານ​ເສຍ​ຊີວິດ​ແລ້ວ 112 ຄົນ ​ແລະ ມີ​ຄົນ​ເຈັບ​ຫຼາຍ​ກວ່າ 1 ພັນ​ຄົນ ນັບ​ຕັ້ງ​ແຕ່​ໄລຍະ​ກາງ​ເດືອນ​ພະຈິກ​ປີ​ກ່ອນ.

ທີ່ມາ:logo

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...