Homeຂ່າວການສຶກສາກຽມສ້າງຫຼັກສູດປະລິນຍາໂທວິທະຍາສາດສັງຄົມສາຂາປະຊາກອນ ແລະ ການພັດທະນາ

ກຽມສ້າງຫຼັກສູດປະລິນຍາໂທວິທະຍາສາດສັງຄົມສາຂາປະຊາກອນ ແລະ ການພັດທະນາ

Published on

ວັນ​ທີ 10 ພະຈິກ​ນີ້, ມະຫາວິທ​ະຍາ​ໄລ​ແຫ່ງ​ຊາດ​​ໄດ້​ຮ່ວມ​ກັບ​ອົງການ​ສະຫະ​ປະຊາ​ຊາດ​ກອງ​ທືນສຳລັບ​ປະຊາກອນ ( UNFPA ) ຈັດກອງ​ປະຊຸມ​ປືກສາຫາລື​ກະກຽມ​ສ້າງ​ຫຼັກສູດ​ປະລິນຍາ​ໂທ​ວິ​ທະຍາ​ສາດ​ສັງຄົມ​ສາຂາ​ປະຊາກອນ ​ແລະການ​ພັດທະນາຂຶ້ນ, ​ໃນນະຄອນ ຫຼວງ​ວຽງ​ຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານຮອງ​ສາ​ສະ​ດາ​ຈານ ດຣ ພຸດສິມ ​ມາລາ​ວົງ ຮອງ​ອະທິການ​ບໍດີ​ມະຫາວິທະຍາ​ໄລ​ແຫ່ງ​ຊາດ (ດົງໂດກ), ມີ​ຜູ້​ຕ່າງ​ໜ້າ​ຈາກ​ອົງການ UNFPA ,ສູນ​ສະຖິຕິ​ແຫ່ງ​ຊາດ,ບັນດາ​ກະຊວງ ​ແລະ ອົງການ​ຈັດັຕ້ງທີ່​ກ່ຽວຂ້ອງ​ເຂົ້າ​ຮ່ວມ​ເປັນ​ຈຳນວນຫຼາຍ.

​ຮອງ​ອະທິການ​ບໍດີ​ມະຫາວິທະຍາໄລແຫ່ງຊາດກ່າວ​ວ່າ: ກອງ​ປະຊຸມ​ຄັ້ງ​ນີ້​ເປັນ​ການ​ເຕົ້າ​​ໂຮມ​ຊ່ຽວຊານ​ດ້ານ​ການ​ສຶກສາ ​ແລະ ກະຊວງ​ກ່ຽວຂ້ອງ​ເພື່ອ​ປຶກສາຫາລື​ບັນຫາ ​ແລະ ສິ່ງ​ທ້າ​ທາຍ​ດ້ານ​ປະຊາ​ກອນ​ຢູ່​​ໃນປະ​ເທດເຮົາ ​ແລະຄວາມ​ຈຳ​ເປັນ​ຕໍ່​ການ​ສ້າງຫຼັກສູດ​ປະລິນຍາ​ໂທ​ວິ​ທະຍາ​ສາດ​ສັງຄົມ​ສາຂາ​ປະຊາກອນ ​ແລະ ການ​ພັດທະນາພາຍ​ໃຕ້​ຄະນະ​ວິທະຍາສາດ​ສັງຄົມມະຫາ​ຫາ​ວິທະຍາ​ໄລ​ແຫ່ງ​ຊາດ,​ ເພື່ອ​ປະກອບສ່ວນ​ເຂົ້າການ​ພັດທະນາ​ເສດຖະກິດ​-ສັງຄົມ​ແຫ່ງ​ຊາດ,​ ເນື່ອງ​ຈາກ​ຫຼັກສູດ​ດັ່ງກ່າວ​ແມ່ນ​ມີ​ຄວາມ​ສຳຄັນ​ຫຼາຍ​ຕໍ່​ການ​ພັດທະນາ​ຊັບພະຍາກ​ອນມະນຸດ​ຂອງ​ປະ​ເທດ​ເຮົາ, ກໍຄື​ຄວາມ​ຮຽກຮ້ອງ​ຕ້ອງການ​ຂອງ​ສັງຄົມ ​ແລະ ນັກວິຊາ​ການ.

ຜູ້​ຕາງ​ໜ້າ​ອົງການ UNFPA ກ່າວ​ວ່າ: ການ​ປ່ຽນ​ແປງ​ດ້ານ​ປະຊາກອນ​ແມ່ນ​ມີ​ຄວາມ​ສຳຄັນ​ຫຼາຍ,​ ເນື່ອງ​ຈາກ​ວ່າ​ມັນ​ເປັນອົງ​ປະກອບ​ພື້ນຖານ​ຂອງ​ການວາງ​ແຜນ​ພັດທະນາ ​ເສດຖະ ກິດ-ສັງຄົມ ​ແລະ ​ໂຄງ​ສ້າງ​ຂອງ​ປະຊາກອນ​ລາວ​ກໍ​ມີ​ທ່າ​ອ່ຽງທີ່​ດີຕໍ່​ການ​ພັດທະນາ​ປະ​ເທດ​ຖ້າ​ຫາກ​ຜູ້​ຮ່າງ​ນະ​ໂຍບາຍ​ມີ​ຄວາມ​ເຂົ້າ​ໃຈ ​ແລະ ​ເຫັນ​ໄດ້​ເຖິງ​ຄວາມ​ສຳຄັນ ​ແລະ ນຳ​ໃຊ້​ເຂົ້າ​ໃນ​ຂະ​ບວນການວາງ​ແຜນ​ຢ່າງ​ຖືກຕ້ອງ ​​ແລະ ຖື​ວ່າຊັບພະຍາກອນ​ມະນຸດ​ແມ່ນ​ໜຶ່ງ​ໃນ​​ປັດ​ໄຈ​ຫຼັກ​ໃນ​ການ​ພັດທະນາ​ປະ​ເທດ, ​ໂດຍ​ສອດຄ່ອງ​ກັບ​​ແຜນ​ຍຸດ​ທະ​ສາດ​ການ​ພັດທະນາ​ເສດຖະກິດ-ສັງຄົມ, ທີ​ສຸມ​ໃສ່​ການ​ລຶບ​ລ້າງ​ຄວາມທຸກ​ຍາກ ​ແລະ ຫຼຸດ​ພົ້ນ​ອອກ​ຈາກ​ສະຖານະ​ພາບປະ​ເທດ​ດ້ອຍ​ພັດທະນາ​ໃນ​ປີ 2020

ຂ່າວຈາກ ໜັງສືພິມລາວພັດທະນາ

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...