spot_img
Homeຂ່າວຕ່າງປະເທດອອງຊານຊູຈີ ກ່າວສູນທອນພົດວັນຊາດ ຊີ້ການສ້າງສັນຕິພາບ ຄືວຽກສຳຄັນຂອງລັດຖະບານໃໝ່!

ອອງຊານຊູຈີ ກ່າວສູນທອນພົດວັນຊາດ ຊີ້ການສ້າງສັນຕິພາບ ຄືວຽກສຳຄັນຂອງລັດຖະບານໃໝ່!

Published on

Myanmar pro-democracy leader Aung San Suu Kyi gives a speech to mark 68th Myanmar Independence Day at National League for Democracy (NLD) party head office in Yangon January 4, 2016. REUTERS/Soe Zeya Tun
ພາບ: REUTERS/Soe Zeya Tun

ສຳນັກຂ່າວຕ່າງປະເທດລາຍງານວ່າ ໃນມື້ວານນີ້ (4 ມັງກອນ) ທ່ານ ນາງ ອອງຊານຊູຈີ ປະທານພັກສັນນິບາດຊາດ ເພື່ອປະຊາທິປະໄຕ ຫລື NLD ໄດ້ກ່າວສູນທອນພົດ ທີ່ສຳນັກງານໃຫຍ່ຂອງພັກ ຢູ່ນະຄອນຢາງກຸ້ງ ໃນໂອກາດສະເຫລີມສະຫລອງ ວັນຊາດມຽນມາ ຄົບຮອບ 68 ປີ ວ່າ ຂະບວນການສ້າງສັນຕິພາບຂອງປະເທດ ຈະເປັນສິ່ງສຳຄັນອັນດັບທຳອິດ ຂອງລັດຖະບານຊຸດໃໝ່ ທີ່ຈະເຂົ້າມາບໍລິຫານປະເທດ ໃນເດືອນມີນາປີນີ້ ຊຶ່ງພັກ NLD ໄດ້ຮັບໄຊຊະນະ ຈາກການເລືອກຕັ້ງ ເມື່ອເດືອນພະຈິກ 2015 ຜ່ານມາ.

ທ່ານ ນາງ ຊູຈີ ໄດ້ກ່າວວ່າ ” ຂະບວນການສ້າງສັນຕິພາບ ເປັນສິ່ງທຳອິດທີ່ລັດຖະບານຊຸດໃໝ່ ຈະຕ້ອງໄດ້ພະຍາຍາມ ເພື່ອຂໍ້ຕົກລົງຢຸດຍິງ ທີ່ທຸກຝ່າຍມີສ່ວນຮ່ວມ ” ແລະ ທ່ານຍັງໄດ້ກ່າວເສີມອີກວ່າ ” ເຮົາຈະບໍ່ສາມາດເຮັດຫຍັງໄດ້ ຫາກປະເທດໄຮ້ຊຶ່ງຄວາມສະຫງົບສຸກ ”

ທັງນີ້ ປະເທດມຽນມາ ໄດ້ພະຍາຍາມມາເປັນເວລາຫລາຍທົດສະວັດ ທີ່ຈະບັນລຸຂໍ້ຕົກລົງສັນຕິພາບຮ່ວມກັນ ລະຫວ່າງ ລັດຖະບານມຽນມາ ກັບກຸ່ມຕິດອາວຸດຊົນເຜົ່າຕ່າງໆ ທີ່ດຳເນີນການຕໍ່ສູ້ກັບລັດຖະບານ ເພື່ອຮຽກຮ້ອງສິດ ໃນການປົກຄອງຕົນເອງ ແລະ ສິດຖືກຍອມຮັບຈາກລັດຖະບານມຽນມາ.

ເຖິງແມ່ນວ່າລັດຖະບານມຽນມາ ໄດ້ລົງນາມຢຸດຍິງກັບ 8 ກຸ່ມມາແລ້ວ ໃນເດືອນຕຸລາ 2015 ຜ່ານມານີ້ກໍຕາມ, ແຕ່ກໍຍັງມີອີກ 7 ກຸ່ມຕິດອາວຸດ ທີ່ຍັງຄົງປະຕິເສດ ໃນການລົງນາມຂໍ້ຕົກລົງກັບລັດຖະບານ ແລະ ຍັງຄົງມີສະພາບ ການຕໍ່ສູ້ລະຫວ່າງກັນເກີດຂຶ້ນ ຢູ່ໃນພື້ນທີ່ພາກຕາເວັນອອກຂອງປະເທດ ເປັນແຕ່ລະໄລຍະ.

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...