spot_img
Homeຂ່າວເຫດການກອງປະຊຸມພົບປະ ຄະນະຜູ້ແທນຂັ້ນສູງ 9 ແຂວງ 3 ປະເທດ ຄັ້ງທີ XIX ຈັດຂຶ້ນຢູ່ແຂວງຄຳມ່ວນ

ກອງປະຊຸມພົບປະ ຄະນະຜູ້ແທນຂັ້ນສູງ 9 ແຂວງ 3 ປະເທດ ຄັ້ງທີ XIX ຈັດຂຶ້ນຢູ່ແຂວງຄຳມ່ວນ

Published on

IMG_3635 kongpasum 1

ຂປລ. ຜູ້ແທນຂັ້ນສູງ 9 ແຂວງ 3 ປະເທດ ລາວ, ຫວຽດນາມ ແລະ ໄທ ທີ່ນຳໃຊ້ເສັ້ນທາງເລກທີ 8 ແລະ ເລກທີ 12 ສປປ ລາວ ເປັນເສັ້ນທາງຂົນສົ່ງສິນຄ້າຜ່ານແດນ ອະນຸພາກພື້ນລຸ່ມແມ່ ນ້ຳຂອງ ໄດ້ຈັດກອງປະຊຸມ ຄັ້ງທີ XIX ຂຶ້ນ, ໃນວັນທີ 21 ທັນວາ 2015 ທີ່ແຂວງຄຳມ່ວນ, ໂດຍມີຄະນະນຳຂັ້ນສູງຈາກ 9 ແຂວງ, ກົງສູນໃຫຍ່ຈາກ ສສ ຫວຽດນາມ ແລະ ຣາຊະອານາຈັກໄທ ປະຈຳແຂວງສະຫວັນນະເຂດເຂົ້າຮ່ວມ.

ກອງປະຊຸມດັ່ງກ່າວ ບັນດາຜູ້ແທນຈາກ 9 ແຂວງ 3 ປະເທດ ຄື: ​ແຂວງຄຳມ່ວນ, ບໍລິຄຳໄຊ ສປປ ລາວ, ແຂວງກວາງບິ່ງ, ຮ່າຕິ່ງ, ເງ໋ອ່ານ ສສ ຫວຽດນາມ ແລະ ​ແຂວງນະຄອນພະນົມ, ສະກົນນະຄອນ ​ແລະ ​ແຂວງບຶງການ ຣາຊະອານາຈັກໄທ ໄດ້ຜັດປ່ຽນກັນລາຍງານ ກ່ຽວກັບ ການຈັດຕັ້ງປະຕິບັດ ເນື້ອໃນບົດບັນທຶກຂອງກອງປະຊຸມ ຄັ້ງທີ XVIII ທີ່ໄດ້ຈັດຂຶ້ນໃນປີຜ່ານມາ ທີ່ແຂວງນະຄອນພະນົມ, ໂດຍສະເພາະ ວຽກງານການສຶກສາ ແລະ ກິລາ, ດ້ານວັດທະນະທຳ ແລະ ທ່ອງທ່ຽວ, ວິທະຍາ ສາດເຕັກໂນໂລຊີ, ການຄ້າການລົງທຶນ, ຄົມມະນາຄົມຂົນສົ່ງ ແລະ ວຽກງານດ້ານກະສິກຳ ໂດຍໃນ ໄລຍະຜ່ານມາ ບັນດາພາກສ່ວນທີ່ກ່ຽວຂ້ອງ 3 ປະເທດ ໄດ້ມີການພົບປະແລກປ່ຽນບົດຮຽນ ລະຫວ່າງ ຜູ້ແທນແຕ່ລະຝ່າຍ, ມີການຊ່ວຍເຫລືອ ສ້າງນັກສຶກສາ, ການແລກປ່ຽນຄວາມຮູ້ທາງດ້ານວິຊາການ, ສີລະປະວັດທະນະທຳ, ການແຂ່ງຂັນກິລາມິດຕະພາບ, ກິດຈະກຳເພື່ອສົ່ງເສີມ ການຄ້າ, ການລົງທຶນ ແລະ ການທ່ອງທ່ຽວ, ແລກປ່ຽນທາງດ້ານກະສິກຳ, ວິທະຍາສາດເຕັກໂນໂລຊີ ແລະ ດ້ານອື່ນໆ.

ພິເສດ ກອງປະຊຸມ ຄັ້ງທີ XIX ທີ່ຈັດຂຶ້ນຢູ່ແຂວງຄຳມ່ວນ​ ໃນຄັ້ງນີ້ ບັນດາ 9 ແຂວງ 3 ປະເທດ ຈະໄດ້ເພີ່ມທະວີຮັດແໜ້ນສາຍພົວພັນ ໂດຍສະເພາະ ແມ່ນທາງດ້ານການຄ້າການລົງທຶນ, ການຂົນສົ່ງຈໍລະຈອນສິນຄ້າ ໂດຍຜ່ານເສັ້ນທາງ ເລກທີ 8 ແລະ ເລກທີ 12 ຂອງສປປ ລາວ ຈະມີການສົ່ງເສີມ ສ້າງເງື່ອນໄຂ ໃຫ້ບັນດາຄະນະນັກລົງທຶນ ແລະ ຜູ້ປະກອບການ ບັນດາແຂວງຕ່າງໆ ໄດ້ແລກປ່ຽນ, ຮຽນຮູ້ ແລະ ຫາຊ່ອງທາງດ້ານການລົງທຶນ ຮ່ວມກັນ, ສະໜັບສະໜຸນທຸລະກິດຂົນສົ່ງ ຂອງທັງ 3 ປະເທດ, ສຶກສາ ວາງແຜນຮ່ວມມືດ້ານການຂົນສົ່ງສິນຄ້າ ຜ່ານເສັ້ນທາງໝາຍ ເລກທີ 8 ແລະ ເລກທີ 12 ເພື່ອໄປຍັງເຂດເສດຖະກິດພິເສດ ວຸ່ງອ່າງ, ເຂດເສດຖະກິດພິເສດຮອນລາ ແລະ ປະເທດທີ 3.

ກອງປະຊຸມພົບປະ ແລະ ແລກປ່ຽນບົດຮຽນ ຂອງຄະນະຜູ້ແທນຂັ້ນສູງດັ່ງກ່າວ ແມ່ນໄດ້ຈັດຂຶ້ນປີລະ 1 ຄັ້ງ, ໂດຍບັນດາ 9 ແຂວງ 3 ປະເທດ ໄດ້ຜັດປ່ຽນກັນເປັນເຈົ້າພາບ.
ແຫລ່ງຂ່າວ:
ຂປລ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...