Homeຂ່າວເຫດການສາລະວັນ ສະຫຼອງວັນສະຖາປະນາ ສປປ ລາວ ຄົບຮອບ 40 ປີ

ສາລະວັນ ສະຫຼອງວັນສະຖາປະນາ ສປປ ລາວ ຄົບຮອບ 40 ປີ

Published on

Capture

ແຂວງສາລະວັນໄດ້ ຈັດພິທີໂຮມຊຸມນຸມສະເຫຼີມ ສະຫຼອງວັນສະຖາປະນາ ສປ ປ ລາວ ຄົບຮອບ 40 ປີ (2/ 12/ 1975 – 2/12/2015) ແລະ ລະ ນຶກວັນເກີດຂອງທ່ານປະທານ ໄກສອນ ພົມວິຫານ ຄົບຮອບ 95 ປີ (13/12/1920 – 13/12/ 2015) ຂຶ້ນເມື່ອວັນທີ 9 ທັນວາ ຜ່ານມາໂດຍໃຫ້ກຽດເຂົ້າຮ່ວມ ຂອງ ທ່ານ ພົນໂທ ແສງນວນ ໄຊຍະລາດ ເລຂາ ທິການສູນ ກາງພັກ, ລັດຖະມົນຕີວ່າການ ກະຊວງປ້ອງກັນປະເທດ,ທ່ານ ຄຳບຸ່ນ ດ້ວງປັນຍາ, ກຳມະການສູນກາງພັກ,​ ອະດີດເລຂາພັກ ແຂວງ ເຈົ້າແຂວງສາລະວັນ, ທ່ານ ສີສຸວັນ ວົງຈອມສີ ເລຂາພັກແຂວງ ເຈົ້າແຂວງສາລະວັນ, ມີບັນດາ ທ່ານຮອງເລຂາພັກແຂວງ, ຄະນະປະຈຳພັກແຂວງ, ຄະນະພັກແຂວງທຸກຂັ້ນ, ເຈົ້າເມືອງຈາກ 8 ຕົວເມືອງ, ຫົວໜ້າພະ ແນກ-ຮອງພະແນກການ, ອົງການທຽບເທົ່າພະນັກງານອາວຸໂສບຳນານ, ລັດວິສາຫະກິດ, ຫົວໜ່ວຍທຸລະກິດ, ກອງບັນ ຊາການປ້ອງກັນຊາດ, ກອງບັນຊາການປ້ອງ ກັນຄວາມສະຫງົບຕະຫຼອດຮອດກ້ອນກຳລັງ 15 ກ້ອນກຳລັງ ແລະ ປະຊາຊົນໃນເທດສະບານເຂົ້າຮ່ວມຢ່າງຫຼວງຫຼາຍ.
ໃນການກ່າວປາໄສ ທ່ານ ສີສຸວັນ ວົງຈອມສີ ໄດ້ເຫຼົ່າເຖິງ ມູນເຊື້ອ ແລະ ຄວາມໝາຍ ຄວາມສຳຄັນຂອງວັນສະຖາ ປະນາ ສາທາລະນະລັດ ປະ ຊາທິປະໄຕ ປະຊາຊົນລາວ ຕະຫຼອດໄລຍະ 40 ປີຜ່ານມາ,  ຍົກໃຫ້ເຫັນວັນເກີດປະທານ ໄກສອນ ພົມວິຫານ ຄົບຮອບ 95 ປີ,​ ຊຶ່ງທ່ານໄດ້ ຍົກໃຫ້ເຫັນຊີວິດການເຄື່ອນ ໄຫວປະຕິວັດ, ຜົນງານ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ແມ່ນຜູ້ທີ່ດີເລີດ ເປັນນັກຮົບປະຕິວັດທີ່ກ້າແກ່ນເປັນລູກຮັກຫຼານແພງ ຜູ້ປະເສີດຂອງປະຊາຊົນລາວ ບັນດາເຜົ່າແມ່ນ ຜູ້ຮັກ ຊາດ, ນັກປະຕິວັດທີ່ຍິ່ງໃຫຍ່ຂອງຊາດ, ເປັນນັກຍຸດທະສາດ, ນັກອອກແບບຍຸດໂທບາຍ ແລະ ວິທີປະຕິວັດທີ່ສະຫຼາດຄ່ອງແຄ້ວ, ເປັນສັນຍາລັກ ແລະ ເປັນແກ່ນສານຂອງ ຄວາມສາ ມັກຄີພາຍໃນພັກ ແລະ ໃນ ຊາດ, ຍາມໃດເພິ່ນກໍເອົາໃຈ ໃສ່ສ້າງ ແລະ ເພີ່ມທະວີຄວາມ ສາມັກຄີປອງດອງລະຫວ່າງເຜົ່າ ຄວາມເປັນປຶກແຜ່ນພາຍ ໃນຊາດ ແລະ ຄວາມເປັນເອກະພາບພາຍໃນພັກ ຕໍ່ສູ້ຍາດ ເອົາໄຊຊະນະອັນສະຫງ່າລາສີໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນກໍຄືພາລະກິດ ປ່ຽນແປງໃໝ່ຂອງປະເທດຊາດ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...