Homeຂ່າວການພັດທະນາອົງການກາແດງລາວລະບຸ ປີ 2015 ຜ່ານມາ ມີຜູ້ບໍລິຈາກເລືອດຫຼາຍກວ່າ 2 ພັນເທື່ອຄົນ

ອົງການກາແດງລາວລະບຸ ປີ 2015 ຜ່ານມາ ມີຜູ້ບໍລິຈາກເລືອດຫຼາຍກວ່າ 2 ພັນເທື່ອຄົນ

Published on

732c64ff8d8a0168f8a25629e9f9a940

ໂດຍ​ປະຕິບັດ​ຕາມ​ພາລະ​ບົດບາດ​ຂອງ​ສູນ​ເລືອດ​ແຫ່ງ​ຊາດ ອົງການ​ກາແດງ​ລາວ ໃນ​ການປຸກລະດົມ​ຂົນຂວາຍ​ຜູ້​ບໍລິຈາກເລືອດ ເພື່ອ​ຊ່ວຍເຫຼືອ​ເພື່ອນ​ມະນຸດ​ດ້ວຍ​ກັນ ແລະ ການ​ສະໜອງເລືອດ​ໃຫ້​ແກ່​ຄົນ​ເຈັບ​ທີ່​ຕ້ອງການ​ເລືອດ ​ຢູ່​ຕາມ​ໂຮງໝໍ​ແຫ່ງຕ່າງໆ ​ໃນ​ປີ 2015 ຜ່ານ​ມາ.

ທ່ານ ແພງ​ທອງ ບານ​ຈັນທະວົງ ຮອງ​ຫົວໜ້າ​ສູນ​ເລືອດ​ແຫ່ງຊາດ ອົງການ​ກາແດງ​ລາວ ໄດ້ແຈ້ງ​ໃຫ້​ຊາບ​ວ່າ: ປີ 2015 ໄດ້ວາງ​ຄາດໝາຍ​ກ່ຽວ​ກັບ​ການ​ຮັບບໍລິຈາກ​ເລືອດ​ໃນ​ທົ່ວ​ສັງຄົມ ໃຫ້ໄດ້ 19.000 ຖົງ (ເທື່ອ​ຄົນ) ໃນນັ້ນ ແຂວງ​ວຽງ​ຈັນ ວາງ​ຄາດໝາຍ​ໃຫ້​ໄດ້ 2.000 ຖົງ (ເທື່ອຄົນ) ປະຕິບັດ​ໄດ້ 2.256 ຖົງ (ເທື່ອ​ຄົນ) ແຂວງ​ບໍ​ລິ​ຄຳ​ໄຊ 1.500 ຖົງ (ເທື່ອ​ຄົນ) ປະຕິບັດ​ໄດ້ 1.709 ຖົງ (ເທື່ອ​ຄົນ) ແລະ ຢູ່ສູນ​ເລືອດ​ແຫ່ງ​ຊາດ 15.600 ຖົງ (ເທື່ອ​ຄົນ) ປະຕິບັດ​ໄດ້ 15.238 ຖົງ ບວກ​ກັບ​ການ​ຮັບ​ບໍລິຈາກເລືອດ​ນອກ​ສະຖານທີ່ ແລະ ກິດຈະ​ກຳ​ໃນ​ວັນ​ສຳຄັນ​ຕ່າງໆ ເຮັດໃຫ້​ຕົວ​ເລກ​ຜູ້​ປະກອບສ່ວນ​ບໍ​ລິຈາກ​ເລືອດ​ລື່ນ​ຄາດໝາຍ​ເຖິງ 20.093 ຖົງ (ເທື່ອ​ຄົນ) ເຊິ່ງ​ທັງໝົດ​ນີ້ ກໍ່​ຍ້ອນ​ການ​ຮ່ວມ​ແຮງຮ່ວມ​ໃຈ​ຂອງ​ທຸກ​ພາກສ່ວນ​ໃນ​ສັງຄົມ ໄດ້​ໃຫ້​ຄວາມ​ສຳຄັນ ເອົາໃຈໃສ່​ຊຸກຍູ້​ເຮັດ​ໃຫ້​ວຽກ​ງານ​ດັ່ງກ່າວ ​ສາມາດ​ບັນລຸ​ໄດ້​ຕາມ​ລະດັບ​ຄາດໝາຍ ແລະ ຫວັງ​ວ່າ​ໃນປີ 2016 ຈະ​ພ້ອມ​ກັນ​ອອກແຮງສູ້​ຊົນ ​ຊຸກຍູ້​ຂະ​ບວນ​ການ​ ເຮັດ​ໃຫ້ສາມາດ​ບັນລຸ​ຕົວ​ເລກ​ໄດ້​ຢ່າງໜ້ອຍ 21.000 ຖົງ (ເທື່ອ​ຄົນ).

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...