spot_img
Homeຂ່າວພາຍ​ໃນຜູ້ຊ່ວຍລັດຖະມົນຕີຕ່າງປະເທດສະຫະລັດ ອາເມຣິກາ ເດີນທາງມາຢ້ຽມຢາມ-ເຮັດວຽກຢູ່ ສປປ ລາວ

ຜູ້ຊ່ວຍລັດຖະມົນຕີຕ່າງປະເທດສະຫະລັດ ອາເມຣິກາ ເດີນທາງມາຢ້ຽມຢາມ-ເຮັດວຽກຢູ່ ສປປ ລາວ

Published on

3-1

ໃນວັນທີ 17-18 ທັນ ວານີ້, ຄະນະຜູ້ແທນຂອງສະ ຫະລັດອາເມຣິກາ ນຳໂດຍ ທ່ານ ດານຽວ ຣຸດເຊນ   (Daniel Russel) ຜູ້ຊ່ວຍລັດ ຖະມົນຕີຕ່າງປະເທດສະຫະ ລັດອາເມຣິກາ ພ້ອມດ້ວຍຄະນະໄດ້ເດີນທາງມາຢ້ຽມຢາມເຮັດວຽກຢູ່ ສປປ ລາວ ຊຶ່ງຈຸດປະສົງອັນສຳຄັນຂອງການ ເດີນທາງມາຢ້ຽມຢາມເຮັດວຽກ ດັ່ງກ່າວແມ່ນເພື່ອປຶກສາຫາລືໃນການກະກຽມ ໃຫ້ແກ່ການມາຢ້ຽມຢາມລາວຂອງຄະນະ ຜູ້ແທນຂັ້ນສູງອາເມຣິກາໃນປີ 2016 ເນື່ອງໃນໂອກາດການ ເປັນປະທານອາຊຽນຂອງ ສປປ ລາວ ທັງເພື່ອປຶກສາຫາລືກ່ຽວກັບການຊຸກ ຍູ້ສົ່ງເສີມການພົວພັນຮ່ວມມືສອງຝ່າຍໃນຕໍ່ໜ້າ. ໃນປະຈຸບັນ, ການພົວພັນຮ່ວມມືສອງຝ່າຍລາວ- ອາເມຣິກາ ໄດ້ກວມເອົາດ້ານຕ່າງໆດັ່ງນີ້: ການເກັບກູ້ລະເບີດທີ່ບໍ່ທັນແຕກ (UXO), ການຮ່ວມມືດ້ານການປາບ ປາມຢາເສບຕິດ, ການຮ່ວມມືດ້ານວຽກງານການຊອກຄົ້ນຫາກະດູກ ແລະ ສິ່ງເສດເຫຼືອຂອງທະຫານອາເມຣິກາທີ່ ຫາຍສາບສູນໃນປາງ ສົງ ຄາມ (MIA), ການຮ່ວມມືດ້ານສາ ທາລະນະສຸກ, ການຮ່ວມມືໃນ ຂອບບັນດາປະເທດລຸ່ມແມ່ນ້ຳ ຂອງ (LMI)  ແລະ ອື່ນໆ.
ໃນໂອກາດການເຄື່ອນ ໄຫວຢ້ຽມຢາມເຮັດວຽກດັ່ງ ກ່າວ, ຄະນະຜູ້ແທນອາເມຣິ ກາ ໄດ້ພົບປະເຮັດວຽກຮ່ວມ ກັບທ່ານ ອາລຸນແກ້ວ ກິດຕິ ຄຸນ ລັດຖະມົນຕີຊ່ວຍວ່າການ ກະຊວງ ການຕ່າງປະເທດ ໃນ ຂອບວຽກງານອາຊຽນ ແລະ ປຶກສາຫາລືຮ່ວມກັບທ່ານ ແສງເພັດ ຮຸ່ງບຸນຍວງ ລັດຖະ ມົນຕີຊ່ວຍວ່າການກະຊວງ ການຕ່າງປະເທດ ໃນຂອບວຽກ ງານການ ພົວພັນສອງຝ່າຍ.
ນອກນັ້ນ, ຄະນະຜູ້ແທນ ຍັງໄດ້ເຂົ້າຢ້ຽມຄຳນັບທ່ານ ທອງລຸນ ສີສຸລິດ ຮອງນາຍົກ ລັດຖະມົນຕີ ລັດຖະມົນຕີວ່າ ການກະຊວງການຕ່າງປະເທດ ແລະ ພົບປະກັບ ທ່ານ ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາ ລະນະສຸກ ແລະ ທ່ານ ນາງ ສູນທອນ ໄຊຍະຈັກ ຫົວໜ້າ ຄະນະພົວພັນຕ່າງປະເທດສູນກາງພັກ.
ການເຄື່ອນໄຫວຢ້ຽມ ຢາມເຮັດວຽກດັ່ງກ່າວ ໄດ້ມີ ຜົນສຳເລັດຕາມຈຸດປະສົງ ຄາດໝາຍ ແລະ ສ້າງຄວາມ ເພິ່ງພໍໃຈໃຫ້ແກ່ທັງສອງຝ່າຍ ລາວ ແລະ ສະຫະລັດອາເມຣິກາ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...