ພະຍາດເບົາຫວານ ແມ່ນພະຍາດໜຶ່ງທີ່ຮ້າຍແຮງ ຄົນລາວເປັນຫຼາຍ ແລະເປັນພະຍາດທີ່ປົວໃຫ້ຫາຍຂາດບໍ່ໄດ້ ດັ່ງນັ້ນ, ການລະມັດລະວັງ ບໍ່ໃຫ້ເກີດພະຍາດເບົາຫວານຈຶ່ງເປັນເລື່ອງທີ່ຄວນເຮັດ ດ້ວຍການອອກກຳລັງກາຍ, ດື່ມກິນສິ່ງທີ່ເປັນປະໂຫຍດ ແລະຫຼີກລ້ຽງອາຫານຫວານ ມັນ ເຜັດ ເຄັມ ຈົນເກີນໄປ.
ຫ້າສັນຍານທີ່ບົ່ງບອກວ່າ ທ່ານກຳລັງຊິເປັນເບົາຫວານມີດັ່ງນີ້:
1. ປັດສະວະເລື້ອຍໆ ແລະ ຈຳນວນຫຼາຍຈາກການທີ່ໝາກໄຂ່ຫຼັງຕອງນ້ຳຕານອອກມາສູ່ນ້ຳຍ່ຽວ ແລະ ດຶງນ້ຳອອກມາດ້ວຍ ສະນັ້ນຍິ່ງນ້ຳຕານໃນເລືອດສູງຂຶ້ນເທົ່າໃດກໍຍິ່ງເຮັດໃຫ້ຜູ້ປ່ວຍເບົາຫວານຍ່ຽວຈຳນວນຫຼາຍຂຶ້ນເທົ່ານັ້ນ.
2. ນ້ຳໜັກຫຼຸດ: ຈ່ອຍລົງ ແລະ ອ່ອນເພຍ ໂດຍບໍ່ຮູ້ສາເຫດເນື່ອງຈາກຮ່າງກາຍເອົານ້ຳຕານໄປໃຊ້ ພະລັງງານບໍ່ໄດ້ເພາະຂາດອິນຊູລິນ ຈິ່ງມີການລະລາຍພະລັງງານຈາກໄຂມັນ ແລະ ໄປຣຕີນທີ່ເກັບສະສົມມາໃຊ້ເປັນພະລັງງານແທນຈຶ່ງເຮັດໃຫ້ຮ່າງກາຍອ່ອນເພຍ ແລະ ນ້ຳໜັກຫຼຸດລົງ.
3. ຄໍແຫ້ງ: ຢາກນ້ຳ ແລະ ດື່ມນ້ຳຫຼາຍເນື່ອງຈາກ ຮ່າງກາຍເສຍນ້ຳທາງປັດສະວະຫຼາຍ ຈິ່ງເກີດການຂາດນ້ຳເຮັດໃຫ້ຢາກດື່ມນ້ຳເລື້ອຍໆ.
4. ຢາກກິນອາຫານເລື້ອຍໆ ແລະ ກິນຫຼາຍຂຶ້ນ ເປັນຜົນມາຈາກຮ່າງກາຍຂາດພະລັງງານເນື່ອງ ຈາກບໍ່ສາມາດນຳນ້ຳຕານກລູໂຄສໃນເລືອດໄປໃຊ້ໄດ້ຮ່ວມກັບມີການລະລາຍເນື້ອເຍື່ອຕ່າງໆພາຍໃນຮ່າງກາຍເພື່ອທົດແທນພາວະນີ້ຈິ່ງມີ ອາການຢາກ ເລື່ອຍໆ ແລະ ກິນດຸ.
5. ເປັນບາດແຜ ແລະ ຫາຍຍາກມີການຕິດເຊື້ອຕາມຜິວໜັງ ເນື່ອງຈາກຄວາມສາມາດຂອງເມັດເລືອດຂາວໃນການກຳຈັດເຊື້ອໂລກຫຼຸດລົງ ຫຼື ຄັນຕາມຜິວໜັງມີການຕິດເຊື້ອຣາໂດຍສະເພາະບໍລິເວນທີ່ອັບ, ຊ່ອງຄອດ ແລະ ຊາຕາມນິ້ວມືນິ້ວຕີນ.