spot_img
Homeຂ່າວການພັດທະນາແພດທະຫານລາວ-ຫວຽດນາມຮ່ວມແລກປ່ຽນບົດຮຽນດ້ານວິຊາການ

ແພດທະຫານລາວ-ຫວຽດນາມຮ່ວມແລກປ່ຽນບົດຮຽນດ້ານວິຊາການ

Published on

lao-viet hospital 5

ກອງ​ປະຊຸມ​ວິທະຍາສາດ​ການ​ແພດ​ຄັ້ງທີ 4 ຂອງ​ແພດ​ທະຫານລາວ-ຫວຽດນາມ ​ໄດ້​ມີ​ຂຶ້ນ​ໃນ​ວັນ​ທີ 14 ທັນວາ​ນີ້ຢູ່​ໂຮງໝໍ 103 ຂອງ​ກອງທັບ​ປະຊາຊົນ​ລາວທີ່​ນະຄອນຫລວງ​ວຽງ​ຈັນ, ຝ່າຍ​ລາວ​ນຳ​ໂດຍ​ທ່ານພົນ​ຈັດຕະວາ ພູ​ວົງ ວົງ​ພົມ ຫົວໜ້າ​ກົມ​ໃຫຍ່​ພະລາທິການ​ກອງທັບ​ປະຊາຊົນ​ລາວ, ຝ່າຍ​ຫວຽດນາມ​ນຳ​ໂດຍພົນ​ຕີ ຫວູ ກວັກ​ບິງ ຫົວໜ້າ​ກົມ​ການ​ແພດກອງທັບ​ປະຊາຊົນ​ຫວຽດນາມພ້ອມ​ຄະນະ​ຜູ້​ແທນ​ກ່ຽວຂ້ອງ​ສອງ​ຝ່າຍ​ເຂົ້າຮ່ວມ​ຫລາຍ​ກວ່າ 200ຄົນ.

ທ່ານພັນ​ເອກ ດຣ. ຄຳ​ແພງ ພູ​ມາ​ແກ້ວ ອຳນວຍ​ການ​ໂຮງໝໍ 103 ​ໃຫ້​ຮູ້​ວ່າ: ກອງ​ປະຊຸມ​ວິ​ທະຍາ​ສາດ​ຄັ້ງນີ້​ສຸດ​ທີ່​ສຳຄັນ ​ເຊິ່ງ​ໄດ້ຈັດ​ຂຶ້ນພໍດີ​ກັບ​ວັນ​ຄົບຮອບ 10 ປີ ​ແຫ່ງ​ການ​ແຮກສ່ຽວ​ລະຫວ່າງ​ໂຮງໝໍ

103 ​ແລະ 108 ກອງທັບ​ຫວຽດນາມ ​ເພື່ອ​ແນ​ໃສ່​ແລກປ່ຽນ​ບົດຮຽນ​ດ້ານ​ວິຊາ​ການ​ກ່ຽວ​ກັບ​ການຜ່າຕັດ, ການ​ປິ່ນປົວ​ພະຍາດ​ຂອງ​ຂະ​ແໜງ​ພາຍ​ໃນ ​ແລະ ພາຍ​ນອກ ​ແລະ ອື່ນໆ ​ເຊິ່ງ​ໃນ​ນັ້ນ​ໄດ້​ລົງ​ເລິກ​ໃນ​ການ​ແນະນຳ​ເຕັກ​ນິກການກວດ ​ແລະ ປິ່ນປົວ​ພະຍາດ​ທີ່​ທັນ​ສະ​ໄໝ ​ເຊິ່ງຈະ​ນຳ​ເອົາ​ຜົນ​ປະ​ໂຫຍ​ດຢ່າງ​ຫລວງ ຫລາຍ​ມາ​ໃຫ້​ແກ່​ການ​ບໍລິການ​ປິ່ນປົວ​ຂອງ​ໂຮງໝໍ​ທະຫານ​ພວກ​ເຮົາ​ໃນ​ອະນາຄົດ.

ທ່ານພົນຕີ ສຈ. ດຣ. ມາຍ ​ຮົງ​ບັງ ອຳນວຍ​ການ​ໃຫຍ່​ໂຮງໝໍ 108 ກອງທັບ​ຫວຽດນາມ ​ໄດ້​ມີ​ຄຳ​ເຫັນ​ໃນ​ກອງ​ປະຊຸມ​ວິທະຍາສາດ​ສຳຄັນ​ດັ່ງກ່າວ​ວ່າ: ກອງ​ປະຊຸມ​ຄັ້ງນີ້, ຄະນະ​ຮັບຜິດຊອບ​ໄດ້​ຄັດ​ເລືອກ​ເອົາ​ບົດ​ລາຍ​ງານ​ວິທະຍາສາດ​ການ​ແພດ​ຈຳນວນ 17 ຫົວ​ຂໍ້​ພົ້ນ​ເດັ່ນ ​ເພື່ອ​ເຂົ້າລາຍ​ງານ ​ແລະ ​ໃນ​ນັ້ນກໍ​ມີ​ຫລາຍ​ຫົວ​ຂໍ້​ທີ່​ໄດ້​ລົງ​ພິມ​ໃນ​ວາລະສານ​ວິທະຍາສາດ​ການ​ແພດ​ມາ​ແລ້ວ ​ແລະ ກອງ​ປະຊຸມ​ດັ່ງກ່າວ​ຈະ​ເປັນ​ໂອກາດ ​ແລະ ​ເງື່ອນ​ໄຂ​ສຳຄັນ​ໃຫ້​ແກ່​ຄະນະ​ແພດ​ສອງ​ຝ່າຍ​ໄດ້​ຮ່ວມ​ແລກປ່ຽນ​ບົດຮຽນ ​ແລະ ປະສົບ​ການ​ຕ່າງໆ​ທາງ​ດ້ານ​ການ​ແພດກໍ​ຄື​ການຄົ້ນຄວ້າ​ວິທະຍາສາດ​ການ​ແພດ​ຂອງ​ຕົນ ​ແລະ ຈະ​ຊ່ວຍ​ໃຫ້​ບັນດາ​ແພດ​ໝໍ​ໃນ​ສອງ​ໂຮງໝໍ​ດັ່ງກ່າວ​ໄດ້​ຍົກ​ສູງ​ຄຸນ​ນະພາ​ບການ​ປິ່ນປົວ ​ແລະລະດັບ​ການ​ບໍລິການ​ຂອງ​ຕົນ​ດີ​ຂຶ້ນ ​ເພື່ອ​ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ວຽກ​ງານ​ສາ ທາລະນະ​ສຸກ​ຂອງ​ປະ​ເທດລາວ-ຫວຽດນາມນັບ​ມື້​ເຕີບ​ໃຫຍ່​ເຂັ້ມ​ແຂງ.

ແຫ່ລງຂ່າວ

ລພນ

ບົດຄວາມຫຼ້າສຸດ

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...