ມີລາຍງານວ່າ Facebook ກຳລັງທຳການທົດສອບລະບົບແຊັດທີ່ລົບຂໍ້ຄວາມຕົວເອງອັດຕະໂນມັດ (ຄືກັບຟັງຊັ່ນ hidden chat ໃນ LINE) ໂດຍຂໍ້ຄວາມຈະຖືກລົບອັດຕະໂນມັດຫລັງຈາກທຳການສົ່ງອອກໄປ 1 ຊົ່ວໂມງ
ການປັບປຸງຟັງຊັ່ນໃໝ່ນີ້ຂອງ Facebook ນັ້ນກໍຖືເປັນການຍ່າງຮອຍຕາມຄູ່ແຂ່ງຢ່າງ Snapchat ທີ່ເຄີຍເປີດຕົວບໍລິການດັ່ງກ່າວມາແລ້ວກ່ອນໜ້ານີ້ ຊຶ່ງທາງໂຄສົກຂອງ Facebook ກໍເປີດເຜີຍວ່າພວກເຂົາຕື່ນເຕັ້ນກັບການປ່ຽນແປງໃນເທື່ອນີ້ເປັນຢ່າງຫລາຍ ພ້ອມທັງເບີ່ງວ່າ Messenger ຈະເປັນແອັບທີ່ຄົບເຄື່ອງທີ່ສຸດໃນການສື່ສານໃນອະນາຄົດ ແລະການທົດສອບນັ້ນ ຕົວຂໍ້ຄວາມທີ່ສົ່ງອອກໄປຈະຫາຍໄປຈາກລະບົບພາຍໃນ 1 ຊົ່ວໂມງ ແລະຖືເປັນອີກໜຶ່ງທາງເລືອກໃນການສື່ສານ
ຈາກພາບຕົວຢ່າງດ້ານລຸ່ມຈະເຫັນວ່າຫາກຜູ້ໃຊ້ຕ້ອງການໃຊ້ງານຟັງຊັ່ນດັ່ງກ່າວ ກໍພຽງກົດຮູບໂມງດ້ານຊ້າຍເພື່ອທຳການເປີດຫລືປິດຟັງຊັ່ນ ຊຶ່ງການທົດສອບນີ້ Facebook ເປີດເຜີຍວ່າຈະຄ່ອຍໆ ທະຍອຍທົດສອບໃນຫລາຍໆ ປະເທດໄວໆນີ້
