Homeຂ່າວການພັດທະນາດຳລັດວ່າດ້ວຍການແກ້ໄຂຂໍ້ຂັດແຍ່ງດ້ານແຮງງານຈະໄດ້ຮັບການສ້າງຂຶ້ນໃນໄວໆນີ້

ດຳລັດວ່າດ້ວຍການແກ້ໄຂຂໍ້ຂັດແຍ່ງດ້ານແຮງງານຈະໄດ້ຮັບການສ້າງຂຶ້ນໃນໄວໆນີ້

Published on

dumludd

ໃນລະຫວ່າງວັນທີ 17-18 ທັນວາ​ຜ່ານ​ມາ, ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ​ໄດ້​ຈັດ​ກອງ​ປະຊຸມ​ປຶກສາ​ຫາລື​ການ​ສ້າງ​ຮ່າງ​ດຳລັດ​ວ່າ​ດ້ວຍ​ການ​ແກ້​ໄຂ​ຂໍ້​ຂັດ​ແຍ່ງ​ທາງ​ດ້ານ​ແຮງ​ງານ ຂຶ້ນ​ທີ່​ທ່າລາດ ແຂວງວຽງຈັນ, ​ໂດຍ​ການ​ເປັນ​ປະທານ​ຂອງ​ທ່ານນາງ ​ໃບ​ຄຳ ຂັດ​ທິຍະ ລັດຖະມົນຕີ​ຊ່ວຍ​ວ່າ​ການ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ແລະ ຜູ້ຕາງໜ້າກະຊວງ​ຕ່າງໆ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ທ່ານ​ລັດຖະມົນຕີ​ຊ່ວຍກ່າວ​ວ່າ: ​ເພື່ອ​ເປັນ​ການເປີດກວ້າງໃຫ້ທຸກຄົນໄດ້ປະກອບຄໍາຄິດຄໍາເຫັນໃສ່ຮ່າງດໍາລັດວ່າດ້ວຍການແກ້ໄຂຂໍ້ຂັດແຍ່ງແຮງງານເປັນຕົ້ນທາງດ້ານໂຄງສ້າງ, ໝວດ, ມາດຕາ ແລະ ເນື້ອໃນລະອຽດຂອງຮ່າງດໍາລັດດັ່ງກ່າວ, ພ້ອມ​ຈະໄດ້ຮັບຟັງການແລກປ່ຽນຄໍາຄິດຄໍາເຫັນຂອງ​ຜູ້ອອກ

ແຮງງານ, ຜູ້ໃຊ້ແຮງງານ, ບັນດາກະຊວງ ແລະ ຂະແໜງການທີ່ກ່ຽວຂ້ອງຕ່າງໆ​ເຂົ້າ​ໃສ່​ຮ່າງ​ດຳລັດ​ດັ່ງກ່າວ. ​ເພື່ອ​ໃຫ້​ພາກສ່ວນ​ກ່ຽວຂ້ອງກໍ​ຄື​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມໄດ້​ນຳ​​ໄປ​ພິຈາລະ​ນາ, ປັບປຸງ ​​ແລະ ​ແກ້​ໄຂ ​ໃຫ້ມີ​ເນື້ອ​ໃນ​ຄົບ​ຖ້ວນ, ສົມບູນນຳ​ໄປ​ສູ່​ການຈັດ​ຕັ້ງ​ປະຕິບັດ​ໃຫ້​ໄດ້​ຮັບ​ໝາກຜົນ​ສູງ​ສຸດ. ​ເພື່ອ​ເປັນ​ການ​ປ້ອງ​ການ ​ແລະຫລຸດຜ່ອນ​ການ​ເກີດ​ຂໍ້​ຂັດ​ແຍ່ງທາງ​ດ້ານ​ແຮງ​ງານ, ທັງ​ເປັນ​ການ​ປົກ​ປ້ອງ​ສິດ ​ແລະ ຜົນປະ​ໂຫຍ​ດຂອງ​ຜູ້​ອອກ​ແຮງ​ງານ, ຜູ້​ໃຊ້​ແຮງ​ງານ ​ໃຫ້​ໄດ້​ຮັບ​ຄວາມ​ເປັນ​ທຳ​ຫລາຍ​ຂຶ້ນ​.

ແຫ່ລງຂ່າວ

ລພນ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...