ເມື່ອຊ່ວງພະຈິກທີ່ຜ່ານມາເຮົາເຄີຍລາຍງານຂ່າວກ່ຽວກັບ Samsung Galaxy Note 3 ສີທອງ ແລະສີແດງ ໄປແລ້ວເທື່ອໜຶ່ງ ເຊິ່ງຕອນນັ້ນເປັນພຽງການປະກາດຈາກທາງ Samsung ອາເຈນຕິນາເທົ່ານັ້ນ ແຕ່ວ່າຫລ້າສຸດ Galaxy Note 3 ສີທອງ Rose Gold Edtion ນັ້ນພ້ອມທີ່ຈະວາງຈຳໜ່າຍໃນປະເທດໄຕ້ຫວັນກາງເດືອນມັງກອນນີ້ແລ້ວ.
ໂດຍ Galaxy Note 3 ສີທອງນັ້ນຈະມີວາງຈຳໜ່າຍໃນຮຸ່ນ CPU ທີ່ເປັນ Snapdragon 800 ແລະມາພ້ອມ 4G LTE ສຳລັບຕົວເຄື່ອງນັ້ນມີການເຕີມແຕ່ງສີ Rose Gold ໄປຕາມຂອບດ້ານຂ້າງທີ່ເຄີຍເປັນສີເງິນ, ຊ່ອງລຳໂພງສົນທະນາ, ຂອບຂອງປຸ່ມ HOME, ຂອບບໍລິເວນກ້ອງ, ໂລໂກ້ທີ່ຝາຫລັງ ແລະທາງດ້ານທ້າຍຂອງ S Pen.
ສຳລັບບ້ານເຮົານັ້ນຕອນນີ້ຍັງບໍ່ຮູ້ວ່າມີກຳນົດການນຳເຂົ້າມາຈຳໜ່າຍ ຫລືບໍ່ ຕ້ອງຕິດຕາມກັນຕໍ່ໄປເດີ 
ຂໍຂອບໃຈຂໍ້ມູນຈາກ : eprice