spot_img
Homeຂ່າວພາຍ​ໃນລາວຈະມີສວນສະໜຸກ ດິສນີ ແຫ່ງທຳອິດໃນອາຊ່ຽນ

ລາວຈະມີສວນສະໜຸກ ດິສນີ ແຫ່ງທຳອິດໃນອາຊ່ຽນ

Published on

ນັກທຸລະກິດຕ່າງຊາດຈົກເງິນ 5 ຕື້ໂດລາສ້າງສວນສະໜຸກດີສນີຢູ່ລາວເປັນແຫ່ງທໍາອິດໃນ 10 ສະມາຊິກອາຊຽນ
12439334_463648923838893_8951313405335670208_n
ຂປລ. ສປປ ລາວຈະສ່ວນສະໜຸກ ຫລື ເປັນພາສາອັງກິດເອີ້ນວ່າ: Disney Laos ໃຫຍ່ຕິດອັນດັບຕົ້ນຂອງໂລກໃນອະນາຄົດ ເມື່ອນັກລົງທຶນຕ່າງປະເທດປະກາດຈະລົງທຶນສ້າງສວນສະໜຸກດັ່ງກ່າວຢູ່ເຂດເສດຖະກິດພິເສດແຂວງຄໍາມ່ວນ ເຊິ່ງໃກ້ກັບຊາຍແດນລາວ-ໄທ ຂະນະທີ່ 10 ປະເທດສະມາຊິກອາຊຽນໃນປັດຈຸບັນຍັງບໍ່ມີສວນສະໜຸກ Disney ເລີຍ.
ຫລ້າສຸດອໍານາດການປົກຄອງທ້ອງຖິ່ນແຂວງຄໍາມ່ວນໄດ້ເປີດເຜີຍໃນວັນທີ 8 ມັງກອນ 2016 ນີ້ວ່າ: ແຂວງຄໍາມ່ວນຈະພວມລົງບຸກເບີກເນື້ອທີ່ກໍ່ສ້າງສ່ວນສະໜຸກ ຫລື ເປັນພາສາອັງກິດເອີ້ນວ່າ: Disney Laos ເຊິ່ງເປັນໂຄງຂະໜາດໃຫຍ່ທີ່ສຸດດ້ວຍມູນຄ່າການລົງທຶນເຖິງ 5 ຕື້ໂດລາສະຫະລັດດໂດຍຮ່ວມຫຸ້ນລະຫວ່າງບໍລິສັດ Akane Farm Sole Company ເຊິ່ງບໍລິສັດພັດທະນາອະສັງຫາລິມະຊັບຂອງປະເທດເມເຊຍ, ນັກລົງທຶນໄທເຂົ້າຮ່ວມຖືຫຸ້ນ 20% ແລະ ລາວ, ຄາດວ່າໂຄງການດັ່ງກ່າວຈະໃຊ້ເວລາກໍ່ສ້າງ 7-10 ປີ ແລະ ສໍາປະທານທີ່ດິນ 75 ປີຈາກລັດຖະບານລາວ.
ສະນັ້ນ ພວກເຮົາມາເບິ່ງວ່າສວນສະໜຸກດີສນີລາວ ຫລື Disney Laos ມີທີ່ມາທີ່ໄປແນວໃດ? ສວນສະໜຸກທີ່ຂຶ້ນຊື່ວ່ານີສນີນັ້ນຫລາຍທ່ານອາດຮູ້ ແລະ ເຂົ້າໃຈແມ່ນປະກອບດ້ວນສູນກາງການຄ້າ, ເສດຖະກິດການເງິນ, ບ່ອນທ່ອງທ່ຽວ, ໂຮງແຮມລະດັບ 5 ດາວ, ສະຖານບັນເທີງ, ບ່ອນພັກຜ່ອນຢ່ອນອາລົມ, ບ່ອນເຕົ້າໂຮມສິລະປະວັດທະນະທໍາ ແລະ ຄວາມຫລາກຫລາຍຂອງສິ່ງທັນສະໄໝທີ່ສຸດໃນໂລກກໍວ່າໄດ້ຈະເກີດຂຶ້ນຢູ່ທີ່ນີ້ ແຕ່ຖ້າເບິ່ງຈາກອະດີດເຖິງປັດຈຸບັນສວນສະໜຸກໃນ 10 ປະເທດສະມາຊິກອາຊຽນຍັງບໍ່ມີເລີຍ ແຕ່ເຂດພິເສດຮົງກົງ ແລະ ປະເທດຍີ່ປຸ່ນໄດ້ເປີດໃຫ້ບໍລິການມາຫລາຍປີແລ້ວ ສະນັ້ນນັກທ່ອງທ່ຽວສ່ວນໃຫຍ່ຈາກປະເທດສະມາຊິກອາຊຽນພາກັນແຫ່ໄປທ່ອງທ່ຽວຢູ່ຮົງກົງ ແລະ ຍີ່ປຸ່ນມີຈໍານວນເພີ່ມຂຶ້ນຢ່າງຕໍ່ເນື່ອງ.
ນັກທຸລະກິດລາວລາຍໜຶ່ງເປີດເຜີຍວ່າ: ຖ້າສວນສະໜຸກນິສນີສໍາເລັດໃນອະນາຄົດ ພວກເຮົາຈະດຶງດູດເອົານັກທ່ອງທ່ຽວຈາກ 10 ປະເທດສະມາຊິກອາຊຽນເຂົ້າມາ ສປປ ລາວຢ່າງຫລວງຫລາຍ ເວລານັ້ນວິຖີຊີວິດຂອງຄົນລາວຈະປ່ຽນແປງໄປຕາມຈັງຫວະຄວບຄູ່ກັບການຂະຫຍາຍຕົວເສດຖະກິດ ແຕ່ໂຄງການກໍ່ສ້າງສວນສະໜຸກນິສນີແຫ່ງດັ່ງກ່າວນີ້ມີມູນຄ່າເທົ່າກັບໂຄງການກໍ່ສ້າງເສັ້ນທາງລົດໄຟມູນຄ່າ 5 ຕື້ໂດລາຢູ່ແຂວງສະຫວັນນະເຂດໄປເຊື່ອມຈອດໃສ່ຫວຽດນາມ ແລະ ໄທ. ສະນັ້ນຈຶ່ງມີຄໍາຖາມວ່າເປັນຫຍັງນັກລົງທຶນບໍ່ເລືອກເອົາບາງປະເທດໃນອາຊຽນ ແຕ່ມາເລື່ອກເອົາລາວ ອັນນີ້ກໍຍ້ອນວ່າ ສປປ ລາວມີຄວາມສະຫງົບປອດໄພ ແລະ ມີສະຖຽນລະພາບດ້ານເມືອງ, ນະໂຍບາຍຫລາຍສີຫລາຍສັນຕໍ່ນັກລົງທຶນ, ບໍ່ຊ້າຍຈັດຂວາຈັດເກີນໄປ, ຄ່າເຊົ່າສໍາປະທານກໍບໍ່ແພງ, ຄ່າແຮງງານກໍສົມເຫດສົມຜົນ, ຊັບພະຍາກອນທໍາມະຊາດກໍມີຫລາຍ, ຄົນລາວມີນິໃສກວ້າງຂວາງ ແລະ ບໍ່ມັກຄວາມຮຸນແຮງ ແລະ ອື່ນໆ. ປົກກະຕິແລ້ວສ່ວນດີສນີແມ່ນມີຢູ່ໃນປະເທດອາເມລິກາ, ເອີຣົບ ຕໍ່ມາໄດ້ມາສ້າງຢູ່ຍີ່ປຸ່ນ ແລະ ຮົງກົງ.

12495033_463648927172226_5468852478980427138_n

ຂ່າວໂດຍ: ຮັກຊາດ
ຂປລ

ບົດຄວາມຫຼ້າສຸດ

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...