spot_img
Homeຂ່າວພາຍ​ໃນມອບ-ຮັບໂຄງການກໍ່ສ້າງຂົວມິດຕະພາບ 4 ເບື້ອງລາວ

ມອບ-ຮັບໂຄງການກໍ່ສ້າງຂົວມິດຕະພາບ 4 ເບື້ອງລາວ

Published on

wed11dec3

ໃນໂອກາດເປີດງານສະ ເຫລີມສະຫລອງການນຳໃຊ້ ຂົວມິດຕະພາບລາວ-ໄທ ແຫ່ງທີ 4, ວັນທີ 10 ທັນວາ 2013 ທີ່ດ່ານຂົວມິດຕະພາບ 4 (ເບື້ອງລາວ) ເມືອງຫ້ວຍ ຊາຍແຂວງບໍ່ແກ້ວໄດ້ຈັດມີພິທີມອບ-ຮັບໂຄງການຊ່ວຍ ເຫລືອລ້າຈາກລັດຖະບານ ສປ ຈີນ ໃຫ້ແກ່ ລັດຖະບານ ສປປ ລາວ, ໂດຍການເຂົ້າ ຮ່ວມຂອງທ່ານ ສົມສະຫວາດ ເລັ່ງສະຫວັດ, ຮອງນາຍົກລັດ ຖະມົນຕີປະທານຄະນະກຳ ມະການຮ່ວມມື ລາວ   –  ຈີນ,  ລັດຖະທູດ ສປ ຈີນ ປະຈຳ ລາວ, ມີທ່ານ ສົມມາດ ພົນ ເສນາ, ລັດຖມົນຕີກະຊວງ ໂຍທາທິການຂົນສົ່ງ, ທ່ານ ຄຳໜັ້ນສູນວິເລີດເຈົ້າ ແຂວງໆ ບໍ່ແກ້ວ ແລະ ແຂກຖືກ ເຊີນທັງ ລາວ ແລະ ຈີນເຂົ້າຮ່ວມ.
ທ່ານ ທອງວັນ ບຸດຕະ ນະວົງ, ຫົວໜ້າໂຄງການຕາງ ໜ້າໃຫ້ ກະຊວງໂຍທາທິການ ແລະ ຂົນສົ່ງຂື້ນລາຍງານຜົນ ສຳເລັດຂອງໂຄງການວ່າ: ຂົວມິດຕະພາບລາວ-ໄທ 4 ນີ້ ເປັນຂົວເຊື່ອມຕໍ່ລະຫວ່າງ ເມືອງຫ້ວຍຊາຍແຂວງບໍ່ແກ້ວ  ສປປ ລາວ ກັບ ເມືອງຊຽງ ຂອງ ແຂວງຊຽງລາຍ ຣາຊະ ອານາຈັກໄທ. ເປັນໂຄງການ ທີ່ນອນໃນເສັ້ນທາງ R3 ເຊື່ອມຕໍ່ ລະຫວ່າງໄທ-ລາວ-ຈີນ ເພື່ອຮອງຮັບການພັດ ທະນາເສດຖະກິດ-ສັງຄົມ, ການຄ້າ, ການລົງທຶນ ແລະ ການທ່ອງທ່ຽວຕາມແລວທາງ ເສດຖະກິດເໜືອ-ໃຕ້ ຂອງ ອະນຸພາກພື້ນ ແມ່ນ້ຳຂອງ ໂດຍໄດ້ຮັບການຊ່ວຍເຫລືອ ຈາກລັດຖະບານແຫ່ງຣາດຊະ ນາຈັກໄທ ແລະ ລັດຖະບານ ແຫ່ງສປ ຈີນ ຝ່າຍລະ 50% ໃນມູນຄ່າທັງໝົດ 48 ກວ່າ ລ້ານໂດລາສະຫະລັດ.
ໂຄງການປະກອບດ້ວຍ ເສັ້ນທາງເຊື່ອມຕໍ່ 6 ກິໂລ ແມັດ, ເສັ້ນທາງເວັ້ນຍາວ 1,98 ກິໂລແມັດ ແລະ ອາ ຄານດ່ານ 1 ແຫ່ງ ແລະ ເຄິ່ງ ໜຶ່ງຂອງຫົວຂົວມີຄວາມຍາວ 315 ແມັດ. ໂຄງການນີ້ໄດ້ລົງ ມືກໍ່ສ້າງໃນວັນທີ 11 ມີຖຸນາ 2010.
ຜົນສຳເລັດໂຄງການ ນີ້ຈະຊ່ວຍໃຫ້ການຂະຫຍາຍ ຕົວທາງດ້ານເສດຖະກິດ  ຂອງປະເທດໃນອະນຸພາກ ພື້ນລຸ່ມແມ່ນ້ຳຂອງ ແລະ ບັນ ດາປະເທດອາຊຽນ ແລະ ກໍ ໄດ້ປະຕິບັດຕາມແຜນພັດທະ ນາເສດຖະກິດສັງຄົມຄັ້ງທີ 7 ຂອງລັດຖະບານເພື່ອລົບລ້າງ ຄວາມທຸກຍາກ ແລະ ນຳພາ ປະເທດຊາດຫລຸດພົ້ນອອກ ຈາປະເທດດ້ວຍພັດທະນາ ໃນປີ 2020. ນອກຈາກນີ້ຍັງ ໄດ້ມີຄວາມພ້ອມເພື່ອກຽມ ຕົວເຂົ້າສູ່ປະຊາຄົມອາຊຽນ ໃນປີ 2015.
ໃນໂອກາດນີ້ທ່ານ ສົມ ສະຫວາດ ເລັ່ງສະຫວັດ, ຮອງ ນາຍົກລັດຖະມົນຕີ, ປະທານ ຄະນະກຳມະການຮ່ວມມື ລາວຈີນ ໄດ້ມີຄຳເຫັນໃນ ການກ່າວຮັບໂຄງການດັ່ງ ກ່າວວ່າ: ຕາງໜ້າ ໃຫ້ລັດຖະ ບານ ແລະ ປະຊາຊົນລາວ ສະແດງຄວາມຮູ້ບຸນຄຸນຢ່າງ ເລີກເຊິ່ງ ແລະ ຄວາມຂອບ ອົກຂອບໃຈຢ່າງຈິງໃຈຕໍ່ລັດ ຖະບານ ແລະ ປະຊາຊົນຈີນ  ທີ່ໄດ້ໃຫ້ການຊ່ວຍເຫຼືອອັນ ລໍ້າຄ່າໃນໂຄງການນີ້, ພ້ອມນີ້ ກໍສະແດງຄວາມຊົມເຊີຍບັນ ດາໜ່ວຍງານທີ່ກ່ຽວຂ້ອງຕະ ຫຼອດເຖິງບໍລິສັດທີ່ປືກສາ, ບໍລິສັດກໍ່ສ້າງ, ນັກວິສາວະ ກອນ, ກຳມະກອນ, ນາຍຊ່າງ ທັງລາວ ແລະ ຈີນ ໄດ້ໃຫ້ ການຮ່ວມໄມ້ຮ່ວມມືກັນສູມ ສະຕິປັນຍາ ແລະ ກຳລັງວັງ ຊາເຮັດໃຫ້ໂຄງການນີ້ສຳ ເລັດຢ່າງຈົບງາມ.
ໃນຕອນທ້າຍທ່ານ ກວນ ຮ່ວງບິງ ແລະ ທ່ານສົມສະ ຫວາດ ເລັ່ງສະຫວັດ ກໍໄດ້ລົງ ນາມໃນບັນທຶກຮັບມອບຮັບ ໂຄງການດັ່ງກ່າວຢ່າງເປັນ ທາງການ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...