ຍັງມີຂ່າວຄາວທີ່ໜ້າສົນໃຈໃນແວດວົງລົດຍົນທັງພາຍໃນ ແລະ ຕ່າງປະເທດມາໃຫ້ໄດ້ຕິດຕາມກັນຢ່າງຕໍ່ເນື່ອງເຊັ່ນເຄີຍ, ຫລ້າສຸດທາງດ້ານຂອງຄ້າຍລົດ Kia ໄດ້ທຳການປ່ອຍພາບທີເຊີຂອງລົດ Kia Cadenza Sedan 2017ໂສມໃໝ່ອອກມາໃຫ້ໄດ້ຊົມກັນແລ້ວ ກຽມທີ່ຈະເປີດຕົວໃນປີໜ້ານີ້ ຊຶ່ງຈະມາແທນ Kia Cadenza ໂສມປະຈຸບັນ ທີ່ເຮັດຕະຫລາດຍາວນານມາຕັ້ງແຕ່ປີ 2010 ສຳຫລັບ Kia Cadenza Sedan ໂສມໃໝ່ຈາກພາບທີເຊີນັ້ນມາພ້ອມກັບກະຈັງໜ້າ ຊົງ Tiger Nose ທີ່ເປັນເອກtລັກສະເພາະ, ແວ່ນໜ້າອອກແບບມາໃຫ້ລາດເທໄປດ້ານຫລັງ ເສີມຄວາມເປັນຄູເປ້ ເສັ້ນສາຍເບິ່ງສຽບແຫລມ ດ້ານຫລັງເບິ່ງງົດງາມລົງຕົວ ມາພ້ອມທໍ່ໄອເສຍຊົງຫລ່ຽມ
ສ່ວນພາຍໃນນັ້ນໄດ້ຮັບການອອກແບບໃໝ່ ເພີ່ມຄວາມຫລູຫລາຫລາຍຍິ່ງຂຶ້ນ ໂດຍໄດ້ຮັບແຮງບັນດານໃຈມາຈາກລົດຍຸໂຣບ ພ້ອມກັບການໃຊ້ວັດດຸທີ່ພີມ່ຽມຫລາຍຍິ່ງຂຶ້ນ
ໃນສ່ວນຂອງຂຸມພະລັງນັ້ນຍັງບໍ່ໄດ້ຮັບການຢືນຢັນວ່າຈະເປັນບລັອກໃດ ແຕ່ເດົາກັນວ່າ ໜ້າຈະມີເຄື່ອງຈັກປະຈຸບັນທີ່ໃຊ້ຢູ່ໃຫ້ເລືອກ ໂດຍເປັນບລັອກ 3.3 ລີດ V6 297 ແຮງມ້າ (PS) ທີ່ 6,400 ຮອບ/ນາທີ ຂັບເຄື່ອນ 2 ລໍ້ຄູ່ໜ້າ ລະບົບເກຍອໍໂຕ້ 6 ສະປີດ ແລະໜ້າຈະມີບລັອກ 4 ສູບລຸ້ນໃໝ່ ມາໃຫ້ເລືອກດ້ວຍ
ສືຫລາຍສຳນັກນັ້ນຢືນຢັນກັນວ່າ ລົດ Kia Cadenza Sedan 2017 ນັ້ນຈະອອກຂາຍໃນປີ 2016 ນີ້ຢ່າງແນ່ນອນ ສ່ວນການເປີດຕົວຈະມີຂຶ້ນໄວໆນີ້