ກະຊວງ​ກະສິກຳ ​ແລະ ປ່າ​ໄມ້​​ໃຫ້​ຮູ້​ວ່າ​: ປັດຈຸບັນ​ກະສິກອນ​ທ້ອງ​ຖີ່​ນຕ່າງໆ​ ບ່ອນ​ທີ່​ມີ​ເງື່ອນ​ໄຂ​ໄດ້​ເລີ່​ມກະກຽມ​ດິນ ​ແລະ ຕົກ​ກ້າ​ເພື່ອ​ກະກຽມ ​ໃຫ້​ແກ່​ການ​ຜະ​ລິດ​ເຂົ້ານາ​​ແຊງ​ປີ 2016 ​ໃຫ້​ໄດ້​ຕາມ​ຄາດໝາຍ​​ຕັ້ງ​​ໄວ້ 112.000 ​ເຮັກຕາ ຄາດ​ຄະ​ເນ​ຜົນ​ຜະລິດ​ໃຫ້​ໄດ້ຫຼາຍ​ກວ່າ 570 ພັນ​ໂຕນ,​ ດ້ວຍ​ສະມັດ​ຕະພາບ​ສະ​ເລ່ຍ 5 ​ໂຕນ / ​ເຮັກຕາ, ສຳລັບ​ການ​ປູກ​ພືດ​ລະດູ​​ແລ້ງ​ໃຫ້​ບັນລຸ 50 ພັນ​ເຮັກຕາ, ຊຶ່ງມາຮອດປັດຈຸບັນກະສິກອນບາງທ້ອງຖິ່ນໄດ້ລິເລີ່ມປູກໄດ້ແລ້ວ 2 ພັນກວ່າເຮັກຕາ, ເທົ່າ 9% ຂອງແຜນການ, ຂະນະທີ່ຂະແໜງກະສິກຳ ກໍໄດ້ລົງຊຸກຍູ້ໃຫ້ຊາວກະສິກອນ ນຳໃຊ້ເຕັກນິກການຜະລິດ ແບບກະເສດສຸມ ເພື່ອຍົກສະມາດຕະພາບ​ໃຫ້​ສູງ​ຂຶ້ນ, ພ້ອມທັງເລັ່ງ ປົວແປງລະບົບຊົມລະປະທານທີ່ຊຸດໂຊມຮັບປະກັນການສະໜອງນ້ຳ​ ໃຫ້ພຽງພໍໃນເນື່ອທີ່ການຜະລິດ ໂດຍສະເພາະແມ່ນຢູ່ 10 ແຂວງຈຸດສຸມຄື: ຫຼວງນ້ຳທາ, ບໍ່ແກ້ວ, ໄຊຍະບູລີ, ວຽງຈັນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ ແລະ ຈຳປາສັກ.

ແຫລ່ງຂ່າວ: