ສຳນັກຂ່າວຕ່າງປະເທດ ລາຍງານໃນວັນທີ 3 ພະຈິກນນີ້ວ່າ ຜົນຂອງການກວດສອບກ່ອງດຳ ເພື່ອໄຂປິດສະໜາ ເຫດເຮືອບິນໂດຍສານ ຖ້ຽວບິນ KGL9268 ສາຍການບິນ ໂຄກາລີມອາເວຍ ຂອງຣັດເຊຍ ຕົກຢູ່ເຂດໄຊນາຍ ປະເທດອີຢິບ ຈົນເຮັດໃຫ້ຜູ້ໂດຍສານ ແລະ ລູກເຮືອເສຍຊີວິດຍົກລຳ 224 ຄົນ ໄດ້ປະກົດວ່າ ເຮືອບິນລຳດັ່ງກ່າວ ບໍ່ໄດ້ຖືກຍິງຕົກ ບໍ່ໄດ້ຖືກກະທົບຈາກວັດຖຸພາຍນອກ ແລະ ນັກບິນເອງ ກໍບໍ່ໄດ້ສົ່ງສັນຍານສຸກເສີນ ກ່ອນທີ່ເຮືອບິນຈະສູນຫາຍ ຈາກຈໍຣາດາ.

ທັງນີ້ ເຈົ້າໜ້າທີ່ອີຢິບ ແລະ ຣັດເຊຍ ຍັງຈະສືບຕໍ່ກວດສອບ ຊຶ່ງຜ່ານມາລ້ວນແຕ່ ຍັງບໍ່ທັນພົບສາເຫດຜິດປົກກະຕິໃດໆ ທີ່ເກີດຂຶ້ນພາຍໃນເຮືອບິນ ແລະ ກໍບໍ່ມີບັນທຶກວ່າ ນັກບິນສົ່ງສານຍານຄວາມຊ່ວຍເຫລືອອີກດ້ວຍ ເຮັດໃຫ້ປິດສະໜາຂອງສາເຫດເຮືອບິນດັ່ງກ່າວຕົກ ຍິ່ງເປັນບັນຫາທີ່ຊັບຊ້ອນຂຶ້ນກ່ວາເກົ່າ.