Homeຂ່າວການພັດທະນາເຂື່ອນໄຟຟ້ານໍ້າງຽບ 1 ຄືບໜ້າ 35% ຄາດເລີ່ມຜະລິດຕົ້ນປີ 2019

ເຂື່ອນໄຟຟ້ານໍ້າງຽບ 1 ຄືບໜ້າ 35% ຄາດເລີ່ມຜະລິດຕົ້ນປີ 2019

Published on

30

ຂປລ.  ທ່ານ ພອນໄຊ ຕາໂນວັນ ຫົວໜ້າກອງເລຂາ​ ໂຄງການ​ກໍ່ສ້າງ ເຂື່ອນ​ໄຟຟ້າ​ນໍ້າ​ງຽບ 1 ໄດ້​ເປີດ​ເຜີຍ​ເມື່ອ​ອາທິດ​ແລ້ວ​ນີ້ວ່າ: ປັດຈຸບັນ​  ການກໍ່ສ້າງ ​​ເຂື່ອນ​ໄຟຟ້າ​ນໍ້າ​ງຽບ 1 ແມ່ນຄືບ​ໜ້າ 35%,​ ວຽກງານການເກັບກໍາຊັບສິນ ແລະ ສິ່ງປຸກສ້າງຕ່າງໆຄືບໜ້າເກືອບ 100%. ບ້ານທີ່ຖືກຜົນກະທົບຄື: ບ້ານນໍ້າຢວກ, ບ້ານໜອງ, ບ້ານສົບພວນ ແລະ ບ້ານຫ້ວຍປາມ້ອມ ເມືອງຮ່ົມ ແຂວງໄຊສົມບູນ ຄາດວ່າຈະ​ໄດ້​ຍົກຍ້າຍ​ອອກໃນກາງປີ 2018 ​ໂດຍບໍລິສັດໄຟຟ້ານໍ້າງຽບ 1 ໄດ້ຊອກສະຖານທີ່ໃໝ່ໃຫ້ປະຊາຊົນ ​​ທີ່​ຖືກຜົນກະທົບ ຢູ່ບ້ານຫ້ວຍສູບ ເມືອງບໍລິຄັນ ແຂວງບໍລິຄຳໄຊ . ພ້ອມ​ນີ້ ບໍລິສັດ ຍັງ​​ໄດ້​ສະໜັບສະໜູນວຽກງານການສຶກສາ ແລະ ສາທາລະນະສຸກຢູ່ 4 ບ້ານ​ດັ່ງກ່າວ ພ້ອມ​ທັງສົ່ງເສີມປະຊາຊົນ​ ທຳ​ການ​ຜະລິດກະສິກໍາ​ເປັນ​ຕົ້ນ​ ປູກເຫັດ, ປູກພັກ,​ ລ້ຽງສັດປີກ,​ ລ້ຽງປາ ແລະ ເຄື່ອງຫັດຖະກຳຕ່າງໆ ໃຫ້​ເຂົາ​ເຈົ້າມີລາຍຮັບ​​ເຂົ້າຄອບຄົວ.

​ໂຄງ­ການ​ເຂື່ອນ​ໄຟ້​ຟ້າ​ນ້ຳ​ງຽບ 1 ແມ່ນ ໂຄງ­ການ​ຂະ­ໜາດ 290 ເມ​ກາ​ວັດ ກຳ­ລັງ ດຳ­ເນີນ​ການ​ກໍ່­ສ້າງ​ທີ່​ແຂວງ​ບໍ​ລິ​ຄຳ​ໄຊ ແລະ ແຂວງ​ໄຊ​ສົມ­ບູນ ໂດຍ​ການ​ດຳ­ເນີນ​ງານ ​ຂອງ​ບໍ­ລິ­ສັດ​ໄຟ ຟ້າ​ນ້ຳ​ງຽບ 1 ຄາດ​ຈະ​ເລີ່ມ​ຜະ­ລິດ ໃນ​ຕົ້ນ​ປີ 2019 ໃນໄລຍະສຳ​ປະ­ທານ​ເວ­ລາ 27 ປີ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...