spot_img
Homeຂ່າວພາຍ​ໃນຊາວແຂວງຜົ້ງສາລີ ປູກຊາສົ່ງອອກ ຊີວິດການເປັນຢູ່ດີຂຶ້ນ ແຕ່ລາຄາຍັງຕົກຕ່ຳ ບໍ່ເໝາະສົມຕໍ່ແຮງງານ!

ຊາວແຂວງຜົ້ງສາລີ ປູກຊາສົ່ງອອກ ຊີວິດການເປັນຢູ່ດີຂຶ້ນ ແຕ່ລາຄາຍັງຕົກຕ່ຳ ບໍ່ເໝາະສົມຕໍ່ແຮງງານ!

Published on

Teepflückerin der Phunoy Ethnie pflückt Teeblätter in den Kronen alter Teebäume, Ban Komaen, Phongsali Provinz, Laos

ນັບວ່າ​​ເປັນຄວາມພາກພູມໃຈ ຂອງອຳນາດການປົກຄອງແຂວງຜົ້ງສາລີ ກໍຄືປະຊາຊົນບັນດາເຜົ່າ ທີ່ມີການພັດທະນາດ້ານຊີວິດການເປັນຢູ່ດີຂຶ້ນ ຫລັງພັກລັດ ໄດ້ເປີດກວ້າງ ໃຫ້ນັກລົງທຶນພາຍໃນ ແລະ ຕ່າງປະເທດເຂົ້າມາລົງທຶນ ໃສ່ວຽກງານການປູກການລ້ຽງເຊິ່ງພົ້ນ​​ເດັ່ນແມ່ນຂະບວນ ຊຸກຍູ້ການປູກຊາຂອງປະຊາຊົນພາຍໃນແຂວງທີ່ມີການຂະຫຍາຍ ຢ່າງກວ້າງຂວາງ ໂດຍທົ່ວແຂວງ ມີເນື້ອທີ່ປະມານ 20 ພັນກວ່າເຮັກຕາ.

ທ່ານ ສີແກ້ວ ສີປະຈັກ ສສຊເຂດເລືອກຕັ້ງທີ 2 ​ແຂວງຜົ້ງສາລີໄດ້ໃຫ້ສຳພາດຕໍ່ນັກຂ່າວ ໃນ​​ໂອກາດເຂົ້າຮ່ວມກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII ວ່າ: ການປູກຊາເພື່ອເປັນສິນຄ້າສົ່ງອອກໄປຕ່າງປະເທດ ຢູ່ແຂວງຜົ້ງສາລີ ໄດ້ເລີ່ມຕົ້ນປູກມາແຕ່ປີ 2000 ເປັນຕົ້ນມາ ໂດຍອຳນາດ ການປົກຄອງແຂວງ ໄດ້ເປີດກວ້າງ ໃຫ້ບັນດາບໍລິສັດ ຈາກສປຈີນ ຜູ້ທີ່ສົນໃຈມາລົງທຶນ ປູກຊາ ຢູ່ແຂວງຜົ້ງສາລີ ພ້ອມທັງໄດ້ຕອບສະໜອງແນວພັນ ເພື່ອສົ່ງເສີມປະຊາຊົນ ປູກຊາ, ເຊິ່ງມາຮອດດຽວນີ້ ເນື້ອທີ່ປູກຊາ ຂອງປະຊາຊົນມີປະມານ 20 ພັນກວ່າເຮັກຕາ, ເດັ່ນກວ່າໝູ່ ແລະ ປູກຫລາຍ ແມ່ນ ເມືອງຜົ້ງສາລີ. ນອກຈາກສະໜອງແນວພັນແລ້ວ ຍັງໄດ້ສ້າງ​​ໂຮງງານອົບຊາຕື່ມອີກ. ສິ່ງນີ້ກໍໄດ້ປະກອບສ່ວນສ້າງ ວຽກເຮັດງານທຳ ໃຫ້ແກ່ປະຊາຊົນ ໄດ້ມີລາຍຮັບເຂົ້າຄອບຄົວ ແລະ ມາຮອດປັດຈຸບັນນີ້ ປະຊາຊົນ ກໍມີຊີວິດການເປັນຢູ່ທີ່ດີຂຶ້ນ, ຄວາມທຸກຍາກ ກໍຄ່ອຍໆຫລຸດລົງ ໃນແຕ່ລະປີ. ນອກຈາກການປູກຊາແລ້ວ ປະຊາຊົນ ຍັງຖືເອົາການປູກ ຢາງພາລາ ແລະ ລ້ຽງສັດ ອື່ນໆຕື່ມອີກ.

Untitled-1 yatong 1
ທ່ານ ສີ​ແກ້ວ ສີ​ປະຈັກ ສສຊ ​ເຂດ​ເລືອກ​ຕັ້ງທີ 2 ​ແຂວງ​ຜົ້ງສາລີ

ທ່ານ ສີແກ້ວສີປະຈັກໃຫ້ຮູ້ຕື່ມວ່າ: ຈາກການເອົາໃຈໃສ່ຊຸກຍູ້ສົ່ງເສີມຂອງ ພັກລັດຖະບານ ກໍຄືອຳນາດການປົກຄອງແຂວງ ທຸກຂັ້ນຜ່ານມານີ້ ກໍເຮັດໃຫ້ ເສດຖະກິດ ຢູ່ແຂວງຕົນ ມີການຂະຫຍາຍຕົວຕໍ່ເນື່ອງ, ປະຊາຊົນມີການພັດທະນາດີຂຶ້ນ, ແຕ່ບັນຫາ ລາຄາຊາ ມີບາງໄລຍະກໍຍັງຕົກຕ່ຳ ເຊິ່ງໄດ້ກະທົບໂດຍກົງ ຕໍ່ລາຍຮັບ ຂອງປະຊາຊົນ ເພາະສ່ວນຫລາຍ ເຂົາເຈົ້າຖືເອົາອາຊີບປູກຊາເປັນຫລັກ. ສຳລັບທ້າຍລະດູການເກັບກ່ຽວຊາ ເມື່ອບໍ່ດົນມານີ້ ລາຄາແມ່ນ 3.000-3.500 ກີບ/ກິໂລ.​ ປະຊາຊົນໄດ້ສະເໜີວ່າ ລາຄາດັ່ງກ່າວແມ່ນຍັງຕໍ່າຢູ່ ບໍ່ເໝາະສົມຕໍ່ແຮງງານ. ດັ່ງນັ້ນ, ຢາກໃຫ້ພັກລັດ ກໍຄືພາກສ່ວນກ່ຽວຂ້ອງ ຊ່ວຍແກ້ໄຂ ບັນຫາລາຄາ ເພື່ອໃຫ້ຕ່າງຝ່າຍ ຕ່າງໄດ້ຮັບຜົນປະໂຫຍດ.

tea
ປະຊາຊົນກຳລັງເກັບຍອດຊາ ເທິງຕົ້ນຊາອາຍຸ 400 ກ່ວາປີ ຢູ່ແຂວງຜົ້ງສາລີ

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...