spot_img
Homeຂ່າວທ້ອງຖິ່ນແຂວງໄຊຍະບູລີ ເລີ່ມຂະບວນການ ສັກຢາກັນພະຍາດແຫ່ງຊາດ ເພື່ອຕອບໂຕ້ພະຍາດໂປລີໂອ!

ແຂວງໄຊຍະບູລີ ເລີ່ມຂະບວນການ ສັກຢາກັນພະຍາດແຫ່ງຊາດ ເພື່ອຕອບໂຕ້ພະຍາດໂປລີໂອ!

Published on

IMG_1639-650x433

ພິທີໄຂຂະບວນການສັກຢາກັນພະຍາດແຫ່ງຊາດ ເພື່ອຕອບໂຕ້ພະຍາດໂປລີໂອ ໄດ້ມີຂຶ້ນໃນຕອນເຊົ້າຂອງວັນທີ 21 ທັນວາ 2015 ທີ່ຜ່ານມາ ຢູ່ທີ່ເດີ່ນກີລາໃນຮົ່ມແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ ມີທ່ານນາງ ບຸນພັກ ອິນທະປັນຍາ ຮອງເຈົ້າແຂວງໆໄຊຍະບູລີ ມີບັນດາເຈົ້າເມືອງ ຮອງເຈົ້າເມືອງ  ຫົວໜ້າ-ຮອງຫົວໜ້າພະແນການອ້ອມຂ້າງແຂວງ ເມືອງ ພະນັກງານ ທະຫານ ຕຳຫຼວດ ແພດໝໍ ນັກຮຽນ ຜູ້ປົກຄອງ ແລະ ຫຼານນ້ອຍເຂົ້າຮ່ວມ 500 ກ່ວາຄົນ.

ໃນພິທີ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການອະນຸມັດພິທີໄຂຂະບວນການສັກຢາ ແລະ ຢອດຢາ ໂດຍທ່ານນາງ ບຸນພັກ ອິນທະປັນຍາ ຮອງເຈົ້າແຂວງໆໄຊຍະບູລີ ປະທານກຳມາທິການເພື່ອຄວາມກ້າວໜ້າຂອງແມ່ຍິງ ວຽກແມ່ຍິງ ແລະ ເດັກຂັ້ນແຂວງ ໄດ້ຂຶ້ນປາໄສຕໍ່ພິທີໃນຄັ້ງນີ້ວ່າ ຍ້ອນເຫັນຄວາມເປັນຫ່ວງເປັນໄຍຂອງການນຳພັກ-ລັດ ທີ່ມີຕໍ່ເດັກ ເຊິ່ງແມ່ນຜູ້ສືບທອດພາລະກິດຂອງປະເທດຊາດໃນພາຍໜ້າ ແລະ ເພື່ອປ້ອງກັນພະຍາດດັ່ງກ່າວນີ້ບໍ່ໃຫ້ເກີດຂຶ້ນຢູ່ໃນ ສປປ.ລາວ ໂດຍສະເພາະແຂວງໄຊຍະບູລີ ເດັກນ້ອຍທີ່ມີອາຍຸແຕ່ 1 ມື້ຫາ 15 ປີ ແມ່ນຕ້ອງໄດ້ຮັບການສັກຢາ ແລະ ຢອດຢາ ເຊິ່ງຈຸດປະສົງຂອງການຈັດພິທີໃນຄັ້ງນີ້ ກໍເພື່ອສ້າງຂະບວນການປຸກລະດົມຂົນຂວາຍທຸກພາກສ່ວນທົ່ວສັງຄົມທັງພາກລັດ ແລະ ເອກະຊົນ ໃຫ້ມີສ່ວນຮ່ວມຊຸກຍູ້ຂະບວນການສັກຢາ-ຢອດຢາປ້ອງກັນພະຍາດ (ໂປລີໂອ) ໃຫ້ເດັກນ້ອຍທີ່ມີອາຍຸ 1 ມື້ຫາລຸ່ມ 15 ປີ ແມ່ນໃຫ້ໄດ້ຮັບການສັກຢາ ແລະ ຢອດຢາວັກແຊັງກັນໂປລີໂອ ສຳລັບເດັກນ້ອຍອາຍຸ 1 ປີ ບໍລິການວັກແຊັງ ຮອບປົກກະຕິຕາມເກນອາຍຸສັກຢາຂອງແຕ່ລະຄົນ ການສັກຢາແລະຢອດຢາທຸກບ້ານ ໂຮງຮຽນໃນທົ່ວເມືອງແມ່ນໄດ້ຈັດເປັນ 3 ຮອບຂື້ນໄປ ຖ້າເຂດໃດເຫັນວ່າບັນລຸ 95% ອາດຈະໄດ້ສັກຮອບທີ 4 ແລະ ຈະໄດ້ມີການຈັດຕັ້ງປະຕິບັດເປັນ 4 ຮອບຄື ຮອບທີ 1 ເລີ່ມແຕ່ວັນທີ 15-31 ທັນວາ 2015 ຮອບທີ 2 ວັນທີ 15-31 ມັງກອນ 2016 ຮອບທີ 3 ວັນທີ 15-31 ມີນາ 2016 ໃຫ້ສໍາເລັດ ບັນດາຈຸດຢອດຢາ ແລະ ສັກຢາທົ່ວເມືອງຮວມມີ 199 ຈຸດ ປະກອບມີ 24 ບ້ານເທສະບານ ໂຮງຮຽນ ວັດ ຄິວລົດ ຕະຫຼາດ ກຸ່ມບ້ານ ສຸກສາລາ ແລະ ຈຸດໃຫ້ບໍລິການສັກຢາເຄື່ອນທີລົງນຳແຕ່ລະບ້ານອີກ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...