ບາເຊໂລນາ ຕັດສິນໃຈພັກ ເຄົາລ໌ດ ປິເກ້ ແລະ ອັນເດຣສ ອິນຽດຕ້າ ສອງແຄ່ງຕົວສຳຄັນໃນເກມເຍືອນ ໄບເອີລ໌ ເລເວີລ໌ຄູເຊ່ນ ເນື່ອງຈາກຄາດການວ່າເປັນແຊມປ໌ກຸ່ມ E ໃນການແຂ່ງຂັນ ຍູຟ່າ ແຊມປ້ຽນສ໌ລີກແລ້ວ
ບາເຊໂລນາ ປະກາດຜ່ານເວັບໄຊຕ໌ຂອງໂມສອນຈະພັກຕົວ ເຄົາລ໌ດ ປິເກ້ ແລະ ອັນເດຣສ ອິນຽດຕ້າ ສອງແຄ່ງສຳຄັນໃນເກມເຍືອນ ໄບເອີລ໌ ເລເວີລ໌ຄູເຊ່ນ ໃນການແຂ່ງຂັນ ຍູຟ່າ ແຊມປ້ຽນສ໌ລີກ ຮອບແບ່ງກຸ່ມນັດສຸດທ້າຍມື້ພຸດວັນທີ 9 ທັນວາ 2015 ນີ້
ໂດຍ “ບາຊ່າ” ຄາດການວ່າຈະເປັນແຊມປ໌ກຸ່ມ E ຮຽບຮ້ອຍແລ້ວ ຫຼັງຈາກເກັບໄດ້ 13 ຄະແນນຈາກ 5 ນັດ ຊຶ່ງ ໂຣມາ ແລະ ເລເວີລ໌ຄູເຊ່ນ ຕ້ອງຍາດກັນເປັນຮອງແຊມປ໌ກຸ່ມເພື່ອຊິງເຂົ້າສູ່ຮອບຕໍ່ໄປ
ທາງດ້ານ ດານີ ອັນເວດ ຈະບໍ່ໄດ້ລົງຫຼີ້ນເພາະຖືກໂທດແບນ ຂະນະທີ່ ມາຕິເຢີ, ເຊລ໌ກີ້ ໂລແບລ໌ໂຕ້, ດັກກຼາດສ໌ ແລະ ຣາຟິນຢາ ຈະບໍ່ໄດ້ລົງສະໜາມເພາະມີອາການບາດເຈັບທັງໝົດ
