ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ພະນະ​ທ່ານ ​ດຣ. ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ ລັດຖະມົນຕີ​ວ່າການ​ກະຊວງ​ການ​ຕ່າງປະເທດ​ແຫ່ງ ​ສປປ ລາວ ພະນະ​ທ່ານ ເມີ​ເຣ ແມັກ​ຄຼູ​ລີ (The Honorable Murray mcCully) ລັດຖະມົນຕີ​ວ່າການ​ກະຊວງ​ການ​ຕ່າງປະເທດ​ແຫ່ງ ນູ​ແວນ ເຊ​ລັງ ພ້ອມ​ດ້ວຍ​ຄະນະ ຈະ​ເດີນທາງ​ມາ​ຢ້ຽມຢາມ ​ສປປ ລາວ ຢ່າງ​ເປັນ​ທາງ​ການ ໃນ​ວັນ​ທີ 25 ມີນາ 2014.

ທ່ານ ເມີ​ເຣ ແມັກ​ຄຼູ​ລີ (Hon Murray McCully) ລັດຖະມົນຕີ​ວ່າການ​ກະຊວງ​ການ​ຕ່າງປະເທດ ນູ​ແວນ ເຊ​ລັງ.

ສະຖານທີ່​ເກີດ: ເກີດ​ທີ່​ເມືອງ Whangarei ໃນ​ປີ 1953 ດ້ານ​ການ​ສຶກ​ສາ ທ່ານ​ໄດ້​ຮັບ​ປະລິນຍາ​ຕີ​ດ້ານ​ກົດໝາຍ ແລະ ມີ​ຄຸນ​ວຸດ​ທິ​ເປັນ​ທະນາຍຄວາມ ແລະ ເປັນ​ຜູ້​ຊີ້​ນຳ​ດ້ານ​ທະນາຍຄວາມ.

ປະສົບ​ການ​ດ້ານ​ວຽກ​ງານ: ປີ 1987 ໄດ້​ຮັບ​ການ​ເລືອກ​ຕັ້ງ​ຢູ່​ໃນ​ລັດ​ຖະ​ສະພາ ທ່ານ​ໄດ້​ເປັນ​ອຳນວຍ​ການ​ຂອງ​ບໍລິສັດ ການ​ພົວພັນ​ສາທາລະນະ ກ່ອນ​ທີ່​ທ່ານ​ຈະ​ເຂົ້າ​ຢູ່​ໃນ​ລັດ​ຖະ​ສະພາ ເດືອນ​ຕຸລາ ປີ 1991 ໄດ້​ຖືກ​ແຕ່ງຕັ້ງ​ເປັນ​ລັດຖະມົນຕີ​ວ່າການ ເຊິ່ງ​ຮັບຜິດຊອບ​ວຽກ​ງານ​ດ້ານ​ພາສີ ທີ່​ພັກ​ອາໄສ​ການທ່ອງທ່ຽວ ອົງການ​ປະກັນ​ໄພ ກີລາ ແລະ ອື່ນໆ (ຮັບຜິດຊອບ​ໜ້າທີ່​ການ​ແຂ່ງຂັນ America’s Cup ແລະ ກິດຈະກຳ​ສະຫັດ​ສະ​ວັດ).

ປີ 2008 ໄດ້​ຖືກ​ແຕ່ງຕັ້ງ​ເປັນ​ລັດຖະມົນຕີ​ວ່າການ​ກະຊວງ​ການ​ຕ່າງປະເທດ

http://www.vientianemai.net/teen/khao/1/11398